Rex vicecomiti Mall. Salutem. Cum nuper pacem nostram per totum regnum
nostrum publicè proclamari fecimus, et eam omnibus et singulis de regno
nostro tam Judæis, quam Christianis observari præcepimus, et præcipimus
quod Judæi nostri de Bruges in balliva tua manuteneas, et defendas,
ita quod eis pax nostra, prout ejus per totum regnum nostrum proclamari
fecimus, inviolabiliter observetur. Et non exigas vel exigi permittas ab
eisdem redemptiones vel alias extorsiones ad opus nostrum, vel alicujus
alterius, nisi quatenus ad debita nostra, seu Domini _Henrici_ regis
patris nostri, seu tallagia, aut alia ad quæ de jure tenentur ab eis
levanda, de nostro, aut ejusdem Domini Henr. patris nostri mandato
warrantum habueris. Datum, &c. apud Westm. 15 die Junii.