Obedience l’en l’appelle, 12110
Que naist du Reso_u_n et d’Umblesce:
Plus est soubgite que l’ancelle,
Ne puet monter en sa cervelle
La chose dont Orguil l’adesce,
Ce sciet son Abbes et s’Abesse
En la maiso_u_n u est p_ro_fesse,
Que ceste file est sans querelle,
Ainz s’obeït et se confesse
Solonc la droite reule exp_re_sse
Et au moustier et au chapelle. 12120
Quiconq_ue_ soit le droit amant
De ceste file, tout avant
A dieu du corps et du corage
S’obeie; et s’il aviene tant
Q’adv_er_seté luy soit venant,
De ses chateaux p_er_te ou damage,
Ou de pourchas ou d’eritage,
Ou maladie en son corsage,
Ou piere ou mere ou son enfant
Ou l’autre gent de son lignage 12130
Verra morir, tout coy s’estage,
Q’encontre dieu n’est murmurant.
Tout scies tu bien q_ue_ tu morras,
Et nientmeins tu le p_re_ns en gas,
Disant q_ue_ tous devons morir:
Di lors q’est ce que tu ferras.
Po_ur_ quoy po_ur_ l’autri mort plouras,
Qant tu ta p_ro_pre mort ghemir
Ne voes? Pour fol te puiss tenir,
Qant l’autri mort ne fais souffrir, 12140
Com_m_e tu ta p_ro_pre souffreras:
[Sidenote: =f. 69=]
Car deux biens t’en porront venir,
L’un que tu fras le dieu plesir,
Et l’autre c’est pour ton solas.
Obedience du bon gré,
Solonc que dieus l’ad com_m_andé,
Tient les p_re_ceptz du sainte eglise,
Et son p_re_lat et son curée
Chascun solonc sa dueté
Honourt com_m_e doit par bon_n_e guise,
Et ses parens en toute assisse, 12151
Si com_m_e la loy luy est assisse,
Sert et obeie en leur degré;
As ses seigneurs tient lo_ur_ f_ra_nchise,
Et ses soubgitz point ne despise:
Molt ad le cuer bien ordiné.
L’en doit honour au p_re_sident,
Du quelq_ue_ loy q’il est regent,
Depuisqu’il est jugge establi
En sainte eglise ou autrement: 12160
Par Moïses car tielement
El livre deutronomii
Dieus dist et puis comande ensi,
Que cil qui ne s’est obeï
Solonc son saint com_m_andeme_n_t
Au p_re_stre et autre jugge auci,
Je vuil, quiconq_ue_ soit celly,
Qu’il en morra p_ar_ juggement.[322]
L’ono_ur_ de tes parens enseine
L’apostre par tresbon_n_e enseigne, 12170
Si te p_ro_met pour l’obeïr
Sur terre longue vie et seine;
Et de la loy puis te constreigne
Qe d’obeisance dois servir
Ton prince, et puis te dois vuïr
A tes voisins, et chier tenir
Et ton p_ro_chein et ta p_ro_cheine
Sans orguillous desobeïr;
Dont hu_m_bleme_n_t le dieu plesir
Ferras et ton p_ro_ufit demeine. 12180
Mais p_ar_ diverse discipline
Au p_re_lacie, q’est divine,
Et au terriene seigneurage
Dois obeïr en ta covine;
L’un ad ton corps en sa seisine,
Et l’autre ad t’alme en gov_er_nage:
Sur quoy dist Salomon le sage,
‘Obeie t’alme au presterage,
Maisq_ue_ la teste soit encline
Au prince, et ensi sanz oultrage 12190
Par obeissance te desguage:
Fai d’un et d’autre la doctrine.’
Et sur trestout obeie toy
A ton baptesme et a ta foy
Solonc ton dieu as joyntes meins.
Ce dist l’apostre endroit de soy
Enfo_ur_mant la novelle loy
Par ses epistres as Romeins
Et as Hebreus, ne plus ne meinz:
‘Gardetz,’ ce dist, ‘voz cuers dedeinz,
Qe la creance y soit tout coy; 12201
Car je vous fais tresbien certeins,
C’est impossible a les humeins
De plaire a dieu s’ils n’ont ce quoy.’
