[Sidenote: 1444 / JAN. 10]
In Dei nomine Amen. Ego, Willelmus Paston de Paston, sanæ mentis et
memoriæ, condo testamentum meum in hunc modum. In primis, lego animam
meam Omnipotenti Deo, Beatæ Mariæ, et omnibus Sanctis, et corpus meum
sepeliendum ad finem Australem altaris in Capella Beatæ Mariæ in fine
Orientali ecclesiæ Cathedralis Sanctæ Trinitatis, Norwici. Et si
contingat corpus meum ibidem sepeliri, lego cuilibet monacho sacerdoti
ecclesiæ prædictæ qui singulis diebus aliqua septimana per septem annos
proximo sequentes post mortem meam missam de Spiritu Sancto in capella
prædicta tempore celebrationis summæ missæ in eadem ecclesia
decantaverit, ad exorandum in eadem missa de Spiritu Sancto, et in aliis
divinis per ipsum diebus illis factis, pro anima mea et animabus uxoris
meæ, patrum, matrum et omnium consanguineorum et benefactorum nostrorum,
et omnium quorum debitores sumus, et omnium per nos injuriam patientium,
et eorum omnium pro quibus Deo est deprecandum et omnium fidelium
defunctorum septem de nac’ (?). Item, lego Roberto nunc priori ecclesiæ
Sancti Andreæ de Bromholm quadraginta solidos; et cuilibet monacho
ejusdem ecclesiæ conventus de Bromholm sex solidos et octo denarios; et
executoribus testamenti Ricardi Causton, nuper vicarii ecclesiæ de
Paston, viginti solidos; et executoribus testamenti Adæ, nuper vicarii
ecclesiæ de Bakton, sex solidos et octo denarios; ita quod remittant et
relaxent in conscientiis suis animabus prædictis si quæ per earum
aliquam sibi debita fuerint. Et si hoc remittere et relaxare
recusaverint, de prædictis legatis nihil habeant, sed in omnibus quæ
sibi per animas prædictas vel earum aliquam deberi rationabiliter aut
evidenter, in conscientia vel aliter, juxta discretionem executorum
meorum, aut majoris partis eorundem, probaverint aut verificaverint,
sibi satisfaciant executores mei. Residuum vero bonorum meorum omnium
non legatorum do et lego Agneti uxori meæ, Johanni filio meo, Willelmo
Bakton et Johanni Damme de Sustede, quos ordino et constituo executores
hujus testamenti mei, ut ipsi inde disponant pro[ut] in justis
conscientiis suis magis viderint Deo placere et animabus prædictis
prodesse. In cujus rei testimonium præsentibus sigillum meum apposui.
Datum decimo die Januarii anno regni Regis Henrici Sexti post Conquestum
vicesimo secundo. Hujus autem testamenti mei venerabilem in Christo
patrem et dominum, dominum Willelmum Lincolniensem Episcopum[190-1]
ordino et constituo supervisorem.
[Footnote 189-1: [Register Luffenam, 29.]]
[Footnote 190-1: William Alnwick, Bishop of Lincoln from 1436 to
1449. He had been Bishop of Norwich before he was presented to
Lincoln.]