Des quelles p_ar_ son droit office
Est Covoitise la primere:
C’est celle qui pour benefice
Du siecle laist le dieu service;
Car la richesce seculere
Luy est des autres la plus chiere,[157]
Et pour gaigner par tieu maniere
Retient ove soy tout autre vice;
Qui s’assemblont soutz sa baniere 6190
Pour verité mettre a derere[158]
Et desconfire la justice.
C’est celle qui pour ses compains,
Ne ses sorours ne ses germains,
Ne voet laisser son avantage,
Ainçois s’avance as tous bargains.
U que pourra tenir ses gains,
N’ad cure quiq’en ait damage;
Car qui ses terres en morgage,
Ou qui voet mettre riche guage, 6200
Lors Covoitise y tent ses mains
Et les oblige a son paiage;
Dont molt sovent sanz heritage
Laist en poverte ses p_ro_chains.
Iceste file, com_m_e je pense,
Nasquist primer sanz conscience;
Dont qua_n_t aucune cause enprent,
Au com_m_encer l’enqueste ensense
A jurer sur false evidence,
Q’est colouré du blanc argent; 6210
Et du fin orr au jugge aprent,
Au fin qu’il puis en juggement
Pourra son tort en audience
Justefier devant la gent:
Et ensi veint secretement
Le droit, que nuls le contretence.
Car qua_n_t Richesce vient pledant,
Poverte vait sanz defendant:
Richesce don_n_e et l’autre prie,
Richesce attrait en son guarant 6220
Le jugge, questour et sergant,
Par queux sa cause justefie;
Car Covoitise qui s’applie
A la Richesce, ne voit mye
Le droit du povre mendiant.
Que jugges ne serroit partie
La loy defent, mais l’orr deffie
Le droit et met le tort avant.
Ly covoitous, qua_n_t s’aparçoit
Que presde luy jofne hom_m_e soit, 6230
Q’est riche des possessions
Et innocent, lors en destroit
Son cuer remaint com_m_ent porroit
Ses retz po_ur_tendre a tieux buissons.
Sovent l’attret des beals sermons,
Sovent d’aprest, sovent des do_u_ns,
Dont l’innocent se fie et croit
En les fallas de ses reso_u_ns;
Mais l’autre en ses conclusio_u_ns
Au fin l’attrappe et le deçoit. 6240
Mais quant avient q_ue_ son voisin
Tient presde luy rente ou molyn,
Qe vendre en bon gré ne voldra,
Cil covoitous du fals engin
Met tiel obstacle en son chemin,
Dont en danger le ruera:
Car falsement l’enditera,
Ou d’autre part luy grevera,
Du quoy ly povres en la fin,
Ou de son corps hony serra, 6250
Par fine force ou il lerra
Sa terre a ce tirant mastin.
Sicom_m_e le Luce en l’eaue gloute
Du piscon la menuse toute,
Qu’il presde luy verra noer,
Ensi ly riches ne laist goute
Des povres gens q’il pile et boute:
Mais c’est le pis de son mestier,
[Sidenote: =f. 38=]
Com_m_e plus se prent a devorer,
Tant meinz se pourra saouler: 6260
Ce met le voisinage en doubte
Sicom_m_e perdis de l’esp_er_ver,[159]
Q’a luy soul n’osent resister,
Combien qu’ils soient une route.
Mais je ne dy pas nequedent
Que Covoitise soulement
Es cuers des riches gens habite;
Ainçois les cuers du povre gent
Assault et point asses sovent;
Et combien qu’il ne leur p_ro_fite, 6270
Voir s’il n’en gaignont une myte,
Le vice encore les endite,
Dont sont coupable en pensement
L’evesq_ue_ ensi com_m_e l’eremite:
Solone que chascune appetite,
Dieus met leur cause en juggeme_n_t.
Ly povre covoitous n’areste
Ne son corps mesmes ne sa beste
Solone les sains com_m_andemens,
Qu’il ne labourt au jour du feste, 6280
Si ce ne soit pour la tempeste
Que survient de l’orrible temps;
Mais lors s’ato_ur_ne d’autre sens
De faire ses bargaignemens,
A la taverne, u deshoneste
Sa vie meine en janglemens.
Vei la les nobles sacremens,
Dont env_er_s dieu fait sa requeste!