Je truis escript auci cela,
Qe l’om_m_e just du foy vivra,
Et dieus en porte tesmoignance[323]
En s’evangile quant precha;
Si dist, ‘Qui se baptizera,
Gardant la foy sanz variance, 12210
Tout serra sauf; car p_ar_ creance
Serront soubgit a sa puissance
Tous mals, que riens luy grev_er_a:
Et cil qui par desobeissance
S’est mis au fole mescreance,
Par juggement dampné serra.’
Abel en foy sacrifia,
Dont en bon gré dieus l’accepta,
Mais du Cahym le refusoit:
Noë, qui droite foy guarda, 12220
Fesoit celle arche dont salva
Les vies que dieus com_m_andoit:
La foy d’Enok, que dieus veoit,
Le fist ravir au tiel endroit,
Q’il mort terrene ne gousta;
Et Sarre, qant baraine estoit,
Par droite foy q’en dieu creoit
De Abraham un fils porta.
Et d’Abraham l’obedience
Puis app_ar_ust qant main extense 12230
Ot pour son fils sacrefier;
Mais dieus en fesoit sa defense,[324]
Et si luy dist q’en sa semence
Trestoutes gens volt benoier.
Q’om doit obedience amer
Ly sages nous fait enseiner,
Et don_n_e a ce bon_n_e evidence,
Qant dist q_ue_ plus fait a loer
Obedience d’umble cuer
Qe sacrefice ove tout l’encense. 12240
De Isaak auci je lis,
Qui molt estoit du foy garnis,
Qant pour le temps q’ert a venir[325]
Volt benoïr Jacob son fitz:
Et puis Jacob a son avis
Des dousze enfans volt pl_us_ cherir
Joseph, et pour plus eslargir
Ses graces luy fist benoïr:
Du foy c’estoit trestout enpris,
Dont dieus, qui savoit lo_ur_ desir 12250
Et leur creance, fist complir
Qe l’un et l’autre avoit requis.
Qant Moïses nasquist primer,
L’en luy faisoit pour foy muscer
Trois moys, siqu’il ne p_ar_ust mye;
Et puis, qant fuist aulqes plener,
Pour foy se fist ap_er_ticer,
La file Pharao s’amie
Lessant, q’avant l’avoit norrie;
Et puis se mist en jeup_ar_tie, 12260
Qant il l’Egipcien tuer
Fesoit de ce qu’il ot laidie
Sa foy; dont dieus de sa p_ar_tie
Luy fist en grant estat monter.
Puis Moïses en foy feri
La rouge mer, que s’en parti
En deux, dont ly Hebreu passeront;
Mais Pharao qui les suÿ
Ove ses Egipciens auci
En halte mer sanz foy noieront: 12270
Ly autre apres qui foy garderont
Ove Josué tout conquesteront
La terre, dont furont seisi.
Par ce q_ue_ cils la foy ameront
Du viele loy, nous essampleront
Qe la novelle eions cheri.
La foy du novel testament
Devons cherir, car pov_er_e gent
Encontre toute crualté
Des les tirantz primerement 12280
Venquiront vertuousement
Le siecle, et ont en dieu fondé
La foy du cristieneté;
Dont semble a moy q’en no degré
Bien devons estre obedient,
Puisq_ue_ cil ont la foy gaigné,
Que p_ar_ nous soit si bien gardé,
Que nous la p_er_dons nullement.
L’apostre don_n_e au foy g_ra_nt pris,
Du quoy ly saint furont apris, 12290
Qant les miracles en fesoiont,[326]
Dont convertiront les paiis:
P_ar_ foy le feu, qant fuist espris
Pour les ardoir, ils exteignoiont;
P_ar_ foy les bouches estouppoiont
De ces lyons, q’ils ne mordoiont;
Par foy soubmistront l’espiritz,
Par foy les mortz resuscitoiont,
Par foy le siecle surmontoiont,
Par foy gaigneront p_ar_adis. 12300
Sachetz que la fondacio_u_n
Du toute no Religio_u_n
C’est foy, com_m_e saint Jehan le dist;
Car qant a no salvacio_u_n,
La foy fait supplicacio_u_n
Devant la face Jh_es_u Crist;
Et ce que l’oill jam_m_ais ne vist,
Ne cuer de l’om_m_e ne l’aprist,
Ainz est en hesitacio_u_n,
La droite foy trestout complist; 12310
Et la q_ue_ reso_u_n ne souffist,
La foy fait mediacio_u_n.
