Si vous vuillez oïr apres
Du Glotonie et sa venue,
Que porte au siecle tiel encres,
Du quoy le ciel est en descres
Et pert sovent sa revenue. 7710
Cink files sont de ceste issue,
Qui sont du pecché retenue,
La primere est Ingluvies:
Qui ceste file tient en mue,
S’il au plustost ne la remue,
Serra dolent a son deces.
Cil q’est a ceste file enclin,
Il ad son appetit canin;
Car sicom_m_e chiens gloute et devoure
Sibien au soir come au matin, 7720
Ne chault d’ascun p_re_cept divin
Po_ur_ agarder le temps ne l’oure,
Ainz paist son ventre, et tant l’onoure
Que du phisique ne laboure
Par l’abstinence d’un pepin:
C’est cil qui pense tant rescoure
Le corps, q’al alme ne socoure,
Ainz laist aler vuid et farin.
N’est coufle ne corbin ne pie,
Qua_n_t du caroigne ad fait l’espie, 7730
Qui tire tant gloutousement
Com_m_e fait cil glous a mangerie,
Qe riens n’y laist au departie
Forsq_ue_ les oss tantsoulement.
Ne quiert amasser son argent,
Ainçois qu’il ait primerement
Sa large pance au plein garnie,
Sicome le grange est du frument;
A autre dieu car nullement
Forsq’a son ventre il sacrefie. 7740
Au palme qant om juer doit,
N’iert la pelote plus estroit
D’estouppe a faire un bon rebo_u_n,
Qe n’iert le ventre en son endroit
Du glous, qui tout mangut et boit.
Ne luy souffist un soul capo_u_n,
Ainçois le boef ove le molto_u_n,
La grosse luce et le salmo_u_n,
A son avis tout mangeroit.
Cil qui retient de sa maiso_u_n 7750
Tiel soldoier en garniso_u_n,
Il falt du loign q’il se pourvoit.
C’est cil qui du com_m_un usage
Quiert large esquiele a son potage,
Si quiert auci large esquilier,
Car plus q_ue_ beste q’est sauvage
Sa bouche extent d’overt estage,
Com_m_e s’il volsist tout devorer
Le potage ove le potagier.
N’est riens qui le puet saouler, 7760
Ainz com_m_e de Cilla le vorage
Les eaues par la haulte mier
Degloute, ensi cil adversier
Demeine en manger son oultrage.
Ingluvies po_ur_ dire au plein
Aucunement, ne juyn ne plein,
Est au bien faire sufficant:
Car qant est juyn, lors est si vein,
Q’unqes en paradis Evein
Du pom_m_e n’iert si fameillant, 7770
Dont lors puet faire tant ne qant
Po_ur_ faim que luy vait constreignant;
N’apres manger n’est il pas sein,
Car lors devient il si pesant,
Q’au paine puet son ventre avant
Porter. Maldit soit tieu vilein!
C’est ly pecchés dont Job disoit
Qe tout covert du crasse avoit
La face, et de son ventre auci
Trestoute s’aime dependoit, 7780
Et cuer et force et quanq_ue_ estoit
[Sidenote: =f. 46=]
Se sont mys en l’umbil de luy;
Dont ainz q’il ait son temps compli,
Devient corrupt et tout purri;
Siq_ue_ du ventre a qui plaisoit
Les autres membres sont hony,
Et po_ur_ le corps qu’il tant emply
L’alme en famine perir doit.
=Ore dirra de la seconde file de Gule, la quelle ad no_u_n
Delicacie.=
De Gule la seconde file
Es noblez courtz la bouche enfile 7790
De ces seignours tantsoulement,
Si est privé de leur famile;
Q’es tous delices reconcile
Leur goust au Gule p_ro_prement
Pour vivre delicatement:
Dont elle ad no_u_n semblablement
Delicacie la soubtile,
Car n’est si sages qui la prent,
Qu’il n’ert deceu soudainement
Et pris de la charniele guile. 7800
De ceste file ly norris
Des autres est ly plus cheris,[197]
Qui servent Gloutenie au main;
Primer le pain dont ert servis
Fait buleter par tieu devis,
Qe tout le plus meillo_ur_ du grain[198]
Ert la substance de son pain:
Turtel, gastel et paindemain,
Et pain lumbard a son avis,
Et puis les gafres au darrain, 7810
C’est de ses mess ly primerain,
Du quoy sa bouche ert rejoïz.
