For beppe scil soarge wirde. En beppe en wy hawwe in wei foun dat Ruth
hjar learen wol trochgean kin.
RUTH.
(_forheard_). Boer....
FRÂNSKE.
Dat is in moaije tatiding, wier Ruth?
RUTH.
Ja jiffer. Mar ik moat der effen oer neitinke.... Om’t ik hie sokke
moaije dreamen, oer as ik letter sels jiffer wêze scoe en de bern
leare.... En do fen ’e moarn op dy bou, do wier dat sa fier fen my
ôf.... Mar nou komt it wer tichter.... Ik bin der o sa bliid ta, boer,
al bigryp ik net....