granment se souffrir non. Et lors commence Gauuain auques a lasser et
a gitter plus lentement quil ne faisoit deuant, car sanz faille celle
force qui l[u]y venoit entour[112] heure de midy acoustumeement ne ly
duroit pas tres bien iusqua[113] heure de nonne. Et nonpourquant {9}
elle ly valut en tant[114] de lieux et tant luy aida,[115] quil ne
trouua en toute sa vie cheualier qui a luy se combatist a lespee quil
ne menast en[116] la fin iusqua oultrance, [H 224 d] fors seulement
.vj. Ly vngs en fut Lancelot du Lac; ly autres[117] Bo[h]ors li
Essiliez; ly autres Hector des Mares; ly quart[118] Gaherietz et fu
frere Gauuain. Le quint fut Tristan Lamoureux, le niepz au[119] roy
Marc. Le vj^e fut[120] le Morholt dont ie[121] parle [19c] en cest
compte cy. De tous ceulx[122] ausqueulx Gauuain se combati corps a
corpz pot il bien a chief venir ne mes de ces .vj. Mais nulz des[123]
.vj. ne pot il oncques a oultrance mener. Et sachent tous ceulx qui ce
compte lizent que le Morholt dont ie parole cy fut cil Morholt que
Tristan le niepz le roy Marc occist en l'Isle[124] Sanxon pour le
truage quil demandoit de Cornoaille. Mais or retournerayi[125] a ma
matiere et diray comment les deux cheualiers firent paix entreulx .ij.
Moult dura la bataille des .ij. cheualiers, car moult estoient amduy
preux et legiers. Et quant ce [U 241] vint apres nonne, que Gauuain fu
auques lasses et que le bras ly commenca a douloir, le Morholt, qui
bien sen aparceuoit, li dist: "Sire cheualier, il est huy mais tard,
et vous estes lasses et trauailles et ie aussi, sy a ly vngs tant
essaie lautre [H 225a] que bien nous deuons entrecognoistre. Ie ne le
dy pas ne pour vous louer ne pour moy, mais tant vous dy ie bien que
ie ne cuid mie que puis .x. ans eust en la Grant Bretaigne vne aussi
belle bataille com ceste a este. Et pour ce que nous[126] [y] auons
este si longuement, que nulz de nous ny a honte receue, loueroie ie
bien en droit conseilh que la chose remainsist atant; car certes de
plus faire ne puet nul bien venir fors la mort de lun et de lautre. Et
se vous moccies et ie vous, ce sera dommage grant, a ce que vous
pouez[127] encor venir a grant honneur, sa[128] dieu plaisoit, et ie
aussi. Et certes ie ne le vous requier mie pour paour ne pour
doubtance que ie aye, fors pour ce quil mest aduis que nous ne pouons
mieulx faire."
Quant messire Gauuain entent ce,[129] il ly respont: "Sire, vostre
mercy, vous me feites moult grant honnour, qui me requeres de ce[130]
dont ie vous deusse requerre, car le plus ieune se doit humilier[131]
a lainsne. Certes, sire, de la bataille laisser, puis quil vous
plaist, sui ie tout conseillies, car la querele nest pas si grant
entre nous ne la haine si mortelle que elle ne doie bien remanoir. Si
la vous laiz, beau sire, et vous en octroy lonneur. Et ie le doy bien
faire, car certes vous estes le meilleur cheualier que ie {10} ia
cuidasse trouuer." Et le Morholt respont: "Lonneur ne doit pas estre
mien, mez vostre, car vous lauez bien desserui. Or vous en taisies
atant, car ie vous en pry." Et lors oste son heaume, et Gauuain refait
tout autretel, si se vont entrebaisier[132] maintenant et fiance [U
242] lun a lautre que des or mais seroient amys et [19d] loyaux
compaignons, ne naura rancune entreulx pour chose qui ait este. Et
quant Yuain, qui trop fesoit grant duel pour son cousin,[133] voit que
la chose est a ce venue, il en est tant liez quil en tend ses mains
vers le ciel[134] et dist: "Et benoist soit nostre seigneur de ceste
paix quil a entreulx enuoyee,[135] car ie cuide que se la bataille
eust granment plus dure quilz se fussent tous deux occis."
