[Sidenote: [The 3^de Met{ur}.]]
++Al were it so þat a ryche couetous man hadde riuer fletynge alle of
golde ȝitte sholde it neuer staunche hys couetise. ¶ And þouȝ he hadde
his nekke I-charged wiþ p{re}ciouse stones of þe rede see. {and} þouȝ he
do erye his feldes plentiuo{us} wiþ an hundreþ oxen neuere ne shal his
bytyng bysynesse forleten hym while he lyueþ. ne þe lyȝt[e] rychesses ne
shal nat beren hym compaignie whanne he is dede.