Dat is dos ôfpraet. Jy geane nou wer nei it lân ta en stjûre Ruth
hjirhinne. Janne wol wol graech hwet selskip hawwe. Miskien fine wy mei
gauwens wol hwet oars for hjar. Oant sa lang is se hjir wolkom.
SETS.
’k Scil ’t sizze, boer. Och, och, as Japik dat wiste.... (_Giet nei de
doar_).
FRÂNSKE.
(_nei hjar ta_). Siz Sets, forjow my dat ... dat....
SETS.
Hwet woe de jiffer sizze?
FRÂNSKE.
Hwet ik sei fen Ruth niis.... It wier sa forkeard fen my, sa dom.... Ik
bin altyd sa dom.... De boer hat gelyk, Sets ... hjar plak is der
_net_....
SETS.
(_wer stil greatsk_). Ik tankje de jiffer.