Quant ilz se furent entrefiance compaignie,[136] ilz relassent leurs
heaumes et viennent a leurs chevaulx et montent,[137] et Yvains
autressi. Lors dist le Morholt a Gauuain: "Sire, dictes moy comment [H
225 c] vous aues nom, ne le me celes mie." "Sire", fait il, "non feray
ie. Saches que iay a nom Gauuain, le filz le roy Loth, et est le roy
Artus mez oncles." "Certes, messire Gauuain", fait le Morholt, "vous
estes extrait de si[138] hault preudomme que vous ne pourries pas
faillir a estre preudoms, et vous en aues si bon commencement que ie
ne cuid mie quil ait en tout le monde[139] .i. aussi bon cheualier
comme vous estes de vostre aage." Et il le remercie moult bien[140] et
dit:[141] "Certes, vous dires ce que vous vouldres, mez bien saches
quen la court monseigneur mon oncle a de meilleurs cheualiers de mon
aage que ie ne suis." "Or laissons ce ester", fait le Morholt,
"certes, ie vous cognoiz mieulx que vous mesmes ne vous cognoissez,
mez ie vous pry par[142] amour et par courtoisie[143] que vous
viengnes anuyt mais herberger auec moy entre vous et vostre
compaignon." Et ilz ly octroient volontiers pour ce quilz voient quil
les em prie si bel [U 243].
Lors sen uont tout vne sentele tant quilz viennent[144] en vne vallee
et voient deuant eulx en[145] vne praerie vng recet moult bien
ferme[146] et assez coincte. Et quant ilz sont venus deuant la porte,
le Morholt descente[147] et [H 225 d] ly autres aussi. Et maintenant
saillent vasles qui prenent leurs[148] cheuaulx, et dames yssent
encontre eulx qui les mainent ou palaiz de leans et lez font
desarmer.[149] Si se prenent garde de leurs plaies[150] et lez aisent
de {11} quanquilz peuent. Celle nuyt furent les .ij. cousins seruis et
aeisie assez plus que silz feussent en lostel[151] le roy Artus, car
le Morholt sen entremet tant[152] quilz sen merueillent tuit. Quatre
iours seiorna leans Gauuain pour ses plaiez[153] garir. Et quant[154]
il sen volt partir, il prist congie a tous ceulx de leans et moult les
mercia[155] de lonneur quilz [20a] ly auoient fait,[156] et leur dist
quil sen yroit a lendemain[157] et puis[158] redist au Morholt: "Sire,
vous aues tant fait pour moy[159] que ie ne le pourroie iamais
desseruir. Saches que ie sui vostre cheualier en quelque[160] lieu que
ie soye." "Encor ne prenes vous mie congie", fait le Morholt. "Sire,
si fais, car ie men iray le matin." "Or ne [H 226 a] vous hastes",
fait le Morholt, "quant vous [vous] en ires le matin, ie vous
conuoyeray et vous tiendray par auenture plus longuement compaignie
que vous ne cuides." Et il dist que ce luy plairoit[161] moult bien.
A Lendemain, si tost com le iour apparut, se leuerent les .ij. cousins
et allerent oir messe, et puis pristrent [U 244] leurs armes. Et le
Morholt dit que len ly apporte les siennes[162] et on si fait. Et il
sarme maintenant et dist a son escuier: "Pren le meilleur ronssin[163]
de ceans et monte et vien apres moy." Et[164] il si fait. Et lors se
partent de leans. Quant ilz sont loing du recet[165] demie lieue, le
Morholt dist a Gauuain[166]: "Quel part vouldres vous aler?" "Certes,
sire",[167] [fait il] "ie ne scay fors que nous irons la ou auenture
nous conduira." "Et quales vous", fait il, "querant?" "Sire, nous
querons auentures et cheualeries ainsi com cheualiers errans doiuent
faire." "Certes, messire Gauuain", fait le Morholt, "ie ne
macointay[168] mais de [H 226 b] ieune homme que ie prisasse autant
com ie faiz vous;[169] et pour ce vous ayme ie de si grant amour que
ie vueil des or mais estre cheualier errant pour ce que ie puisse
mieulx auoir vostre compaignie et que ie vous voye plus souuent." Et
messire Gauuain dit que de ceste compaignie est il moult lies.[170]
Einssi sont acompaignes les trois compaignons[171] et dient quilz ne
se departiront[172] iamais se pour mort nest, deuant[173] que auenture
les departe. Si cheuauchent ainsi tout le iour[174] sans auenture
trouuer qui a compter face. La nuyt geurent ches vne {12} vesue dame
qui moult bien lez herberga. A lendemain,[175] si tost com il fu iour,
sarmerent et se mistrent en leur voye. Et cestoit droit le chemin vers
le royaume de Norgales.[176] Si cheuaucherent iusqua heure de tierce.