En l’evangile, pour voir dire,
Ne lis je point que n_ost_re sire
Ascun malade fesoit sein,
Q’au foy riens voloit contredire;
Mais cils qui le creioiont mire
Et fils au piere soverein,
Sur tieux mettoit sa bon_n_e mein,
Dont corps et alme tout au plein 12320
Mist en saunté q_ue_ duist souffire:
Par cest essample sui certein
Qe des tous biens le prim_er_ein,
C’est droite foy que l’alme enspire.
La foy est celle treble corde,
Du quelle Salomon recorde
Q’au paine jam_m_ais serra route:
Car cil q’au droite foy s’acorde,
Lors char et monde et deble encorde
Et lie, siq_ue_ celle route 12330
Ne puet grev_er_ du grein ou goute
A l’alme dont la foy degoute;
Car grace y est de sa concorde,
[Sidenote: =f. 70=]
Que tous ensemble les deboute,
Et luy conduit sanz nulle doute
Au porte de misericorde.
Le lyen dont la foy nous lie
Tous les lyens d’Adam deslie,
Des queux ainçois no_us_ ot liez
D’origenale felonnie, 12340
Qant nous creons q_ue_ dieus Messie
Est de la doulce vierge nez,
Ove les articles ordinez
Du sainte eglise et confermez:
Et si p_ro_ver ne porrons mye
La foy par sensibilités,
Merite avons le plus d’asses
De croire la sanz heresie.
Pour ce t’obeie en ton voloir,
Si com_m_e saint March te fait savoir,
A qui s’obeiont vent et mer; 12351
Car meulx valt obeissance avoir
A soul dieu, que pour nul avoir
Du vanité les gens flater:
David le dist en son psalter,
‘Meulx valt en dieu soul esp_er_er
Q’es princes’: car cils n’ont pooir
Forsq_ue_ le corps de toy grever;
Mais dieu te puet p_ar_ tout aider,
Si tu vers luy fais ton devoir. 12360
La droite foy est fondement,
Ce dist Senec, que seurement
Supporte toute sainteté
Si fermement et loyaument,
Que nuls la puet ascunement
Par grief d’ascune adv_er_seté
Flechir un point du verité,
Ne par don_n_er prosperité
Du siecle ove tout le b_ie_n q’appent;
Car foy q’est ferm enracinée 12370
Est corrumpue en nul degré,
Ainz verité tient et defent.
Mais com_m_e l’apostre no_us_ ap_re_nt,
Par ce q’om croit tantsouleme_n_t
La foy, om nul loer reporte,
S’il ne fait oultre ce q’appent
Des bon_n_es oev_er_es ensement;
Car foy sanz oev_er_e est chose morte:
Et d’autre p_ar_t son oevre amorte
Cil qui sanz foy son oev_er_e apporte.
Ly deables croit tout fermement 12381
La foy de Crist, mais mal enhorte:
A luy resemble cil qui porte
La foy et fait malvoisement.
Mais la vertu d’Obedience
Au droite foy son point com_m_ence,
Et puis p_ro_cede en son bienfait.
N’est pas en vein ce q’elle pense:
Car u que fra la rev_er_ence,
Du cuer ains q_ue_ du corps le fait; 12390
Et d’autre part ne se retrait,
P_ar_ tout le siecle u q’elle vait
Et voit des pov_er_es l’indigence,
Qe lors a sa bource ne trait,
Et s’obeït, si riens y ait,
Pour leur don_n_er de sa despense.
Obedience el cuer humein
Est au chival du bo_u_nté plein,
Ou au bon_n_e asne resemblant:
L’un court plus tost et plus certein,[327] 12400
Qant om le meine p_ar_ le frein
Qe qant soulein se vait corant;
L’autre est tout com_m_un obeissant
Au mestre ensi com_m_e au servant,
Tant au seigno_ur_ com_m_e au vilein;
Frument ou feve en un semblant,
Maisq’il son charge soit portant,
N’ad cure quelq_ue_ soit le grein.
Senec t’enseigne que tu fras;
Si tout le mond veintre voldras, 12410
Lors a raiso_u_n te fai soubgit:
Par ce q’ensi t’obeieras,
Le siecle veintre tu porras,
Si conquerras bien infinit.