Du covoitise trop s’avile
Cil q’au marché du bon_n_e vile 6290
Envoit a vendre son frument,
Et par deceipte puis s’affile,
Et vient y mesmes de sa guile
Pour l’achater tout p_ro_prement;
Et plus en don_n_e de l’argent[160]
Que la com_m_une de la gent
Vendont, et ensi se soubtile,
Qu’il la chierté monter sovent
Fait du marché; si p_er_dont cent
P_ar_ ce q’il soul le gaign enpile. 6300
Du covoitise mal s’espleite
Q’ad sa mesure trop estreite,
Soit pynte ou lot, dont il le vin
Vent en taverne par deceite:
Car de mesure contrefeite
Sovent se pleignont ly voisin,
Et sur trestous ly pelerin
S’en pleint, qui lass en son chemin[161]
S’en vait et d’argent ad souffreite.
Mais dieus, qui voit le mal engin, 6310
Rent larges paines au p_ar_fin
A luy qui tant estroit coveite.
Ly covoitous en son ayue
Ad cynk servans de retenue,
Des queux Chalenge est ly primer;
Soubtilité la desconue,
Que sa faulsine ne desnue
Est la seconde, et P_er_jurer,
P_er_est ly tierce, et puis Tricher
Ly quartz, et lors de son mestier 6320
Ingratitude s’esvertue
Du Covoitise acompaigner:
Qui tieus compaigns doit encontrer
Se poet doubter de leur venue.
Pour fals chalenge sustenir
Ly fals plaintif y doit venir,
Qui fals tesmoign ove luy merra;
Si falt auci pour retenir
Fals advocat pour plee tenir,
Et fals notaire auci vendra, 6330
Qui competent salaire avra;
Fals assissour y coviendra;
Mais pour la cause au point finir
Chalenge de son orr dorra
Au jugge, et lors tout seur serra
Que tout ert fait a son plesir.
Chalenge auci d’un autre endroit,
Ou soit a tort ou soit a droit,
Au povre gent de leur bargaign
Retient leur sold que paier doit; 6340
Combien qu’il nul defaute voit,
Encore pour le petit gaign
Ascune part retient ou main.
Mais d’une chose soit certain,
Com_m_e Malechie le disoit,
Q’ensi chalenge son p_ro_chain
Dieu le chalenge a son derrain
Du male mort, qu’il luy envoit.
Au Fals chalenge un autre vice
Est adjousté de son office, 6350
Q’on nom_m_e Fals occasio_u_n;
C’est ly droit cousins d’Avarice,
Car pour guaigner le benefice
Legierement troeve encheso_u_n
Sovent sanz cause et sanz reso_u_n
A deguerpir son compaigno_u_n;
‘Chascuns pour soy,’ ce dist, ‘chevise’:
Pour mesmes recevoir le do_u_n,
A l’autre en fra destourbeiso_u_n:
Fols est qui tiel amy cherice. 6360
Au Babiloine et a Chaldée,
Q’au tort le poeple ont chalengé,
Par Jeremie dieus manda,
Puisqu’ils sur gent de povreté
Ont leur chalenge compassé,
D’espeie il leur chalengera;
Dont ly plus fortz se tremblera,[162]
Et ly plus sage ensotera,[163]
Et le tresor q’ont amassé
Trestout l’espeie devora; 6370
Et ensi rechalengera
Le povre droit q’ont devoré.
Soubtilité, qui vient après,
Se tient du Covoitise pres
Com_m_e s’amye et sa chamberere,
Par qui consail l’autry descres
Compasse, dont son p_ro_pre encres
Pourra tenir, car a son piere
Ferroit tresget en sa maniere:
Car elle ad Guile a sa baniere, 6380
Qui de sa cause tout le fes
Enporte, siq_ue_ par sa chiere
Qua_n_t est devant ne qua_n_t derere
Nuls s’aparçoit de luy jam_m_es.
Soubtilité dieus n’ayme mye,
Ainz la maldist par Isaïe;
Car la soubtile Covoitise
Ad toutdis en sa compaignie
Et Conjecture et Guilerie,
Et si retient auci Queintise: 6390
Car l’evangile nous devise,
Que de la seculere aprise
Om truist plus quointes de boidie
Et plus soubtils d’une autre guise,[164]
Qe ne sont cil q’ont tout assisse
L’alme en divine queinterie.
