Estis varma vetero, la suno brilis, kaj suda vento blovis. Tamen la
nova ventoflago sur la domo diris al si, "La sudan venton mi ne sxatas.
Mi preferas orientan venton." La vento orienta auxdis la diron kaj gxi
venis kontraux la ventoflagon. Pluvis kaj pluvis, kaj oni estis kolera
kontraux la ventoflago, cxar gxi montras orientan venton. Gxi diris,
"Pluvas nun, sed la greno en la kampoj bezonos sekan veteron. Oni estos
kolera kontraux mi, cxar mi montras orientan venton." La okcidenta vento
auxdis la ventoflagon, kaj baldaux venis. Gxi ne estis forta, sed gxi
estis seka kaj agrabla vento, kaj ne portis pluvon. La viroj, virinoj,
kaj junaj infanoj volis trinki, sed ili ne havis akvon. La greno kaj la
floroj velkis, kaj la frukto ankaux falis. La nova ventoflago diris,
"Oni estos kolera kontraux mi, cxar ne pluvas. Oni opinios ke, cxar mi
montras okcidentan venton, la frukto falas, kaj la greno kaj floroj
velkas. Mi sxatas montri nek okcidentan nek orientan venton!" Norda
vento auxdis kaj venis al la ventoflago. La vetero ne estis agrabla,
kaj la virinoj kaj la junaj infanoj ne estis varmaj. Negxis, kaj oni
estis kolera. Oni diris "La greno kaj la frukto bezonas varman veteron,
sed hodiaux negxas. Ni preferas la sudan venton. Ni havis gxin, antaux
la orienta, la okcidenta, kaj la norda ventoj. La ventoflago ne estas
fidela amiko al ni. Gxi ne montras bonajn ventojn, kaj ni volas rompi
gxin!" Oni kuris al la domo, kaptis la novan ventoflagon, kaj ankaux
rompis gxin. Gxi falis, kaj kusxis sur la vojo antaux la domo.