Pour ce, solonc que j’ay descrit,
D’umilité sans contredit
En cuer et corps toy mette en bas,
Siq_ue_ le mond soit desconfit,
Et tu le corps ove l’espirit
Amont el ciel eshaulceras. 12420
D’Obedience la vertu
Tu puiss essampler de Jh_es_u,
Qant il de sa t_re_shumble port,
Com_m_e cil qui n’estoit esp_er_du,
Pour rançon_n_er que fuist p_er_du,
Se fist obedient au mort
P_ar_ ceaux qui luy firont g_ra_nt tort:
Mais il no_us_ don_n_e en ce confort
Q’obedience soit tenu,
Moustrant que c’est un tout plus fort,[328]
Qe l’alme encontre orguil support,
Et la fait humble devers dieu. 12432
=Ore dirra la descripcio_u_n de la v_er_tu de Humilité p_ar_
especial.=
Gregoire dist en son Moral,
Trois choses par especial
D’umilité font demoustrance:
C’est le primer et principal,
Ses sovereins en gen_er_al
Obeie sanz desobeissance,
En fait, en dit, en contenance;
Puis n’appara p_ar_ demoustrance 12440
Q’a son pareil soit p_ar_igal,
Ne des soubgitz vaine hono_ur_ance
Requiere; car d’umiliance
Lors portera verrai signal.
‘Humilité,’ seint Bernard dist,
‘Soy mesmes tant tient en despit
Que nuls la porroit tant despire’:
D’umilité saint Bede escrit,
Qe c’est la clief soubz quelle gist
Science, dont tout bien respire. 12450
Q’umilité l’en doit eslire,
Du Tholomé l’en porra lire,
Q’estoit un philosophre eslit,
Qui dist: ‘Tous sages a descrire,
Cil est plus sages, pour voir dire,[329]
Qui plus est humble d’espirit.’
Humilité la graciouse
A l’arbre belle et fructuouse
Est resemblable en sa covine;
Car tant com_m_e l’arbre pl_us_ ramouse
Soit, et du fruit plus plentivouse, 12461
De tant vers terre plus s’encline:
Semblable auci je la diffine
Au piere dyamant tresfine,
Q’en orr seoir est dedeignouse,
De la richesse se decline
Et est au povre ferr encline,
Si en devient plus vertuouse.[330]
La palme endroit de sa nature
Porte une fo_ur_me d’estature 12470
Sur toutes arbres plus souleine;
Elle ad son trunc en sa mesure
Petit p_ar_ terre et p_ar_dessure
Le trunc est gross: ce no_us_ enseigne
Humilité, que l’alme meine
Humble et petite en vie humeine
Sanz orguil et sanz fole cure:
Par terre croistre se desdeigne,
Mais vers le ciel est grosse et pleine
Plus q_ue_ nulle autre creature. 12480
L’umble est semblable au bon berbis,
Q’a nous p_ro_ufite en tous paiis,
Mais son honour ne quiert ne pense;
Et puis au fin q’il soit occis
Il souffre, siq’en nul devis
Voet faire aucune resistence:
Et par semblable obedience
L’om_m_e humble ne quiert rev_er_ence,
Combien qu’il digne soit du pris,
Ne ja pour tort ne pour offense, 12490
Q’ascuns luy fait, sa conscience
Ne serra ja d’orguil espris.
Humilité, ce semble a moy,
Se tient semblable au fils du Roy,
Q’est jofne et sucche la mamelle;
Q’il porte g_ra_nt honour, du quoy
Petit luy chalt, ainz souffre coy
Que l’en luy trete et cil et celle:
Humilités ensi fait elle,
En halt estat plus est ancelle, 12500
Et meinz loenge quiert du soy;
Sicom_m_e solail deinz sa roelle,
Com_m_e plus y monte, pl_us_ est belle,
Et plus com_m_une al esbanoy.
Cil q’est vrais humbles d’espirit
Plus q’a son p_ro_pre s’obeït
Al autry sen, q’il voit plus sage;[331]
Car chascun autre plus p_ar_fit
De soy repute, et plus p_ro_fit
En quide avoir d’autry menage,[332] 12510
Qe de son p_ro_pre governage:
Pour ce les faitz de son corage
A l’autry consail tient soubgit;
Il met soy mesmes en servage,
Dont du franchise l’avantage
Avoir porra, q’est infinit.
Ly sages de son essamplaire
Te dist, ‘Tant com_m_e tu soiez maire,
Tant plus t’umilie au toute gent’:
Si dist auci, q_ue_ pour dieu plaire 12520
Meulx valt ove l’umble et debon_n_aire
Vivre en quiete simplement,
Q’ove l’orguillous de son argent
[Sidenote: =f. 71=]
Partir et vivre richement.