Ne vuil les no_u_ns del tout celer
Des vins q’il ad deinz son celer,
Le Gernache et la Malveisie,
Et le Clarré de l’espicer,
Dont il se puet plus enticer
A demener sa gloutenie;
Si n’est il point sanz vin florie,
Dont chasteté soit deflorie: 7820
Mais d’autre vin n’estoet parler,
Que chascun jour luy multeplie,
Div_er_sement dont soit complie
La gule de son fol gouster.
Si nous parlons de sa cusine,
Celle est a Jupiter cousine,
Q’estoit jadys dieus de delice,
Car n’est domeste ne ferine
Du bestial ne d’oiseline
Qe n’est tout prest deinz cel office:
La sont p_er_dis, la sont p_er_dice, 7831
La sont lamprey, la sont crevice,
Pour mettre gule en la saisine
De governer tout autre vice;
Car po_ur_ voir dire elle est norrice,
Vers quelle pecché plus s’acline.
Ly delicat ne tient petit
Pour exciter son appetit;
Diverses salses quiert avoir
Et a son rost et a son quit, 7840
Dont plus mangut a son delit.
Selonc que change son voloir,
Son parlement fait chascun soir,
Et as ses Coecs fait assavoir,
Qu’ils l’endemein soient soubgit
Tieu chose a faire a leur povoir,
Du quoy le corps pourra valoir;
Car poy luy chault de l’espirit.
Mais si par aventure avient
De haulte feste que survient, 7850
Siq_ue_ juner luy coviendra,
Et q’il p_ar_ cas ne mangut nient
Piscon ne char, ainz s’en abstient;
Quidetz vous point q’il par cela
Sa gloutenie abatera:
Certainement que no_u_n ferra;
Ainz au plus fort lors la maintient,[199]
D’aultres delices qu’il prendra;
De jun la fourme guardera,
De gule et la matiere tient. 7860
Lors quiert a soy delice attraire
Du compost et d’electuaire
Et de l’espiece bien confite:
De luy gaignont l’ipotecaire
Qui scievont tieux delices faire;
Ly Coecs auci moult se p_ro_ufite
De qui delice il se delite,
Du past ou du potage quite,
Au nees du bon odour q_ue_ flaire,
Du quoy son appetit excite: 7870
Tant plus ly Coecs p_re_nt du merite,
Com_m_e pl_us_ fait la delice maire.
Sicom_m_e Sathan environoit
Les terres, ensi faire doit
Ly Coecs, p_ar_ tous paiis irra
Pour bien ap_re_ndre en son endroit,
Ainçois q’il sache bien au droit
Potages faire, dont plerra
Au delicat qu’il servira:
Du quelq_ue_ terre qu’il serra, 7880
Riens valt s’il d’autre apris ne soit.
He, dieus, tiels sires de pieça
Ne pense, quant il allaita
Le povre lait qu’il desiroit.
Des dames sont, sicom_m_e je croy,
Que mangont en la sale poy,
Qant sont devant les autrez gentz,
Mais puis, qant sont en leur recoi,
U plus n’y ad q_ue_ dui ou troi,
Bien font de ce l’amendementz 7890
Par delicatz festoiementz
Es chambres, qant ne sont p_re_sentz.
Leur sires paiont le pour quoy,
Mais ja n’en ficheront les dentz;
Combien q’ils paient lez despens,
Ne bruisseront a tiel arbroy.
Les dames de burgoiserie
Sovent auci p_ar_ compaignie
Font pour p_ar_ler leur assemblés;[200]
Si font guarnir Delicacie 7900
Com_m_e leur aqueinte et leur amie,
Q’a sa maison l’enfermetés
De leur flancs et de leur costées
Vendront garir; mais tant sachetz,
Q’autre physique n’usont mye,
Maisq_ue_ soient bien festoiez,
Et en gernache au matinez
Font souppes de la tendre mie.
