Alak ba-ri ahzu, Alak ba-ri, ahgohom, ala-ta chique ri u chi nu zu, ri u
chi nu gohom ri mi-x-chi tzak-ta Alak? areta ba chi tzak Alak ri ru nima
tzakabalah, nu chuti tzakabalah, areta-puch chi tzak Alak ri nu yaqui
zu, nu yaqui gohom; are-ta-puch chi tzak Alak nu Queche zu, nu Queche
gohom, cohbal re ri nu canab, nu teleche chi nu huyubal, chi nu tagahal,
qui ta chi birbot cah, qui ta chi birbot uleu, chi kah-ta ka vi, ka
holom, chirech u yiic, u xahic cuq achih-mun, ixok-mun varal chuxmut
cah, chuxmut uleu. Ca cha curi nu tzih chuvach cah, chuvach uleu. Cah,
uleu chi qohe uq Alak, Alak ahzu, Alak ahgohom!
U CAHLAHUHMUL CA CHAU
QUECHE-ACHI.
Eha, Ahau Hobtoh! qui yuxtah-ba La chuvach cah, chuvach uleu! ri bala ri
nu cahom, ri nu chaim, mi-x-ch'ul nu hacha, mi-x-ch'ul nu pere chu chi u
nimal tzak u nimal qoxtun, chi quu-ta ba La, chi tzapih-ta ba La chupam
u chuyal, u pakabal, chupam u nimal tzak, chupam u nimal qoxtun; mi-x-ya
cu La chuve ri nu raibal, nu qutubal chuvach cah, chuvach uleu, mi-x-in
hiquiquih uloc chupam u nimal tzak qoxtun chi cahpa, chi cah xucutal,
xacu nima r'etalil nu camic, nu zachic varal chuxmut cah, chuxmut uleu.
Ca cha chi curi nu tzih chuvach cah, chuvach uleu. Ve catz Lal tzacat,
Lal molah chupam u nimal tzak, chupam u nimal qoxtun, chi ya-ta chi ba
La chuve, ch'in cah-ta chi ba chi ech La ri u Chuch-Gug, u Chuch-Raxon,
ri Yamanim-Xtecokib, ri petenak Tzam-Gam-Carchag, qo zayom u chi,
ma-habi zayom u vach, ch'in za-ta cu u chi, ch'in za-ta u vach, ch'in
mezezeh-tah, ch'in hiquiquih-tah chupam u nimal tzak u nimal qoxtun, chi
cahpa chi cah xucutal, xata nima r'etalil nu camic, nu zachic varal
chuxmut cah, chuxmut uleu. Quehe cah, uleu chi qohe uq La, Ahau Hobtoh!
U VUKMUL CA CHAU
AHAU HOBTOH.
Oyeu achi, Cavek-Queche-Vinak! Naki-ta-on ri ch'a raih, ch'a tzonoh?...
Ca nu ya cu chave a raibal, a tzonobal, rumal varal qool-vi tzapil-vi
ri u Chuch-Gug, u Chuch-Raxon Yamanim-Xtecokib, ri petenak
Tzam-Gam-Carchag, qo zayom u chi, ma-habi zayom u vach: ca nu ya cu
chave, oyeu achi, xa nima r'etalil a camic, a zachic varal chuxmut cah,
chuxmut uleu. Achih-mun, ixok-mun, cha qama uloc ri u chuch Gug ri u
chuch Raxon cha ya chire ri oyeu, cha ya chire ri achi, u raibal, u
tzonobal, xa nima r'etalil u camic, u zachic varal chuxmut cah, chuxmut
uleu.