Po_ur_ ce pren garde en ton affaire,
Si fai selonc l’essamplement
Du sage, ou certes autrement
T’estoet compleindre le contraire.
Ce dist dieus, qu’il eshaulcera
Quiconq_ue_ en soi s’umilera, 12530
Mais qui d’orguil soy p_ro_prement
Eshaulce, il le tresbuchera;
Car cuer sovent soy montera
Encontre son ruinement.
Om dist auci q’abitement
En terre basse seurement
Valt pl_us_ q’en halt, u l’en cherra:
Pour ce cil qui vit humblement
Se tient en bass si fermement,
Qe d’orguil monter ne porra. 12540
Combien q_ue_ l’umble soit gentil
Et vertuous plus q’autre Mill,
Encore deinz son cuer desire
Qe nuls luy tiene forsq_ue_ vil,
Car de sa part ensi fait il:
C’est la vertu que n_ost_re sire
Loa, qant vint de son empire,
A ce q’il volt l’orguil despire,
Dont jadys fuismes en peril;
Vilté souffrist sans escondire: 12550
Bien devons donq_ue_ hu_m_blesce eslire,
Puis q’ensi faisoit ly dieu fil.
Sa doulce mere auci Marie
Nous lessa bon essamplerie
Q’umilité soit bien tenu;
Car sur trestoute humaine vie
Elle estoit humble en sa p_ar_tie.
Pour ce portoit le fils de dieu,
Par qui l’orguil fuist abatu,
Dont noz parentz furont deçu, 12560
Qant ils p_er_diront leur baillie
Du p_ar_adis; mais en salu
Qui voet remonter a ce lieu,
Lors falt q’umilité luy guye.
Ly deable, q’avoit g_ra_nde envie
Au saint Machaire et a sa vie,
Ensi luy dist p_ar_ grant irrour:
‘Si tu te junes en p_ar_tie,
Je fai plus, car sanz mangerie
M’abstien toutdis et sanz liquour; 12570
Et si tu es en part veilour,
Je fai plus, car de nuyt ne jour
Unques des oils ne dormi mye;
Et si tu fais en part labour,
Je fai plus, car sanz nul retour
Et sanz repos je me detrie.
‘En tout ce je te vois passant;
Mais tu fais un point nepo_ur_qant,
Du quoy ne te puiss surmonter;
Ainz tu m’en vas si surmontant, 12580
Qe n’ay poair de tant ne qant,
Q’a toy porroie resister:
Et c’est que tu tout au primer
D’umilité te fais guarder,
Dont dieus p_ar_ tout te vait gardant.’
Par cest essample om puet noter,
Que qui se voet humilier
Il ad vertu de beau guarant.
Auci l’en puet estre essamplé
Du viele loy, q’umilité 12590
Dieus ayme; et ce p_ar_ust toutdroit,
Qant Rois Achab, q’avoit pecché
Vers dieu, s’estoit humilié;
Car tantost qu’il s’umilioit,
Dieus son pecché luy p_ar_don_n_oit,
Et en ses fils le transportoit;
Helye ensi luy ot contée.
Asses des autres l’en porroit
Trover d’essamples, qui voldroit
Sercher l’escriptz d’antiquité. 12600
Quoy plus coustoit et meinz valoit,
Et plus valoit et meinz coustoit,
Jadis uns sages demanda:
Et uns autres luy respondoit,
Q’orguil plus couste en son endroit,
Et sur tout autre meinz valdra;
Mais cil q’umblesce gardera
Meinz couste et plus p_ro_ufitera
Au corps et alme, quelq_ue_ soit.
Dont m’est avis q_ue_ cil serra 12610
Malvois marchant q’achatera
Le peiour, qant eslire doit.
=Ore dirra de les cink files du Charité, des queles
la p_ri_m_er_e ad no_u_n Loenge, contre le vice de
Detracc_i_o_u_n.=
Encontre Envie est Charité,
Quelle est au reso_u_n mariée;
Si ad cink files voireme_n_t,
Dont la primere est appellée
Loenge, q’est des tous amée;
Car celle loue bon_n_ement
Et ayme toute bon_n_e gent:
N’est qui plus charitousement 12620
Se contient en bon_n_e ameisté;
Detraccio_u_n hiet nequedent,
Car male bouche aucunement
Jam_m_ais serra de luy privé.