Delicacie apres souper
D’ascun delice a resouper 7910
Quiert autresfois novellement;
Et puis matin pour son disner,
Voir devant jour, sovent lever
Se fait; ce veons au present
En ce paiis, dont sui dolent:
Car Salomon ly sapient
Ce dist pour nous enchastier,
‘Way a la terre u sont regent
Itieu princier, car elle attent
Poverte et soudain encombrer.’ 7920
Le vice auci dont nous lison
S’est mis ore en religion,
Et don_n_e novelle observance,
En lieu de contemplacio_u_n
A prendre recreacio_u_n
Du delitable sustienance,
Po_ur_ bien emplir la grosse pance:
Si laist luy moignes sa pitance
Et prent sa saturacio_u_n;
Siq_ue_ la reule et la penance 7930
Du Beneit mis en oubliance
Ore ont ly moigne en no maiso_u_n.
Tiels est qui richement mangue,
Mais pov_er_ement il se vertue,
Car tout ly membre sont enclin,
Main, bouche, nees, oraile et veue,
Chascun de ceaux primer salue
Le ventre sicom_m_e leur divin,
Et font l’offrende du bon vin;
Mais ja du boef de saint Martin 7940
Ly tendre estomac ne s’englue.
He, dieus, quoy pense itieu cristin?
Bien puet savoir com_m_ent au fin
Tous tieux delices dieus argue.
Au primer establissement
Dieus les viandes de la gent,
Du beste, oisel, piscon du mier,
Fist ordiner tout p_ro_prement
Sanz les curies autrement
Des grantz delices adjouster: 7950
Mais ore il falt braier, streigner,
Et tout de sus en jus tourner,
Que dieus ot fait si plainement;
Dont m’est avis q’en son manger
Ly delicatz voldra changer
Et dieu et son ordeignement.
Et d’autre part a sa nature
Ly delicatz trop desnature,
Qua_n_t l’estomac q’est asses plein
Provoce a passer sa mesure 7960
Par saulses et par confiture,
Q’om fait tous jo_ur_s p_re_st a sa mein.
Il est auci vers son p_ro_chein
Grevous, q’il tantz des biens soulein
Devoure en une petite hure,
Q’as pluso_ur_s p_ar_ un temps longtein
Porroit souffire. He, quel vilein,
Q’offent trestoute creature!
Oisel par autre se chastie;
Et ensi puet de sa partie 7970
Qui l’evangile a droit lira
[Sidenote: =f. 47=]
Du riche, qui toute sa vie
Vivant en sa delicacie
Son chaitif corps glorifia,
Mais a Lazar qui s’escria
Au porte et de son pain pria
Ne volt don_n_er la soule mye;
Dont lo_ur_ estatz la mort changa,
Ly Riches en enfern plonga,
Et l’autre en ciel se glorifie. 7980
Cil qui fuist riche et poestis
Estoit en flam_m_e ardante mis,
Et cil qui povre et vil estoit
Fuist ove les saintz du p_ar_adis
El sein du patriarche assis:
L’eschange moult se div_er_soit,
La goute d’eaue l’un rovoit,
Sa langue dont refroideroit
En l’ardour dont il fuist suspris;
Mais qui la mie ne don_n_oit 7990
Au povre, reso_u_n le voloit
Qu’il de la goute fuist mendis.
Pour ce nous dist l’apostre Piere,
Qe cil qui delicat s’appiere
Et se delite en geule et feste,
Ne puet faillir maisq’il compiere;
Car quelq’il soit, ou fils ou piere,
Il doit perir sicom_m_e la beste.
Car c’est le pecché deshoneste,
Qui toute vertu deshoneste, 8000
Et trestout vice a sa baniere
Apres soy trait, com_m_e cil q’ap_re_ste
Au char toute folie preste,
Et trestout bien met a derere.[201]
En manger delicatement
Le temps s’en passe vainement,
La reso_u_n dort et tout s’oublit,
Le ventre veile et tant enprent
Qe pl_us_ ne puet; mais nequedent
La langue encontre l’appetit 8010
Encore a taster un petit
S’afforce, et a son ventre dist,
‘He, ventre, q’est ce? dy com_m_ent:
Ne pus tu pl_us_ de rost ne quit?
