Lo_ur_ droitz no_u_ns et lo_ur_ p_ro_pretés,
Com_m_e vous ay dit, avetz oÿ;
La bon_n_e mere en soit loez,[415] 15100
Par qui d’Accide les pecchés
Sont des vertus tout anienty:
Car du Prouesce tant vous dy,
Qe du leon plus est hardy,
Et d’oliphant plus fort assetz,[416]
Plus q_ue_ Solail durable auci,[417]
Qant en un jour le ciel p_ar_my
Transcourt les cercles et degrés.
Saint Job, q’estoit de dieu eslit,
Sur terre vie humeine escrit 15110
N’est autre que chivalerie:
Car chascun hom_m_e q’icy vit
Covient, ainçois q’il soit p_ar_fit,
Trois guerres veintre en ceste vie,
Que molt sont plein de felon_n_ie:
La char du primere envaïe
L’assalt de son tresfol delit,
Le siecle de sa tricherie,
Ly deables d’orguil et d’envie,
Q’au peine serront desconfit. 15120
Mais cil prous champio_u_n de dieu
Qui du Prouesce ad la vertu,
Des bon_n_es armes s’est armé,
Du bon hauberc, de bon escu,
De healme fort, d’espé molu,
Que des vertus sont tout forgé,
Dont il veint toute adv_er_seté
Du char, du siecle et du malfié,
Q’encontre luy sont arestu.
He, com_m_e Prouesce est benurée, 15130
Q’ensi maintient son adoubé
Au fin q’ils tout soient vencu!
Des tieles armes bien et fort
Les saintz apostres p_ar_ confort
Au Pentecoste s’adouberont;
Dont doubte n’avoiont du tort
De ces tirantz jusq’a la mort,
Mais p_ar_devant cel temps doubteront.
Et puisq’ils Prouesce acuilleront,
As tous perils s’abandon_n_eront, 15140
Q’au char fesoiont nul desport;
Et tout le siecle despiseront,
Et le fals deable ensi materont
Q’il tout s’estuyt a leur enhort.
He, quel honour Prouesce atire!
Son chivaler l’en puet bien dire,
Q’il est bien digne d’estre Roy:
Car il conquiert le fort empire
Sanz quel nul hom_m_e est verrai sire,
C’est q’il est conquerrour du soy. 15150
Reso_u_n, constance et bon_n_e foy
Luy font trover assetz du quoy
Des biens del alme q’il desire;
Dont il sa guerre et son to_ur_noy
Maintient p_ar_ si tresfort conroy,
Qe tous les mals fait desconfire.
Seneques dist du vray P_ro_uesce,
Qe tous les mals dont p_ar_ duresce
Fortune la puet manacer,
N’ont force env_er_s sa hardiesce 15160
Plus q’une soule goute encresce
Les undes de la halte mer.
[Sidenote: =f. 85=]
O dieus, com_m_e vaillant chivaler,
Qui par Prouesce puet gaign_er_
Le ciel ove toute la grandesce,
Et veintre tout mal adverser,
Charnel, deablie et seculer,
Sanz mortiel plaie q_ue_ luy blesce.
Prouesce est bien de vertu plein,
Car tout ly bien qui sont mondein, 15170
Sicome delit, p_ro_ufit, honour,
Sont tout soubgit dessoubz sa mein;
Dont est sanz vice sov_er_ein,
Et use les com_m_e droit seigno_ur_
Par fine vertu sanz errour:
Il ad delit sanz fol amour,
P_ro_ufit sanz tricher son p_ro_chein,
Honour sanz orguillous atour;
Si est du siecle conquerour,
Et puis du ciel serra certein. 15180
=Ore dirra de les cink files de F_ra_nchise, des quelles la
prim_er_e ad no_u_n Justice, contre Covoitise.=
Sicom_m_e le liv_er_e nous devise,
Contre Avarice naist F_ra_nchise,
Si est a l’alme necessaire:
Les vices q’Avarice prise
F_ra_nchise en sa vertu despise
Et fait ses oev_er_es au contraire.
Elle ad cink files du bon aire,
Q’envers le siecle et saintuaire
Se gardont sanz vilain enprise;
Des quelles la prim_er_e et maire 15190
Justice ad no_u_n, q’en droit affaire
Guerroie encontre Covoitise.
De ceste vertu bon_n_e et fine
La loy civile ensi diffine,
Et dist: ‘Justice est ferm constant
Du volenté que ja ne fine,
Q’au riche et povre en jouste line
Son droit a chascun vait don_n_ant’:
A nully triche et nul trichant
La puet tricher, car tout avant 15200
Tient Equité de sa covine,
Q’ove sa balance droit pesant
Vait la droiture ensi gardant,
Q’al un n’al autre p_ar_t s’acline.
