客问：汝等入教嘅人，诚心服事上帝，请问上帝两只字係样边解呢？
答话：上帝两只字，唔係天，唔係地，唔係理，唔係道，唔係气，唔係性，唔係人，唔係物件，也唔係鬼神，係造天地与人、又造万物嘅大主宰，係天下万人嘅天亚爸，係万王个王。冇起头，冇结尾，无所不能，无所不知，又极慈善至尊贵嘅，冇有可以与佢比得，如同天地万物嘅头脑，国家有君王，屋家有家长，又像完身有头，孻子有亚爸，树木有根，水有源头。若係国家冇君王其国中就哙乱；屋家冇家长，其屋家就哙冇人料理；完身係冇头颅，就唔生活得；水係冇源头，就冇长流；故所以冇上帝，就冇天地人类。万物啰咁样看起来，详细来查察下子，一看倒有天有地，又有人类与各样物件，就必定有造天地万物嘅头脑，即係上帝，唔使思疑啰。