Je ne t’en laiss encore quit,
Ainz falt a faire mon talent.’
N’est il bien sot qui paist et porte
Son anemy, qui luy reporte
Rep_ro_eche et mal po_ur_ son bon port?
Ce fait cil qui sa char conforte, 8020
Qu’elle en devient rebelle et forte,[202]
Et il est mesmes le meinz fort
Du reso_u_n, quelle sanz resort
S’en part, qant voit du char la sort,[203]
Com_m_ent a Gule se resorte,
Qe qant pecché la point ou mort,
N’en a povoir jusq’a la mort
A guarir de la plaie morte.
Ly sages dist, qant om d’enfance
Norrist du tendre sustienance 8030
Son serf, apres luy trovera
Rebell, plain de desobeissance;
Car si tu sers serf au plaisance,
De honte il toy reservira:
Et qui plus a sa char plairra,
Tant plus se desobeiera
Contraire a toute bienfaisance.
Car qui sa pees au char dorra,
N’en porra faillir qu’il n’avra
La guerre jusques al oultrance. 8040
Par ce pecché, ce dist ly sage,
Ont mainte gent de lo_ur_ oultrage
Esté jusq’a la mort peri.
Par ce pecché devient le rage,
Du quoy la gent devient sauvage,
Que dieus d’Egipt avoit guari;
Si ont depuis leur dieu guerpi
Et les ydoles ont servy.
Ce truis escript d’ice lignage
El livre deutronomii; 8050
Mais ainz q’om laist son dieu ensi,
Je loo laisser le comp_er_nage.
‘Asculte ça,’ dist Ysaïe,
‘Tu Babilon, la suef norrie,
Que delicat te fais tenir,
Pour geule et pour delicacie
Baraigne et souffraitouse vie
Soudainement te doit venir,
He, delicat, pour toy guarnir.’
Tu pus auci la vois oïr 8060
Com_m_ent l’apocalips t’escrie,
Et dist, sicom_m_e te fais joïr
De tes delices maintenir,
Dolour d’enfern te multeplie.
Saint Job raconte la penance,
De la divine pourvoiance
Q’au delicat est ordeiné,
Dont cil qui porte remembrance
Fremir se puet de la doubtance;
Car jusque enfern ert adrescé 8070
Sa voie, u qu’il serra bruillé
Du flamme, en negge et puis rué,
Et le doulçour de sa pitance
Serront crepalde envenimé:
Ja d’autre pyment ne clarée
Lors emplira sa vile pance.
Mais les richesces qu’il pieça
Par son delit tantz devora,
Dieus po_ur_ revenger sa querele
Lors de son ventre les trera; 8080
Le chief des serpens suchera,
Sicom_m_e fait enfes la mamelle,
Et en suchant la serpentelle[204]
Du langue p_ar_my sa boëlle
Luy point, siq’elle l’occira.
He, trop est froide la novelle,
Qua_n_t mort ensi se renovelle
Sur luy q’au plain jam_m_ais morra.
Tout ce, dist Job, avenir doit
Au delicat qui ne laissoit 8090
De sa viande au povre gent,
Ainz tout au soy l’app_ro_prioit;
Dont en la fin n’est q’a luy soit
Du bien ou grace aucunement,
Ainz mangera tout autrement
Del herbe amiere, et son pyment
Serra du fiel, dont qant le boit
Tout l’estomac desrout et fent:
C’est as tiels glous le finement
De festoier en tiel endroit. 8100
Ly delicat qui solt user
La chalde espiece a son manger,
Sicome reconte Jeremie,
L’estoet par famine enbracier
Puante merde a devorer
El lieu de sa delicacie;
Siq_ue_ du faim la desgarnie
Morra, qu’il plus ne porra mye
En son chemin avant aler.
He, delicat, tu q’en ta vie 8110
Ta vile pance as tant cherie,
Chier dois ton ventre comparer.
=Ore dirra de la tierce file de Gule, la quelle ad no_u_n
Yveresce.=
La tierce file au deable proie,
Dont Gloutenie multeploie,
C’est Yveresce la no_u_nsage,
La quelle au boire tout se ploie
Et en bon vin trestout emploie
Son bien, son corps, et son corage.