Loenge au dieu primer s’extent,
En ciel, en terre, en firmament,
Et en toute autre creature:
Car le p_ro_phete tielement
As angres dist prim_er_ement
Et as les corps qui sont dessure, 12630
Solaill et lune, estoille pure,
Q’ils dieu loer devont toute hure:
La mer de sa part ensement,
Feu, neif, gresil, glace et freidure,
Ly jours, la nuyt en lo_ur_ nature,
Chascuns loenge a dieu purtent.
Sicom_m_e les choses p_ar_amont
Loenge au dieu reporteront,
Ly saint p_ro_phete dist q’ensi
Les choses que sur terre sont 12640
Loenge au creatour ferront:
Riens est vivant en terre, qui
Ne doit loenge faire a luy,
Oisel, piscon et beste auci,
Ove les reptils, dieu loeront,
Et l’arbre qui sont beau floury;
La terre en soy n’en est failly,
Qe tous loenge au dieu ne font.
Mais au final, je truis escrit,
Loenge fait tout espirit 12650
Au dieu q’est seigneur sov_er_ein;
Mais sur trestout g_ra_nt et petit
Pour dieu loer en chascun plit
Plus est tenu l’estat humein:
Car il nous forma de sa mein,
Et puis rechata du vilein
Qui no_us_ avoit au mort soubgit.
Pour ce loons dieu prim_er_ein,
Qe son bienfait ne soit en vein,
Mais q_ue_ luy sachons gré p_ar_fit.[333] 12660
Et si tu voes au droit don_n_er
Loenge au dieu, lors falt garder
Qe tu ne soiez en pecché.
Saint Piere le fait tesmoigner,
Qe dieus ne le voet accepter,
S’il soit du male gent loé:
Ly sage auci par son decré
Dist que ce n’est honesteté
Q’om doit en pecché dieu loer;
Car qant le cuer as entusché, 12670
Falt que la langue envenimé
En soit, dont bien ne puet p_ar_ler.[334]
Ly Rois David com_m_ence ensi:
‘O dieu, beau sire, je te pry,
Ov_er_etz mes lev_er_es q_ue_ je sace
Don_n_er loenge au ta mercy.’
Et d’autre part il dist auci:
‘O dieus, vo_us_ plest il q_ue_ je face
A ton saint no_u_n loenge et grace?’
Et puis dist en une autre place: 12680
‘Je frai loenge au dieu, par qui
Je serray saulf, quiq_ue_ manace;
Car dieus mes detracto_ur_s forschace,
Par ce que fai loenge a luy.’
En Judith l’en porra trover,
Mardoche faisoit dieu prier,
Qu’il de son poeple en ceste vie
Loenge vorroit accepter;
Car David dist en son psalter,
Qe mort ne loera dieu mye; 12690
Car l’alme q’est ensi partie
Ne fait loenge en sa p_ar_tie,
Dont dieu porra regracier:
Pour ce vivant chascuns s’applie
Au dieu loer, q’il nous repplie
Loenge que ne puet plier.
En charité si tu bien fras,
Dieu en soy mesmes loeras,
Q’est toutpuissant en son divin,
Et puis pour dieu t’acorderas, 12700
Solonc q_ue_ digne le verras,
Don_n_er loenge a ton veisin
De sa vertu, de son engin.
Loer le dois sanz mal engin,
Car d’autry bien n’envieras;
Mais si voes estre bon cristin,
Au pris d’autry serras enclin,
Et l’autry blame excuseras.
Rois Salomon ce no_us_ aprent,
Qe l’en doit charitousement 12710
Du bon_n_e langue sanz mestrait
Loer la gloriouse gent
[Sidenote: =f. 72=]
Qui vivont virtuousement
Et sont des bon_n_es mours estrait;
Car qui plus valt de son bie_n_fait,
C’est drois q’il plus loenge en ait,[335]
Et q_ue_ l’en parle bon_n_ement
Par tout u tiel p_ro_dhom_m_e vait:
Si male bouche est en agait,
Iceste vertu le defent. 12720
Ly sage ce nous vait disant,
Solonc que pueple vait p_ar_lant
L’estat de l’om_m_e s’appara:
Escript auci j’en truis lisant,
Au vois com_m_une est acordant
La vois de dieu; et pour cela
Cato_u_n son fils amonesta,
Q’il ne soy mesmes loera
Ne blamera; car sache tant,
Ou bons ou mals quelq’il serra, 12730
Le fait au fin se moustrera;
N’est qui le puet celer avant.
