Rex Custodibus Portuum Angliæ salutem. Præcipimus vobis quod Judæos
qui venturi sunt in terram nostram Angliæ, de transmarinis partibus,
ad morandum in terra nostra Angliæ, cum catallis suis, libere, et
sine impedimento in portu nostro accedere permittatis; accepta ab eis
sufficienti securitate, secundum legem Judæorum per fidem eorundem,
quod quam citius poterint, veniant ad justiciarios nostros ad custodiam
Judæorum assignatos, ad inrotulandum nomina eorum in rotulis nostris. Et
si aliquem Judæum, qui de partibus transmarinis venerit, sicut prædictum
est, retinueritis, ipsum, et catalla sua, sine dilatione, deliberari
faciatis. Si quos autem inveneritis Judæos de terra nostra, qui ad vos
venerint ad transfretandum usque ad partes transmarinas, sine literis
nostris de licentia transfretandi, ipsos cum catallis suis arrestari
faciatis, donec a nobis, vel a justiciariis nostris ad custodiam
Judæorum assignatis inde aliud mandatum habueritis.
Teste Petro Winton, Episcopo, West. 13 die Novemb. an. Reg. nostr.
tertio.