L’areine au mer, ce dist Ambrose,
Qua_n_t voit q_ue_ l’oistre se desclose,
Mette une pierre en la fendure,
Dont n’ad poair qu’il se reclose: 6400
Mais qua_n_t l’escale n’y est close,
Le piscon prent a l’overture
Et le devore en sa nature.
Ensi du False conjecture
Ly Covoitous son gaign dispose
Sur l’innocente creature,
Et le devoure a sa mesure,
Q’au paine y laist ascune chose.
Perjurie, q’ad sa foy p_er_du,
Entre les autres s’est tenu 6410
Au Covoitise pour servir:
C’est cil qui n’ad cremour de dieu;
Maisqu’il del orr soit retenu,
La conscience en fait fuïr;[165]
Car voir en fals sovent vertir,
Et fals en voir fait revertir.
C’est cil qui pour amy et dru
Falsine fait ove soy tenir;
Que loialté ne poet venir,
Si l’autre soit avant venu. 6420
Grant pecché fait qui se p_er_jure,
Et ensi fait qui le p_ro_cure;
Car peiour est le p_er_jurer
Que l’omicide en sa nature:
Car l’en verra p_ar_ cas tiele hure
Q’un hom_m_e l’autre poet tuer,
Mais l’en ne porroit deviser
Perjurie de justefier
Par reso_u_n ne par aventure:
Dont trop se poet espoenter 6430
Cil fals jurour qui pour loer
Met si grant fait a no_u_nchalure.
Mais quoy dirrons du fals juro_ur_,
Qui le saint corps son salveo_ur_
Fait desmembrer du pié en teste
P_ar_ grans sermens, dont chascun jo_ur_
Il s’acustum_m_e sanz paour?
Je dy, l’irreson_n_able beste
Valt plus de luy, soit cil ou ceste;
Car qui q’ensi son dieu tempeste, 6440
C’est du filz dieu ly to_ur_mentour,
Qui le flaielle et le moleste.
He, quelle cause deshon_n_este
Du creature au creatour!
Qui par l’eglise jure et ment,
Trestout p_er_jure p_ro_prement
Qanq’en eglise est contenu;
Et qui le ciel et firmament
P_er_jure, lors trestout comprent
Les angles et le throne dieu: 6450
[Sidenote: =f. 39=]
Dont Ysaïe en son hebreu,
‘Way,’ dist, ‘au fals juro_ur_ mestru
Q’ensi mesfait son serement.’
C’est un des vices plus cremu,
Q’expressement est defendu
Par le divin com_m_andement.
Mais ly p_er_jurs doit bien savoir,
Qe p_ar_ nulle art q’il sciet avoir
De sa parole ymaginée,
Dont par fallace a son espoir 6460
Quide a jurer et decevoir,
Ert du pecché plus escusée;
Ainçois luy double le pecché,
Qua_n_t dieus en quide avoir guilé,[166]
Qui tout survoit le fais et voir;
Car c’est escript en le decré,
Solonc q’on charge le jurée
Il doit son charge recevoir.
Quiconq_ue_ met sa main au livre
A fals jurer pour marc ou livre, 6470
En ce qu’il tent sa main avant
A p_er_jurer, tout se delivre
De dieu, a qui sa foy suslivre,
Com_m_e cil qui jam_m_ais enavant
A luy quiert estre app_ar_tienant,
Et son hom_m_age maintenant
Pour tout le temps qu’il ad a vivre
Au deable fait en son jurant,
Qui s’esjoÿt du covenant
Et en enfern le fait escrivre. 6480
N’est pas reso_u_n que l’en oublie
L’avisio_u_n de Zacharie,
Q’en halt le ciel voler veoit
Un grant volum, dont il lors prie
Al angre quoy ce signefie;
Qui dist que ce de dieu estoit
La maleiçon, que descendoit
A les maisons de ceaux toutdroit
Qui sont p_er_jurs en ceste vie,
Et p_ar_dedeinz escript avoit 6490
Le juggement que leur portoit
Sentence d’escumengerie.
Perjurie ad un soen compaigno_u_n,
Qui naist du deable et ad a no_u_n
Mençonge, qui jam_m_ais parla
Parole, si tresfalse no_u_n;
Dont vait a sa p_er_dicio_u_n,
Sicom_m_e David p_ro_phetiza.