Lors leur aduint quilz vindrent en vne forest grant et parfonde que
len appelloit Aroie.[177] Ilz se mistrent dedens, et le Morholt dist
[U 245] erranment: "Messire Gauuain, de ceste forest ay ie ouy parler
maintes foiz, et [me] distrent bien souuent aucunes gens que oncques
cheualier ny estoit entres[178] qui ny trouast auenture, [20 b] puis
quil aloit auenture querant." "Sire", fait messire Gauuain, "dont y
trouuerons nous auentures, se nous ne sommes plus mescheans que
autres." "Or sachies", fait le Morholt, "que sans auenture trouuer
ne[179] vous en partires vous ia, car ie vous menray a la fontaine que
len ne trouua oncques sans auenture a noz temps." Et il dist que la
veult il bien aler.
Lors sen uont tout le grant chemin de la forest. Et quant ilz ont
cheuauchie entour .ij. lieues, ilz tournent hors du chemin en vne
petite sente[180] et lors viennent en vne vallee moult parfonde qui
estoit toute plaine de roches viues.[181] Et ou milieu de celle vallee
auoit vne grant fontaine[182] qui sourdoit au pie des roches, et
estoit celle fontaine toute auironnee darbres qui couuroient leaue de
bien hault. Quant ilz viennent pres de la fontaine[183] le Morholt
dist: "Messire Gauuain, descendes, et vous messire Yuains, et alons
veoir la fontaine la ou elle sourt lassus. Et ie cuid que ancois que
nous y aions gran[H 226d]ment demore orrons nous aucunes nouuelles de
ce que nous alons querant." "Sire", font ilz, "ales deuant et nous
vous suiurons, car nous ny feusmez oncques."[184]
Lors sen uait le Morholt toute la soise[185] de la fontaine et les
autres apres; si nont mie granment ale quilz trouuerent dessoubz les
arbres trois damoiselles asses diuerses en eage; car lune ne pouoit
pas auoir plus de .xv. ans, et lautre en auoit bien .xxx., et la
tierce en auoit bien[186] .lx.^te et dix. Et celle de[187] .lx.^te et
dix appelle li [U 246] contes damoiselle non mie pour laage, mes pour
ce quelle cheuauchoit tous iours desliee, ne ia ne feist si grant yuer
que elle eust ou chief fors vng chappel dor. Et si vous dy quelle
estoit toute blanche de cheueux. Et pour ce quelle estoit si chenue et
aloit toutes uoies en guise de damoiselle, {13} lappelloit len
communement la damoiselle chenue. Quant elles voient les .iij.
cheualiers venir, elles se dressent encontre eulx et les saluent, et
cilz leur rendent leur salut. Et la damoiselle [chenue] leur dit
premierement: "Ore, seigneurs cheualiers, quales vous querant?" Es ilz
dient quilz [H 227 a] vont querant auentures, ne pour[188] autre chose
ne se partirent ilz de leurs pais. "Certes", fet elle, "de foulie vous
entremeistez qui par ce laissastes voslre terre, car ie ne cuid pas
que vous eussies cueur ne hardement demprendre a mettre a chief les
auentures de ceste terre,[189] entendu que vous nen auez le pooir."
[20c] "Non, damoiselle?" fait Gauuain, "si naurions nous mie tant de
hardement?" "Non certes", fet elle, "que vous nen aues mie le corps."
Et sanz faille monseigneur Gauuain nestoit mie moult grant cheualier,
ains estoit auques bas. Et il est adonc moult corroucies, si
respont[190] par corroulx: "Damoiselle, quel que mon corps soit, il na
cheualier en ce pais que ie nosasse bien enuahir de bataille ou
attendre." "Or le faites dont bien", fet elle. "Veez cy .iii.
