_Alessandro VI alla Signoria di Firenze._
Roma, 13 luglio 1501.
Dilecti filii Salutem et ap. ben. Proficiscitur isthuc dilecta in
Ch. filia, nobilis mulier Catherina Sfortia: quam cum aliquandiu, ut
nostis, ex certis rationabilibus causis detineri fecerimus, gratiose
postea liberavimus, et quia pro nra consuetudine et pastorali officio
non solum cum eadem Catherina clementia usi sumus, sed quantum cum
Deo possumus ipsius etiam commodis paterna benignitate consulere
cupimus, scribendum vobis duximus, ipsam Catharinam devotioni vre non
mediocriter commendantes: ut sicut ipsa benevolentia nra summopere
freta, isthuc tamquam in propriam patriam se recipit, sua spe nris
etiam additis commendationibus non frustretur. Erit igitur nobis
gratissimum, si intellexerimus illam pro ejus erga istam civitatem
observantiam, nro etiam intuitu benigne a vobis susceptam et tractam
esse. Dat. Rome ap. S. Petr. sub anulo Piscatoris die XIII. Julii
MCCCCCI. Pont. nri. a. nono.
Hadrianus.
(Archiv. Florent. Reform. Atti pubblici, n. 237.)