Et wassen[420] twe künigeskinner,
de hadden enanner so lef[421],
de konnen to nanner nich kummen,
dat water was vil to bred[422].
‘Lef herte, kanst du der nich swemmen?
lef herte, so swemme to mi!
ick will di twie keskes[423] upstecken
un de sölld löchten to di.’
Dat horde ne falske nunne
up ere slopkammer, o we!
se dei de keskes utdömpen[424],
lef herte blef[425] in de se.
Et was up en sunndage morgen,
de lüde wören alle so fro,
nich so des königes dochter,
de augen de seten[426] er to.
‘O moder,’ sede se, ‘moder!
mine augen dod mi der so we; 10
mag ick der nich gon spazeren
an de kant[427] von de ruskende[428] se?’
‘O dochter,’ sede se, ‘dochter!
allene kanst du der nich gon,
weck up dine jüngste süster
und de sall met di gon.’
‘Mine allerjüngste süster
is noch so n unnüsel[429] kind
se plücket wol alle de blömkes
de an de sekante sind. 20
Un plückt se auk men[430] de wilden
un lett de tammen[431] ston,
so segged doch alle de lüde,
dat hed dat künigskind don.
O moder,’ sede se, ‘moder!
mine augen dod mi der so we,
mag ick der nich gon spazeren
an de kant von de ruskende se?’
‘O dochter,’ sede se, ‘dochter!
allene sast[432] du der nich gon, 30
weck up dinen jüngsten broder!
und de sall met di gon.’
‘Min allerjüngsten broder
is noch so unnüsel kind,
he schütt[433] wull alle de vügel[434]
de up de sekante sind.
Un schütt he auk men de wilden
un lett de tammen gon,
so segged doch alle de lüde,
dat hed dat künigskind don.
O moder,’ sede se, ‘moder!
min herte dod mi der so we, 10
lot annere gon tor kerken!
ick bed an de ruskende se.’
Do sad de künigsdochter
upt hœfd[435] ere goldene kron,
se stack up eren finger
en rink von demanten so schon.
De moder genk to de kerken,
de dochter genk an de sekant,
se genk der so lange spazeren
bes se enen fisker fand. 20
‘O fisker, leveste fisker!
ji könnt verdenen grot lon,
settet jue netkes[436] to water,
fisket mi den künigesson!’
He sette sin netkes to water,
de lotkes[437] sünken to grund,
he fiskde un fiskde so lange,
de künigsson wurde sin fund.
Do nam de künigesdochter
von hœfd ere goldene kron: 30
‘süh do, woledele fisker!
dat is ju[438] verdende lon.’
Se trock[439] von eren finger
den rink von demanten so schon:
‘süh do, woledele fisker!
dat is ju verdende lon.’
Se nam in ere blanke arme
den künigsson, o we!
se spranc met em in de wellen:
‘o vader un moder, ade!’
8.