damoiselles: vous em prendras lune et vostre compains lautre et le
tiers la tierce, et elles vous manront maintenant[191] par les
auentures de ce pais. Si sachies que se vous pouez mener a chief
toutes les auentures que len vous monstrera, oncques cheualier[192] si
auentureux ne furent." Et ilz respondent tous .iij. quil sont prestz
dentrer en la queste des auentures. "Or y a", fet elle, "une autre
chose que ie ne vous vueil mie celer. Il y a vne de noz trois qui ne
se peut mettre en [H 227 b] queste se cil ne luy creante qui auec ly
se mettra quil la conduira .i. an sauuement et la garantira [U 247]
encontre tous ceulx qui rien ly vouldront demander. Et messire Gauuain
se taist maintenant, et aussi fet le Morholt. Et messire Yuain saut
auant et dit: "Damoiselle, ie[193] qui suis le pire cheualier de nous
.iij.,[194] la prens en conduit en tel maniere com vous le deuises,
puis que ces preudommes la reffusent." "Grans mercis", fet elle,
"sire, or men yray ie dont auec vous, car ie suis celle qui veulx
auoir .i. an entier le conduit dun cheualier." Et messire Gauuain ly
dist adonc: "Messire Yuains, beaux cousins, vous aues moult emprins,
dieu vous en doint a bon chief venir." "Sire", fait il, "or est ainsi,
ne scay quil men aduendra, mais mon pouoir feray ie de ly tenir son
conuenant." "Messire Morholtz", fet Gauuain, "vous estes ainsnes, si
choisires et prendres de ces .ij. damoiselles celle que vous mieulx
ameres a conduire." Et il prent maintenant celle de moyen aage. Et
messire Gauuain prent lautre qui moult estoit[195] de grant beaute.
Lors dient les cheualiers aux damoiselles: "Comment le ferons nous de
vous? Auez vous cheuaux?" Et elles dient que[196] {14} oil. [H 227c] Si
les vait maintenant lune querre[197] asses pres dillec, et les baille a
amener[198] a vng escuier iusqua la compaignie. Lors montent les
damoiselles et les cheualiers aussi et les escuiers[199] qui estoient
.iij., car chascun des cheualiers auoit son escuier. Et lors dit la
damoiselle chenue: "Seigneurs, ce que vous aues empris a cerchier les
auentures de ceste [20d] terre nest mie pou [de] chose, ains y
demourres plus que vous ne cuides; mais pour ce que departir nous
conuient et que ie ne scay mie quant nous nous entretrouuerons[200]
mez, vous pry ie [U 248] que vous soiez duy en vng an a ceste fontaine
a heure de midy la ou vous nous trouuastes; lors si saura lun de lautre
comment il lui sera auenu, et nous en irons adont se dieu plaist a la
court le roy Artus." Et ilz le[201] creantent ainsi. Si se mettent
maintenant a la voye et tant cheuauchent en tel maniere ensemble que
ilz vindrent a vne croix qui deppartoit .iij. chemins, et sen aloient
ces .iij. chemins en la forest parfonde. Quant ilz vindrent a la croix,
ilz sarrestent[202] et la damoiselle leur [H 227d] dit: "Icy vous
estuet departir, beaux seigneurs, car les .iij. chemins le nous
enseignent," et ilz si accordent bien. Et messire Gauuain oste son
heaume tout premier, et aussi font les autres, si sentrebaisent
erranment.[203] Au departir dist le Morholt a monseigneur Gauuain:
"Messire Gauuain, souu[i]enge vous au chief de lan de la fontaine, si
que vous y viengnes au iour, car certes moult me tardera que ie voye
cellui iour et que ie puisse de rechief estre en vostre compaignie. Car
bien saches que ie oncques namay cheualier autant com ie faiz
vous."[204] Et il len mercie moult et dit quil y sera a cellui iour se
dieu plaist. Et lors redit a monseigneur Yuain: "Beaux cousins, vous
entres es questes des auentures qui ne sont pas legieres mes greueuses
et ennuyeuses durement; pour dieu nemprenes mie follement voz
cheualeries, car certes la ou vous[205] ouureres au plus sagement que
vous pourres aures vous assez a fere." Et[206] il dit quil fera ce quil
le conui[en]dra a fere. Lors[207] se deppartent ly vngs de[208] lautre.
Si laisse ly comptes a parler deulx tous et retourne a parler du roy
Artus. [H 228a] _Comment la Dame du Lac vint a la court le roy Artus et
lui dit quil ne vestit point le manteau que Morgain lui enuoyoit car
sil le vesioit il mouroit; et la damoyselle a qui le roy le fit vestir
en morut._
En ceste partie dit ly comptes que quant le roy Artus ot donne congie
a Yuain son nepueu, moult en furent doulens[209] ceulx de la court,
car moult lamoient tuit et toutes. Mais le roy Vriens eu fut tant
doulant quil[210] se [U 249] fust maintenant parti de {15} court si ne
fust [21 a] le roy Artus qui le retint a fine force et qui li commanda
sur quantquil[211] tenoit de lui quil remainsist, et par ce remest il.