Cato_u_n dist, ‘Tu ne loeras
Toy mesmes, ne ne blameras’:
Enten l’aprise qu’il t’en don_n_e:
Il dist, ‘Fai bien, car si bien fras,
Ton fait doit parler en ce cas,
Maisq_ue_ ta bouche mot ne son_n_e.’
La bouche qui se desreson_n_e
Abat les flours de la coron_n_e, 12740
Et fait ruer de hault en bas:
Qui trop se prise il se garçon_n_e,
Et cil qui l’autry desp_er_son_n_e
Ne serra sanz vengance pas.
Mais si des gens loé soiez,
Pour ce ne te glorifiez;
Ainz loez dieu du tiele prise,
Et fai le bien q_ue_ vous poetz,
Si q’en son no_u_n loenge eietz,
Com_m_e Salomon te don_n_e aprise:
Car si malfais, n’as point enprise 12751
Loenge au droit, car de mesprise
C’est tort si l’en serra loez.
L’apostre dist, ‘Del bien vo_us_ prise;
Mais d’autre p_ar_t je vous desprise,
Qant a malfaire vo_us_ tournez.’
La vertu de Laudacio_u_n,
Quelle est du gen_er_acio_u_n
De Charité, jam_m_ais nul jour
Ne fist malvois relacio_u_n 12760
Par enviouse elacio_u_n
A l’autry blame ou deshonour;
Ainz qant la bouche au detracto_ur_
Mesdit et parle en sa folour
Pour faire desfamacio_u_n,
Encontre tout tiel losengour
Loenge vait du bon amour
Pour faire l’excusacio_u_n.
Mais ceste vertu nepourqant
Toutdis s’avise en son loant, 12770
Qe pour l’onour d’autry ne die
Plus q_ue_ n’est voir ou apparant;
Car ja po_ur_ nul qui soit vivant
Ne volra faire flaterie:
Ainz que voir sciet de la p_ar_tie,
Du bien, d’onour, du curtoisie
Pour l’autry pris ce vait disant;
Et s’il voit l’autry vilainye,
Tout coy se tient, n’en p_ar_le mye,
N’ad pas la langue au fil pendant. 12780
Ce dist ly sage p_ro_verber,
‘Meulx valt taire que folp_ar_ler,
Ou soit d’amy ou d’adv_er_saire’:
Car nuls doit autre trop priser;
Ainçois plustost q’om doit flater,
Du p_ar_ler om se doit retraire:
Et d’autre p_ar_t il valt meulx taire,
Ou soit apert ou secretaire,
Qe p_ar_ envye ascun blamer:
Dont en ce cas qui voet bien faire,
Du trop et meinz est necessaire 12791
Mesure en son parlant garder.
Mais ceste vertu en balance
Du flaterie et mesdisance
Son pois si ovel gardera,
Qe son amy pour bienvuillance
Du flaterie ja n’avance,
Et d’autre part ne blamera
Son anemy, quelq’il serra,
Plus que reso_u_n demandera: 12800
Ainz vers chascun la circumstance
Du charité reservera;
La bon_n_e cause loera,
Et l’autre met en oubliance.
Ce nous dist Tullius ly sage,
Q’en trop priser est tant d’out_ra_ge
Com_m_e est en trop blamer, ou plus.
Par trop priser je fai damage,
Qant le saint hom_m_e en son corage
Par vaine gloire ay abatuz; 12810
Du ma losenge l’ay deçuz,
Dont pert le fruit de ses v_er_tus:
Mais si je di l’autry hontage,
Je fai mal a mes p_ro_pres us,
Qe l’autry fame ay corrumpuz,
Mais il de s’alme ad l’avantage.
‘Autry pecché,’ ce dist l’auctour,
‘Dampner ne dois, car c’est folour:
Si tu prens reme_m_brance a toy,
Par cas tu fus ou es peiour, 12820
Ou tu serras n’en scies le jour,
Car chascun hom_m_e est frel du soy.’
Et nepourqant sovent je voy,
Huy est abatuz au tournoy,
Qui l’endemein ert le meillour,
Dont portera le pris; p_ar_ quoy
En charité, ce semble a moy,
Chascuns doit autre dire hono_ur_.