Mais qui se p_re_nt a tiel usage,
Tantz mals suiont a son menage, 8120
Que tous reconter ne pourroie;
Dont l’alme pert le seigno_ur_age
Du corps, et corps de son oultrage
Trestous ses membres plonge et noie.
Iceste file beveresse
Ne prent ja cure d’autre messe,
Ou a moustier ou a chapelle,
Forsq’au matin primer s’adresce
A la taverne, et se professe
Tout droit au bout de la tonelle; 8130
El lieu du Crede au boire appelle,
Et ainçois moille sa frestelle,
Qu’il du viande aucune adesce,
Si no_u_n que soit de la fenelle;
Dont boit q’en toute sa cervelle
Ne remaint sens plus q_ue_ d’anesse.
Tant boit Yveresce a demesure,
Q’a son quider trestout mesure
Le ciel ove tout le firmament,
Si voit deux lunes a celle hure: 8140
Trop p_er_est sages p_ar_dessure,
Et p_ar_dessoutz tout ensement,
Quanq_ue_ la terre en soy comp_re_nt,
Ou soit langage ou autrement,
De toute chose la nature
Despute et don_n_e jugement;
Qu’il est alors plus sapient[205]
Qe dieus ou autre creature.
Yveresce fait div_er_se chance,
Latin fait parler et romance 8150
Au laie gent, et au clergo_u_n
Tolt de latin la remembrance:
Yveresce fait un Roy de France
A la taverne d’un garço_u_n:
Yveresce tient come en priso_u_n
Le corps, q’issir de la maiso_u_n
Ne puet, mais de sa folquidance
Se croit plus fort que n’est leo_u_n:[206]
N’est pas ovele la reso_u_n
Q’Yveresce poise en sa balance. 8160
Yveresce est celle charettiere
[Sidenote: =f. 48=]
Qui sa charette en la rivere
Ou en la fosse fait noier;
Car u q’Yveresce est la guidere,
Lors n’est reso_u_n, sen ne maniere,
Q’au droit port se puet convoier;
Ainçois les fait tous forsvoier,
Et en leur lieu fait envoier
Pecché, que meyne ove soy misere:
Car soit seigneur ou com_m_uner, 8170
Quant il se volra com_m_uner
D’Yveresce, fait q’il le compiere.
Mais certes trop est chose vile,
Qua_n_t tieu pecché seigneur avile;
Bon fuist qu’il n’en fuist avilez,
Car tous en parlont de la vile,[207]
Et chascun son pecché revile,
Et dieus en est trop coroucez.[208]
Cil qui s’est mesmes malmenez,
Com_m_ent serront par luy menez 8180
Les gens qui sont de sa famile?
No_u_n bien, car nief qui plus q’asses
Se charge, falt q’en soit quassés,[209]
Dont soy et autres enperile.
Mal est d’avoir le corps honiz,
Mais l’alme p_er_dre encore est pis;
Ce fait hom_m_e yvre en son degré.
Car il n’ad corps, ainz enfieblis
Plus q_ue_ dormant s’est endormis,
Et la reso_u_n s’en est alé, 8190
Dont l’alme serroit governé.
Di lors, q’est il? Ne say par dée.
Il n’est pas hom_m_e au droit devis,
Ne beste, ainz est disfiguré,
Le monstre dont sont abhosmé
Dieus et nature a leur avis.
Yv_er_esce est p_ro_pre la cretine,
Que par diluge repentine
Les champs semez ensi suronde,
Siq_ue_ n’y laist grain ne racine, 8200
Ainz tout esrache et desracine.
Yv_er_esce ensi, dessoutz sa bonde
Ja n’ert vertu dont l’alme habonde
Que tout ensemble ne confonde;
Si tolt au corps la discipline,
Qe membre a autre ne responde:
C’est des tous vices la seconde,
Qe l’alme et corps met en ruine.
Ly pecchés dont je vois p_ar_lant
Ensi comme deable est blandisant, 8210
Et semble suef de son affaire,
C’est un venym doulz apparant.