Au soir demanda asses le roy ou Gauuain ses nieps estoit, mes il ny ot
nul qui luy sot enseigner. A lendemain redemanda le roy[212] de luy,
et mesmement a ses freres. Et Gaheriet, qui moult estoit doulent de ce
quil ne sauoit ou il estoit, dist au roy son oncle: "Certes, sire,
nous ne le veismes puis quil ala connoyer[213] Yuain nostre cousin."
"Ne vint il[214] onques puis?" fait le roy. "Sire non." "Par mon
chief," fait le roy [H 228 b], "dont sen est il du tout alies auec
luy, si ay perdu lun pour[215] lautre. Voirement suis[216] ie fol;
encore volisse ie mieulx quilz fussent ambeduy ceans que ieusse
Gauuain perdu, car ie ne le verray en piece mais par auenture."[217]
Tielz paroles dist le roy de Gauuain son nepueu, car moult en estoit
esmaies, com de cellui quil amoit plus tendrement que nul autre. Et
aussi lamoient tous ceulx de son hostel. Si vous dy que pour son
departement furent amati[218] tuit le[s] plus vaillans de la court, et
le roy mesmes en fu[219] moult doulant.
Ung iour seoit le roy a son disner dedans la cite de Carduel, et le
seruoit len moult richement. Et quant il ot eu tous ses mes, et il
entendoit a parler a Lucan le Bouteillier,[220] atant es vous
venir[221] leans tout arme Manasses, fors quil ot [oste] son heaume de
son chief pour ce que le roy seoit a table. Et quant ceulx de leans
qui seruoient le virent venir, ilz[222] ly courent a lencontre et li
font ioye merueilleuse et le desarment maintenant [H 228 c] et li
dient: "Bien viengne le cheualier errans!" Et ilz sauoient tuit de
voir quil venoit de querre auentures. Quant [U 250] Manasses ot mengie
auec les autres cheualiers de leans, et le roy fut leue de sa table,
il le fist venir deuant luy pour ce quil venoit [de] dehors, et li
demanda maintenant sil auoit oy[223] nouuelles de Gauuain ne de Yuain
ne sil les auoit veuz. "Certes,[224] sire," fet il, "nenil,[225] mais
ie vy na mie granment Morgain vostre seur, qui mot si grant mestier
quelle me resqueust de mort." Et quant le roy o[i]t de Morgain parler,
il ne voult pas que les autres en oyent riens, si les fet traire ensus
de luy, et lors redist a Manasses: "Dy moy ou tu veiz Morgain et que
elle te fist." Et cil ly conte errantnent[226] tout ce quelle ly auoit
fait et dit, ainsi [21 b] com ly comptes [l]a ia deuise. Et quant le
roy lentent, il se commence a seigner et dit: "Par mon chief,
voirement menchanta {16} elle. Se ses enchantemens ne fust, elle ne
conchiast iamais preudomme, car ien eusse vengie et moy et tout le
siecle, si destorbasse maintz[227] maulx a faire que elle fera encore
par son enchantement." "Et qui est," dit Manasses, [H 228d] "la
damoiselle chaceresse? Se celle ne fust, Morgain vous eust mort."
"Certes," fait le roy Artus, "ie lay maintes foiz veue et maint iour a
elle este ceans, mais ie ne sceuz[228] onques tres bien qui elle
estoit fors quelle est fille dun roy de la Petite[229] Bretaigne. Mais
puis quelle ma de mort rescoux, il mest auis que ie la deuroye plus
amer que ma seur, car elle ma este plus loyal. Et certes se ie venoie
en lieu[230] ie ly guerdonneroye sa bonte et a ma seur autressi la
sienne."
Einsi dist le roy Artus de la Damoiselle du Lac. A lendemain, a heure
de prime, vint elle leans o tout grant compaignie [U 251] de gens. Et
se fu[st] si atornee par enchantement que le roy ne la cogneust iamais
en telle semblance, car il vous semblast bien, se vous la veissies,
quelle eust passe .lx^te. ans et plus. Et quant elle fut leans
descendue, le roy lappella moult bel pour ce que dame daage li
sembloit, et elle vint a luy et le trait a conseil et li dist: "Roy
Artus, ie vous ayme moult non mie tant pour vous com ie fais pour la
bonne renomee dont vous estes. Et pour ce ne souffreroye ie pas vostre
mal, se ie le sauoye que ie ne [le] vous acointasse." Et il [H 229a]
len mercie moult, et puis ly demande pourquoy elle le dit. "Ie le vous
dy", fet elle, "pour ce que ceans viendra sempres vne damoiselle qui
est ministre Morgain, vostre seur, et apportera auec soy vng mantel.