Plato_u_ns nous dist tout plateme_n_t
Qe ceste vertu p_ro_prement
Fait l’om_m_e solonc son degré
Par reule et par governement
Env_er_s dieu et envers la gent
Bien vivre; car d’onesteté 15210
Rent a chascun sa dueté,
As ses seignours honour et gré,
As ses voisins molt bon_n_ement
Fait compaignie et ameisté,
As ses soubgitz grace et pité;
Vers nul des trois estatz mesp_re_nt.
Civile du viele escripture
Endroit d’umeine creature
Deinz briefs motz tout comp_re_nt la loy
Q’attient a reso_u_n et mesure: 15220
C’est ‘Fai a autre la mesure,
Sicom_m_e tu voes q’il face a toy.’
Q’ensi justice tient en soy
N’est covoitous, tresbien le croy,
Del autry bien par conjecture;
Ainz son voisin lerra tout coy,
Car conscience en son recoy
L’enseigne affaire sa droiture.
Justice q_ue_ les droitz avance
Encore ad de sa retenance 15230
Trois autrez, dont se puet fier,
Prudence, Force et Attemprance.
Chascun des trois en sa faisance
Ad trois offices a guarder:
Prudence sert tout au primer,
Le dit, le fait et le penser,
Com_m_e dist Plato_u_n, sanz fole erra_n_ce
Au droite lyne fait reuler
Du reso_u_n sanz rien covoiter
Del autry contre dieu plesance. 15240
Prudence, dist saint Augustin,
L’amour du cuer guart ent_er_in,
Q’il soulement quiert et desire
Les richesses quelles sanz fin
Devont durer; car son engin
Et son aguait, dont il conspire,
Trestout sont mis a cel empire
U le conqueste ja n’enpire,
Ainz ly pourchas est tout divin:
Vers la se tient, vers la se tire, 15250
Nulle autre chose le detire,
Dont soit au covoitise enclin.
C’est la prudence du serpent,
Qant hom luy fait enchanteme_n_t,
Soubtileme_n_t lors s’esvertue,
Des ses orailles l’une estent
Plat a la t_er_re fermement,
Et l’autre estouppe de sa cue,
Q’elle en oiant ne soit deçue:
C’est une aprise contenue 15260
En l’evangile p_ro_prement,
Dont n_ost_re sire nous argue,
Et s’elle soit bien retenue,
Molt puet valoir au temps p_re_sent.
Qant Covoitise nous assaille,
Tendrons au terre l’une oraille,
C’est assavoir, nous penserons
Com_m_e tout fuist n_ost_re com_m_ençaille
Du vile terre et de merdaille;
Et l’autre oraille estoupperons 15270
Du keue, si considerons
Q’en terre au fin revertirons,
La serra n_ost_re diffinaille.
S’ensi Prudence garderons,
Je croy que poy covoiterons
La terre que si petit vaille.
‘Cil q’ad prudence en son avoir
Ad tous les biens q’om puet avoir,’
Ce dist Senec: car ly prudent
Ad temp_er_ance en son savoir, 15280
Et cil q’est temp_er_at pour voir
Il ad constance fermement,
Et ly constant du rien p_re_sent
Se fait doloir ascunement,
Et qui du riens se fait doloir
Ne porra vivre tristement:
Et ensi suit par consequent
Prudence ad ce que puet valoir.
Force est si forte de corage,
Ne quiert ne lucre n’avantage 15290
Du p_ro_ufit qui du siecle vient;
Et d’autre part pour nul orage
Ne crient ne p_er_te ne damage,
Que p_ar_ fortune luy survient;
Mais sur tous mals il se sustient,
Au destre ne s’abeisse nient,
N’au part senestre se destage;
Le ciel covoite et la se tient,
Car en la fin, bien luy sovient,
Le siecle n’est q_ue_ vain ombrage. 15300
Et Attemprance est si garnie,
La chose ne covoite mye
Dont en la fin doit repentir;
Car po_ur_ les biens de ceste vie
La droite loy que l’alme guie
Forsfaire voet pour nul desir:
De trop se sciet bien abstenir,
Et meinz q’assetz ne voet tenir;
Ovel se tient de sa partie.
Vers dieu se fait tant conv_er_tir, 15310
Qe riens luy porra p_er_vertir
Au fin q’il la justice oublie.