Saint Augustin le vait disant,
L’om_m_e yvres est en soy contraire,
Q’il n’ad soy mesmes po_ur_ bienfaire,
Ne sciet ne puet com_m_ent doit faire;
Car il n’est soulement pecchant,
Ainz est de soy par son mesfaire
Trestout pecché, corps et viaire
Ove tout le membre app_ar_tenant. 8220
Tout ensement com_m_e du chito_u_n,
Qui naist sanz vieue et sanz reso_u_n,
Et point ne voit ne point n’entent,
Si vait de la condicio_u_n
Del yvre; car discrecio_u_n
Du corps ou d’alme ad nullement:
Les oels overtz ad nequedent,
Mais com_m_e plus larges les extent,[210]
Tant voit il meinz soy enviro_u_n;
Le cuer de l’om_m_e ad ensement, 8230
Mais il n’ad tant d’entendement
Qu’il sciet nom_m_er son p_ro_pre no_u_n.
L’om_m_e yv_er_e par fole ignorance
De soy ne d’autre ad conuscance:
Ce parust bien el temps jadys,
Qua_n_t Loth par sa desconuscance
D’yv_er_esce enprist la fole errance,
Dont ses deux files avoit pris
Et par incest s’estoit mespris;
Mais ja n’eust il le mal enpris, 8240
S’il fuist du sobre remembrance.
Pour ce trop boire a mon avis
Des tous pecchés c’est un des pis,
Qui tolt au cuer la sovenance.
L’om_m_e yv_er_e en soy trop se deçoit,
Qu’il quide a boire qui luy boit;
C’est le bon vin, dont il est pris
Et liez, siq’en tiel destroit
N’ad membre p_ro_pre q’a luy soit,
Ne reso_u_n dont il soit apris; 8250
Ainz est plus sot et plus caitis[211]
Que nulle beste du paiis.
Dont saint Ambrose ensi disoit,
Que des tous vices ly soubgis
Et ly plus serf a son avis
C’est Yv_er_esce en son endroit.
Sicome p_ro_dhom_m_e le moustier
Quiert pour devoutement orer,
L’om_m_e yvre fait par autre guise,
Si quiert taverne a son mestier: 8260
Car la taverne au droit juger
Est pour le deable droite eglise,
U p_re_nt des soens le sacrefise.
Le corps lors paiera l’assise
De son escot au taverner,
Mais puis la mort po_ur_ la reprise,
Qant plus la bource ne suffise,
Lors fait sanz fin l’alme engager.
Saint Isaïe en son divin,
‘Way vous,’ ce dist, ‘q’au jo_ur_ matin 8270
Levetz et jusques au vesprée
A la taverne estes enclin,
D’yv_er_esce plain plus q_ue_ porcin:
Car p_ro_prement par tieu pecché
Ly poeples est chaitif mené,
Si ont mainte autre gent esté
Perdu de la vengance au fin.’
Pour ce ly sage en son decré
Sicom_m_e la mort nous ad veé,
Que nous ne bevons trop du vin. 8280
Uns clercs dist, Yv_er_esce est celle
Q’encontre dieu tient la turelle,
U sont tous vices herbergez,
Pour guerre que se renovelle,
Dont chascun jo_ur_ vient la novelle
A dieu, dont trop est coroucez,
Q’ils ont tous vertus forschacez:
Par quoy dieus les ad manacez
Par Jeremie, et les appelle
Disant q’as tous tieux forsenez 8290
Il tient sa coupe apparaillez
Plain de vengance a la tonelle.
Iv_er_esce, qui dieus puet haïr,
Les uns en eaue fait perir,
Les uns en flam_m_e fait ardoir,
Les uns du contek fait morir,
Les uns occist sanz repentir,
Les uns attrait a desespoir,
Les uns fait p_er_dre leur avoir,
Les uns joïr et surdoloir, 8300
Les uns desfame par mentir,
Les uns trahist par no_u_nsavoir,
Les uns tolt reso_u_n et povoir,
Les uns fait droite foy guerpir.
He, orde, vile et felon_n_esse
Est la folie d’Yveresce,
Par qui l’en pert grace et vertu
Du sen, beauté, force et richesce,
Science, honour, valour, haltesce:
Saunté du corps en est perdu,[212] 8310
Et ly cynk sen sont confondu,
Ly bien parlant en devient mu,[213]
Et ly clier oill to_ur_ne en voeglesce;
N’ad pié dont il soit sustenu,
Ne main par qui soit defendu,
N’oraille qui d’oïr ne cesse.