Cil manteaux est de tel force que ia nul ne laffublera quil ne chee
mort maintenant quil laura mis a son col. Elle vouldra que vous
laffubles premier pour vo[u]z occire. Mes gardes vous en bien par mon
conseil." "Et quen feray ie dont?" fait il. "Ie vueil", fait elle,
"que vous ly facies affubler premiere, et lors si verres quil ly en
aduiendra; et se elle en muert, Morgain ne pourroit estre plus
corroussee de nulle chose qui li auenist, car elle layme de trop grant
amour." "Par mon chief, dame", fait le roy, "sil aduient ainsi com
vous me dictes, onques dame ne serui plus haultement [homme] que vous
maures serui de ceste chose." "Quant vous [21 c] aures", fet elle,
"cogneu ceste bonte, si ne seres vous mie remembrans de tel bonte vous
fiz ie ia." Et il li demande ou ce fu. "Ie ne le vous diray ore mie",
fet elle, "car il nen est nul mestier et si le saures vous[231] tout a
temps. Mais or laisses ceste chose dusqua sempres, car vous verres
bien comment il en auendra" [H 229 b]. Et il dit quil nen parlera ia
plus a ceste foiz.
[U 252] Au soir, apres soupper, quant le roy[232] fut leues de la
table et les cheualiers estoient encore ou palais,[233] {17} atant es
vous entrer en la sale vne damoiselle vestue dun vermeil samit moult
bel et moult coinctement. Et apportoit entre ses bras vng escrin
dargent. Et la ou elle voit le roy Artus elle sen va droit a luy et le
salue et li dit; "Roy Artus, salut vous mande la plus vaillant
damoiselle et la plus belle que ie sache orendroit ou monde,[234] et
vous enuoye vng garnement si bel[235] et si riche qua peine le
pourries contrepeser."[236] Lors oeuure lescrin quelle portoit et en
tire hors vng mantel de drap de soie si bel et si riche par semblant
que se vous le veissies vous ne cuidissies mie quil eust ou monde si
bel ne si riche[237] par semblant. Et quant elle la desuelouppe, si
que tous ceulx de leans le porent appertement remirer, elle dist: "Roy
Artus, que ten semble?" fet ele. "Damoiselle", fet il, "certes il [H
229 c] est[238] beaulx, mais ie croy quil seroit mieulx conuenable a
damoiselle que a cheualier, car il me semble vng pou trop court. Et
pour ce vous pry ie que vous lessaies, si verrons comme il vous[239]
serra." "Roys", fait elle, "ie suis femme et damoiselle, si ne suis
mie digne que ie mette a mon col[240] si riche robe com si hault homs
com vous estes doie affubler. Et pour[241] ce ne[242] mentremettray ie
ia, car ce seroit[243] trop grant folie." "Si vueil", fait il, "que
vous le facies, et se blasme y auient, le blasme en sera tornes sur
moy et non mie sur vous, et lors si ny aures nulle honte." Et celle
qui nentendoit nul mal en ceste chose, ne ne [U 253] cognoissoit mie
de quel force le manteau estoit, le met a son col et laffuble. Et si
tost com elle lot mis entour elle,[244] elle chiet a[245] terre et
sestent, et maintenant ly part lame du corps, si que ceulx du palais
sen[246] seignent a merueille, quant ilz la voyent deuiee et dient que
plus merueilleuse [21 d] auenture nauint onques mais en la court le
roy Artus. Et le roy, qui voit ceste chose auenir tout ainsi com len
luy auoit deuise, regarde ceulx qui entour luy sont et leur dit: "Or
poes [H 229 d] veoir com soutiuement[247] auoit ma mort appareillee la
desloyal qui cest present menuoya." "Comment? sire", font ilz, "fusses
vous dont aussi mort com est ceste damoiselle se vous leussies
affuble?" "Ouil, certes," fait il, "pour autre chose ne fut il[248]
ceans enuoyes, fors pour moy occire; si en fusse mort se len nen[249]
meust acoincte." Et lors respondent[250] tuit: "Ha, dieu! quel
merueille ci[251] a, nous ne cuidissions iamais que cy eust barat
et[252] deceuance." "Or le poues veoir", fait il, "appertement".