Rex Vicecomiti Lincoln, et Majori Cantuariæ salutem. Ostenderunt nobis
Judæi nostri Lincolniæ quod ratione præcepti, Venerabilium Patrum
S. S. Cantuariensis Archiepiscopi, et Episcopi Lincoln, facti, de
Judæis, nequis eis victualia vendat, nec communionem habeat cum eis,
nec inveniant aliquem qui eis aliquid vendet: ideo vobis præcipimus quod
visis literis nostris, præcipi et clamari faciatis ex parte nostra, in
Balliva vestra, quod vendantur eis victulia. Et si quem inveneritis qui
deneget eis victulia et alia necessaria, in civitate Cantuariæ, et alibi,
illum capiatis, et corpus ejus salvo custodiatis, donec aliud mandatum
præcipimus.
Teste Hugone de Burgo apud Westm. 10. die Novemb.――_Claus._ 7, H. 3,
pars 2, m. 29, dors.