La bo_u_nté en devient malice,[213]
La sobre contienance nice,
Et la reso_u_n desreson_n_al,
Si fait tout bien to_ur_ner en vice. 8320
Fols est pour ce que l’excercice
En p_re_nt, dont vienont tant de mal;[214]
Car c’est le vice especial
Q’est fait du consail infernal
Leur p_ro_cureur, qui nous entice,
Pour mener a cel hospital
U sont ly tonell eternal
Plain de misere en son office.
=Ore dirra de la quarte file de Gule, q’ad no_u_n
Sup_er_fluité.=
La quarte file est de surfait
Si plain que tous les jo_ur_s surfait, 8330
Sibien en boire q’en manger.
Sur tous les autres plus forsfait;
Car de son ventre le forsfait
Est de vomite en grant danger,
Ou autrement l’estoet crever:
Si doit la goule acomp_ar_er
Ce qu’il de gule a tant mesfait;
Sanz digester, sanz avaler
Laist sa viande a realer,
Par ou entra par la revait. 8340
D’ice pecché par dueté
Le no_u_n est Sup_er_flueté,
Q’est l’anemye de mesure:
Cil qui de luy ert entecché
Jam_m_ais du bouche sanz pecché
Mangut ne boit en aucun hure:
Il porte d’om_m_e l’estature,
Et est semblable de nature
Au chien, qant ad le ventre enflé
Plain de caroigne et vile ordure, 8350
Dont p_ar_dessoutz et p_ar_dessure
[Sidenote: =f. 49=]
S’espurge, et est trop abhosmé.
Come plus le vice dont vous dy
Est riches, tant plus ert laidy
Du jour en aultre; car lors a
Delicacie a son amy,
Par qui consail se paist p_ar_my,
Tanqu’il empli le ventre avra,
Sicome tonell q’om emplira;
Q’avant qu’il sup_er_fluera 8360
Ne cesse emplir, et puis auci,
Qant vuid est, se reemplira,
Et past sur past adjoustera,
Com_m_e cil q’au deable est le norri.
Sicome pour siege l’en vitaille
Chastell, ensi ly glous se taille
Quant doit juner a lendemein:
Qui lors verroit dirroit m_er_vaille
Com_m_ent le ventre d’om_m_e vaille
Tant engorger devant la mein. 8370
Mais quidez vous q’un tiel vilein
Du juner paie son certein
A dieu? Nenil; ainçois il faille:
Car dieus des tous glous tient desdein,
Et d’un tiel qui se paist trop plein
Maldist le ventre ou tout l’entraile.
Sicom_m_e ly malvois hosteller,
Quant il enprent pour hosteller
P_ro_dhom_m_e, et puis vilainement
De son hostell deshosteller 8380
Le fait, ensi cil adversier
Par l’orde sup_er_fluement
De gule, en son vomitement
Desgette le saint sacrement,
Q’il ot deinz soy fait herberger,
Et el lieu de son dieu reprent
Le deable. O quel eschangement,
Ensi pour mort vie eschanger!
D’ice pecché tresbien apiert,
Cil qui le fait chier le compiert, 8390
Car d’oultrageuse gloutenie,
Quant plus devoure q_ue_ n’affiert,
Primer au corps le mal refiert,
Et l’alme apres en est perie.[215]
He, vice plain du vilainie,
Du corps et aime l’anemie,
Par toy et l’un et l’autre piert:
Ja dieus ta bouche ne benye,
Ce dont ta pance as replenie
Fait q_ue_ famine l’alme adquiert. 8400
=Ore dirra de la quinte file de Gule, q’ad no_u_n Prodegalité.=
La puisné file apr_es_ la quarte
Ne boit p_ar_ pynte ne par quarte,
Ainz p_ar_ tonealx et par sestiers,
C’est ly pecchés qui se departe
De dieu, au siecle et tout departe
Et son catell et ses deniers
En festes et en g_ra_ntmangiers,
Sanz estre au povre p_ar_çoniers.
