La sezonoj de la jaro estas la vintro, la printempo, la somero, kaj la
auxtuno. La auxtuno estas inter la somero kaj la vintro. Gxiaj monatoj
estas septembro, oktobro kaj novembro. En septembro oni povas kolekti
maturajn fruktojn. Tiam ankaux oni rikoltas la flavan grenon de la
kampoj. Dum cxi tiu monato kaj dum oktobro la folioj sur la brancxoj
komencas esti rugxaj kaj flavaj, anstataux verdaj. La herbo velkas, kaj
bruna tapisxo sxajnas kovri la teron. Baldaux la folioj falas al la
tero, kaj en novembro la arboj estas tute nudaj. Pli aux malpli frue
negxas. La glacio ofte kovras la akvon en la riveroj, kaj restas sur la
stratoj kaj la vojoj. La mola blanka negxo kovras la teron, kaj kusxas
sur la brancxoj de la arboj. Tiam, pro la fortaj ventoj, gxi falas de
la brancxoj al la tero. La birdoj frue lasas tian veteron, kaj flugas
de cxi tie al pli sudaj kampoj kaj arboj. Ili ne povas resti, pro la
malvarmaj tagoj kaj noktoj. Ili malsxatas la negxon kaj la glacion pli
multe ol ni. Ju pli multe negxas; des pli malofte ni volas promeni. Ni
preferas resti en la domo, anstataux ekster gxi. Ju pli ni rigardas la
nudajn brancxojn de la arboj, des pli malagrabla sxajnas la vintro.
Tamen la junaj infanoj tre sxatas tian veteron, kaj ju pli negxas, kaj
ju pli forte la norda vento blovas, des malpli ili estas kontentaj en
la domo. Ili volas kuri sur la negxo, cxirkaux la arboj kaj inter ili,
kun siaj junaj amikoj. Ili povas bone amuzi sin per la negxo. La monatoj
de la vintro estas decembro, januaro kaj februaro. Gxi estas la plej
malvarma sezono.