Cil qui loenge tient au droit
Envers autry, et mesmes soit 12830
Despit del autry false envye,
Ou desfamez au tort, n’en doit
Doubter, car dieus qui t_re_stout voit
Par son p_ro_phete Sephonie
Ce dist: ‘Ma gent, que voi laidie,
Despite, abjecte, ert recuillie
P_ar_ moy, qui leur en ferray droit;[336]
Si leur dourray de ma p_ar_tie
Loenge et no_u_n sanz departie,
Je frai ce chier q_ue_ vil estoit.’ 12840
Ly bons hieralds ce doit conter
Dont l’autry pris puet avancer,
Et autrement il se doit taire:
Ensi la vertu de loer
L’en doit au balsme resembler,
Que porte odour si debon_n_aire,
Dont la doulço_ur_ devant dieu flaire.
De l’autry vice ne sciet guaire,
S’ascuns luy voldra demander;
Pour ce Loenge en son affaire 12850
Est de son droit le secretaire
Du Charité pour deviser.
Sicom_m_e d’estée p_ar_ les cliers jours
Aval les pretz, u sont les flours,
L’ées vole et vait le mel cuillante,
Mais de nature les puours
Eschive, et quiert les bons odours
De l’erbe que meulx est flairante,
Ensi Loenge bien parlante
Autry desfame vait fuiante, 12860
N’ascoulte point les mesdisours,
Essample prent de l’ées volante,
Au riens s’en vait considerante
Forsq’as vertus et bon_n_es mours.
Sicom_m_e Solyns dist en sa geste,
La Panetere est une beste
Que porte si tresdoulce aleine,
Q’espiece d’ort ne flour agreste
Ne valt pour comp_ar_er a ceste:
Car tiel odour sa bouche meine, 12870
Qe toute beste qui l’asseine
Y court pour estre a luy p_ro_cheine,
Presdu spelunce u que s’areste.
Ensi je di, la bouche humeine,
Si de loenge soit certeine,
Sur tout odour plus est honeste.
David le dist en p_ro_phecie,
Que la divine curtoisie
Est tant benigne et merciable,
Que ly plus pov_er_es qui mendie,[337] 12880
S’il du bon cuer loenge die
Au dieu, son dit ert acceptable.
O quelle vertu charitable,
Qe l’om_m_e fait au dieu loable,
Et p_ro_sme au p_ro_sme en ceste vie
Chascuns vers autre est hono_ur_able:
C’est une armure defensable
Encontre malparler d’Envie.
=Ore dirra de la seconde file du Charité, quelle ad no_u_n
Conjoye.=
Du Reso_u_n et du Charité
La file q’est seconde née 12890
Tout s’esjoÿt de l’autry joye,
Si ce soit par honesteté;
Car du toute prosperité
Dont voit q_ue_ son voisin s’esjoye,
Maisq_ue_ ce vient par bon_n_e voie,
Ensemble ove l’autre se rejoye
Sans enviouse iniquité:
Si sagement son cuer convoie,
Que ja d’envye ne forsvoie,
Dont l’alme serra forsvoiée. 12900
Pour ce q’ensi se conjoÿt
Des biens dont l’autre s’esjoÿt,
[Sidenote: =f. 73=]
Conjoye Reso_un_ l’appella.
De ce vertu cil q’est parfit
L’onour et le com_m_un p_ro_ufit
Plusq_ue_ son p_ro_pre il amera:
Car charité, dont plein esta,
Ne souffre qu’il enviera
Ne son seignour ne son soubgit;
Ainz com_m_e pl_us_ l’autry bien verra,
Tant plus du cuer s’esjoyera; 12911
Molt ad deinz soy bon espirit.
Qui ceste vertu tient en cure
D’envie ne puet avoir cure,
Qant voit un autre en sa p_re_sence
Qui pl_us_ de luy la gent honure;
Car del autry bone aventure
Joÿst sanz enviouse offense,
Si beauté soit, force ou science,
Honour, valour, pris, excellence, 12920
Dont son voisin voit au dessure,
Par ce qu’il l’autri bien compense,
Il ad g_ra_nt joye, qant il pense
Qe dieus tant don_n_e au creature.
En l’evangile qant je lis
Com_m_ent la femme ert conjoÿs,
Sa dragme qant avoit p_er_du
Et retrové, lors m’est avis
C’estoit en n_ost_re essample mis
Pour conjoïr del autry pru. 12930
Ce dist auci le fils de dieu,
‘Qant peccheour vient a salu,
Trestous les saintz du p_ar_adis
Luy conjoyont’: par ce vois tu
Tout s’acordont a ce vertu
Les hom_m_es et les espiritz.
=Ore dirra de la tierce file de Charité, quelle ad no_u_n
Compassio_u_n.=