Son tynel largement essarte
Soul pour les honours seculiers, 8410
No_u_npas com_m_e cil q’est aumosniers,
Si no_u_n de Venus et de Marte.
Iceste file du Pecché
L’en nom_m_e P_ro_degalité.
Follarges est en sa despense;
Sovent devoure en une année
Plus q’en deux a_u_ns la faculté
De ses gaignages recompense.
Ly sires q’a ce vice pense
Avant le fait ne contrepense 8420
Le fin; car de tieu largeté
Combien q’il quiert la rev_er_ence
Du siecle, dieus irrev_er_ence
Luy rent sanz avoir autre gré.
Ly p_ro_degus q’ad seigneurage
Non soulement son heritage
Du follargesce fait gloutir,
Ainz de son povre veisinage
Tolt leur vitaille sanz paiage;
Sicom_m_e ly loups, qant vient ravir
Sa proie, ensi pour maintenir 8431
Sa geule il fait avant venir
Ce q’est dedeinz le mesuage
Des povres, dont se fait emplir:
L’en doit tieu feste trop haïr
Dont l’autre plourent lo_ur_ dam_m_age.
Ly p_ro_degus deinz sa maiso_u_n
Son pourvoiour Extorcio_u_n
Retient; cil fait la pourvoiance:
Par tout le paiis enviro_u_n 8440
N’y laist gelline ne capo_u_n,
Ainz tolt et pile a sa pitance,
Ove tout celle autre appo_ur_tena_n_ce;
Et si ly povre en fait p_ar_lance,[216]
Lors fait sa paie du basto_u_n,
Dont met les autrez en doubtance.
Cil q’ensi sa largesce avance
N’en duist du large avoir le no_u_n.
Ne luy souffist tantsoulement
Ensi piler du povre gent, 8450
Ainçois des riches ap_ro_mpter
Quiert et leur orr et leur argent,
Pour festoier plus largement;
Car riens luy chalt qui doit paier,
Maisq’il s’en pourra festoier.[217]
Et nepo_ur_qant n’y doit entrer
Ly povres, dont avient sovent
Tieux Mill paient po_ur_ son disner
Qe ja n’en devont pain gouster:[218]
Maldit soit tieu festoiement! 8460
Si ly follarges ust atant
Come ot Cresus en son vivant,
Qui dieu del orr om appelloit,
Trestout le serroit degastant,
Et au darrein en son passant
En dette et povre en fin irroit:
Car dame Geule luy deçoit,
Q’en son hostell mangut et boit,
Si font ly autre app_ar_tienant
Des vices solonc leur endroit; 8470
Chascuns luy sert com_m_e faire doit,
L’un ap_re_s l’autre a son com_m_ant.
Sa soer primere Ingluvies
Pour luy servir des larges mess
De son hostell est Seneschal:
Delicacie puis apres
Devant luy taille a son halt dess
Du manger plus delicial:
Dame Iv_er_esce en son hostal
Est boteler especial, 8480
Qui de sa coupe sert ades:
Sa quarte soer sup_er_flual
De la cusine est principal:
Itiel consail retient de pres.
Si la com_m_une gent menour
N’ait les richesces du seignour,
Dont largement sa geule emploie,
Nientmeinz qanq’il porra le jour
Gaigner, au soir p_ar_ sa folour
Du follargesce il engorgoie: 8490
Et s’il p_ar_ cas falt de monoie,
Lors son coutell et sa courroie,
Au fin q’il soit bon potadour,
Enguage po_ur_ le ventre joye;
Siq’il poverte enmy la voie
Luy vient au fin de son labour.
Qui follargesce meyne ensi,
Trop povrement ert remeri
Au fin, qant sa despense cesse:
Dist l’un, ‘C’est grant pité de luy:’ 8500
‘Bon compains fuist,’ dist l’autre auci:
Ly tierce dist, ‘Je le confesse;
Mais ore est sa folie expresse.’
Vei la le fin de follargesce!
Primer du siecle est escharni,
Ne dieus de sa part le redresce,
Siq’au final en sa destresce
Ascune part n’ad un amy.
=Ore dirra la descripcio_u_n de Gule par especial.=