Griza kato iris de la domo gxis la strato. Gxi vidis paseron antaux si,
kaj volis mangxi gxin. La kato staris post granda arbo, kaj kaptis la
paseron. La pasero diris "Bona kato lavas sin antaux sia mangxo, sed vi
ne lavis vian vizagxon." La interesa diro surprizis la katon. La kato
ne tenis la paseron, sed komencis lavi sian vizagxon. La pasero flugis
de la kato gxis la arbo. La kolera kato diris "Mi perdis mian mangxon,
cxar mi komencis lavi min antaux la mangxo!" Nun la katoj ne lavas sin
antaux la mangxoj. Ili havas siajn mangxojn, kaj post la mangxoj ili
lavas la vizagxojn. La paseroj ne surprizas ilin nun, sed ili tenas la
paserojn. La katoj estas felicxaj, sed la paseroj ne estas felicxaj. La
junaj paseroj volas flugi al la nestoj en la arboj.