Attemprance est la meene voie,
En juggement qui droit convoie
P_ar_entre justice et reddour;
C’est la vertu que ne forsvoie
Ou p_ar_ priere ou p_ar_ monoie,
Ou p_ar_ hatie ou p_ar_ amour;
Ainz tient justice en sa vigour,
Chastie et pent le malfesour, 15320
Dont bien com_m_un se multeploie:
Pité nient meinz interiour
Se dolt du paine exteriour,
Qe d’autry mal n’ad point du joye.
Ce dont je parle n’est justice
Itiel com_m_e vendont cil Justice,
Selonc que parle le decré,
Qui pour le gaign de lo_ur_ office
La vertu font tourner en vice,
Qant droit vendont et equité; 15330
Dont font semblable le pecché
A Judas, qui le corps de dée
Vendist par voie d’avarice:
Mais vray Justice en son degré
Ne volt falser sa loyauté
Pour tout l’avoir q’est en Galice.
Ly philosophre nous reconte,
Justice les vertus surmonte
Pour garder le com_m_un p_ro_ufit;
Du covoitise ne tient conte, 15340
Ainz sur tous biens du siecle monte
Et dessoubz dieu se tient soubgit:
Dont cil qui par justice vit
Doit sur tous autres estre eslit
Au Roy, au Prince, au Duc, au Conte;
Car f_ra_nchement sanz nul despit
Fait droit, dont puis serra p_ar_fit,
Qant Covoitise ert mise a honte.
=Ore dirra de la seconde file de Franchise, la quelle ad no_u_n
Liberalité, q’est contraire au vice de Usure.=
[Sidenote: =f. 86=]
Franchise a guarder sa droiture
Encontre l’averouse Usure 15350
Ad la seconde de sa geste,
C’est Liberalité la pure,
Que tant est franche de nature,
Tant liberale et tant hon_n_este,
Qe sa richesce as tous est preste:
Car po_ur_ nul bien q_ue_ celle apreste
Ne quiert ja plus q_ue_ sa mesure;
Meulx voet don_n_er q_ue_ mal aqueste
Resceivre, car du tiel conqueste
Ne prent sa coffre la tenure. 15360
De ce vertu cil q’est doé
Asses luy semble avoir gaigné,
Qant il apreste a ses amys
Ou a qui autre en son degré,
S’il puet avoir de dieu le gré
Et de son p_ro_esme grans mercys:
En les Cités, en les paiis,
U tiel p_ro_dhom_m_e est poestis,
Molt valt sa liberalité
Au povre gent q’est entrepris; 15370
Qant duist paier au double pris,
Socourt a la necessité.
Usure dolt de la covine,
U ceste vertu est voisine,
Car qanq_ue_ Usure p_ar_ brocage
Attrait dessoubz sa discipline
Del orphanin ou l’orphanine,
Qui po_ur_ meschief mettont en gage
Leur moebles et leur heritage,
Iceste vertu les desgage, 15380
Qant voit d’Usure la falsine:
Car tant est franche de corage,
Ne lerra point au tiel paiage
Garder son p_ro_esme de ruine.
Par tout u Liberal s’en vait
Usure ad toutdis en agait
Pour sa falsine redrescer;
Et tout ce po_ur_ deux causes fait,
Qe l’un ne l’autre soit desfait,
Ne le dettour ne l’usurer: 15390
Le corps de l’un fait socourer
Q’est au meschief de no_u_npaier,
Et l’autre du mal gaign retrait,
Dont s’alme devoit p_er_iller:
Molt fait tieu vertu a loer,
Par qui vienont tant du bienfait.
Mais d’autre part s’il ensi soit
Q’au liberal ly povres doit,
Et n’ad dont paier la monoie,
Pour ce jam_m_ais d’ascun endroit 15400
Ne fait que povre en ert destroit,[418]
Ainz luy p_ar_don_n_e toute voie.
Au charité tout se convoie,
Ne quiert le soen, ainz le desvoie,
Ne fait, com_m_e dire l’en soloit,
De l’autry quir large courroie;
Ainçois ses p_ro_pres biens emploie,
Dont l’autre son p_ro_ufit reçoit.
Le quelq_ue_ Liberal ad plus,
Ou la richesce ou les vertus, 15410
Et l’un et l’autre franchement
Departe as povrez gentz menuz:
Mais ja po_ur_ tant de luy resçuz
Ne quiert leur orr ne leur argent,
Ne leur chapo_u_n ne leur frument;
Ainçois de dieu loer attent,
Et pour cela met a refus
Tout autre bien; dont dieus ly rent
Cent mil fois plus d’avanceme_n_t
De son tresor qu’il ad la sus. 15420
=Ore dirra de la tierce file de F_ra_nchise, la quelle ad
no_u_n Almosne, contre le vice de Ravine.=