Quelques personnes ont prétendu que si un Abbé & son Couvent sont saisis
propriétairement en fief simple de terres, tant pour eux que pour leurs
successeurs, cet Abbé, en vendant ces terres sans y être autorisé par sa
Communauté, son successeur, après son décès, ne peut en reprendre de
suite & sans formalités la succession.
*SECTION 654, 655 & 656.*
*Per mesme le reason ils voilent dire, que lou un Dean & Chapter sont
seisies de certain terre a eux & a lour successors, si le Deane alien
mesme la terre, &c. ceo serroit un discontinuance a son successor issint
que son successor ne poit enter, &c. A ceo poit estre respondue que il y
ad grand diversitie perenter un les deux cases.*
*Car quant un Abbe & l' Covent sont seisies, uncore sils sont disseisie,
Labbe avera assise en son nosme demesne, sans nosmer le covent, &c. Et
si ascun voile suer _Præcipe quod reddat_, &c. de mesmes les terres
quant ils fueront en le maine Labbe & Covent, il covient que tiel action
real soit sue envers Labbe solement sans nosme la Covent, pur ceo que
touts sont morts persons en la ley forsque Labbe que est le soveraigne,
&c. Et ceo est per cause del soveraigntie; Car auterment il serroit
forsque come un de les auters Moignes de le Covent, &c.*
*Mes un Dean & le Chapter ne sont morts persons en la ley, &c. car
cheschun de eux poit aver action per soy en divers cases. Et de tiels
terres ou tenements que le Deane & Chapter ont en common, &c. sils
soient disseisies, le Deane & Chapter averont un assise, & nemy le Deane
sole, &c. Et si auter voile aver action real de tiels terres ou
tenements envers le Deane, &c. il covient de suer envers le Deane &
Chapter, & nemy envers le Deane sole, &c. & issint il appiert grand
diversitie perenter les deux cases, &c.*