Antaux ol Svislando estis tiel libera kiel la nuna svisa respubliko,
gxiaj aferoj estis administrataj de personoj kiuj reprezentis aliajn
naciojn. Ofte tiuj personoj estis kiel eble plej severaj jugxistoj al la
svisoj. Unufoje plej kruela tirano estis administranta aferojn svisajn.
Li elpensis rimarkindan metodon por montri sian povon ("power"), kaj por
esti malagrabla al la svisoj. Li decidis meti sian cxapelon sur altan
stangon en la vendejo ("market-place"), en malgranda vilagxo apud bela
lago inter la altaj montoj. Li diris ke de nun tiu cxapelo reprezentas
lin, kaj portos lian nomon. Saluti la cxapelon estos la grava devo de
cxiu persono en la vilagxo. Estos cxies devo ne nur saluti la cxapelon,
sed ankaux genufleksi ("kneel") antaux la stango. La tirano diris ke
li forprenos la domon, la kampojn kaj tiom da mono, kiom li povos, de
cxiu vilagxano aux kamparano kiu forgesos genufleksi. "Mi intencas sendi
gardistojn," li diris, "kiuj rimarkos cxu vi cxiuj genufleksos kiam
vi estas proksimaj de la stango." Je tagmezo alvenis gardistoj, por
rimarki cxu la necesaj salutoj estos farataj de cxiuj, kaj por kapti
cxiujn svisojn kiuj ne genufleksis. Baldaux la kamparanoj komencis eniri
la vendejon, por vendi legomojn po kiel eble altaj prezoj, kaj por
acxeti vestojn kaj aliajn aferojn po treege plej malaltaj prezoj. Cxiu,
kiu iris proksimen de la stango, zorge genufleksis antaux la cxapelo
de la malamata tirano, pro timo pri la hejmoj kaj la familioj. Fine,
kamparano, kies nomo estis Vilhelmo Tell, eniris la vendejon, kaj staris
du aux tri minutojn proksime de la stango, dum li diris kelkajn vortojn
al amiko. Sed anstataux fari tujan saluton, aux genufleksi, li tute ne
rigardis la stangon.