Par Malachie aussi cela
Dieux dist qu’il tieux accusera, 6500
Et leur malvois condicio_u_n
A tesmoigner se hastera:
Ne say com_m_ent s’excusera
Q’attent tiele accusacio_u_n.
Ly quartz q’au Covoitise encline,
C’est Tricherie q’est terrine,
A qui Deceipte est attendant
Ove Falseté, q’est sa cousine.
Par leur consail, p_ar_ leur covine
Ly covoitous vait compassant 6510
Com_m_e soit les terres conquestant;
Et d’autre part ly fals marchant
P_ar_ leur avis son gaign divine;
L’un font de l’orr riche et manant,
Et l’autre de leur conspirant
Des terres mettont en seisine.
Cil Tricherous au repaiage
De l’autry bien prent le tollage
Par fals acompte ou autrement;
Et quant ad fait l’autri dam_m_age, 6520
Guaigné le tient en son corage,
Come s’il l’ust trové francheme_n_t.
Mais cil qui triche l’autre gent
Doit bien savoir, au finement
Que ce n’ert pas son avantage;
Car il se triche p_ro_prement
De tout le bien q’a l’alme appent,
Et ce tesmoigne bien ly sage.
El viele loy lors fuist ensi,
Que cil q’ot triché vers l’autri 6530
Du quelq_ue_ chose, il la rendroit
Entiere arere envers celluy
Qu’il ot triché, ovesq_ue_ auci
La quinte plus que ce n’estoit,
Et puis offrende a dieu dorroit,
Du quoy son pecché rechatoit,
Sicom_m_e la loy l’ot establi.
Mais ly Tricher q’est orendroit
Sur l’alme laist a faire droit,
Dont cent mil fois plus ert puny. 6540
Encore Triche de son lyn
Ad sa cousine et son cousin
Tout presde luy po_ur_ consailler;
Ce sont et Fraude et Malengin.
Bien fuist, s’ils fuissent en l’engin
Pour loign jetter en halte mer;
Car ce sont qui jam_m_ais plener
Leur covenance font guarder
N’envers dieu n’envers leur voisin:
Ce sont cils qui de leur mestier 6550
Font nele ove le frument semer,
Dont decevont maint hom_m_e au fin.
Ce sont q’ont double la balance
Et la mesure en decevance,
L’un meinz et l’autre trop comp_re_nt;
Du meindre vendont au creance,
Du greindre par multipliance
Achatont de la povre gent:
Plus ont deservy jugement
Que lieres que l’en treine et pent. 6560
La bible en porte tesmoignance,[167]
Dieus en la viele loy defent
Mesure et pois que doublement
Se fait a la com_m_un nuisance.
Entre les autres pour servir
Au Tricherie vient Conspir,
La torte cause q’ymagine;
Et pour ce qu’il n’en doit faillir,
Confederacio_u_n venir
Y fait, p_ar_ qui le droit engine; 6570
Mais Champ_ar_tie en leur covine
Se haste, et nuyt et jour ne fine,
De la busoigne au point finir.
Ce sont ly troy p_ar_ qui falsine
Dame Equité vait en ruine,
Et tort se fait en halt tenir.
U Tricherie vait, du pres
Vient Circumvencio_u_n apres,
Ove son compaign q’ad no_u_n Brocage:
Ce sont qui portont le grief fes 6580
Du Covoitise et tous les fetz
P_ar_font; car l’un en son corage
Primer coviette l’avantage,
Et l’autre en fait le p_ro_curage[168]
Solonc qu’il voit venir l’encress;
Q’au paine ascuns serra si sage,
Qui n’ert deceu p_ar_ leur menage,
S’ils p_ar_ deux fois l’eiont confess.
La voegle Ingratitude vient
Apres les autres, et se tient 6590
Ove Covoitise main au main:
C’est ly pecchés q’au cuer enprient
Oblivio_u_n, dont riens sovient
D’onour, du bien, que son p_ro_chain
L’ad fait devant, ainz com_m_e vilain
De chescun prent, mais en certain
A nul redon_n_e et tout retient:
C’est cil q’est toutdis fieble et vain
A l’autry prou, mais fort et sain
Au p_ro_pre bien prest se contient. 6600
La foy, sicom_m_e ly sages dist,
D’Ingratitude s’esvanist
Ensi com_m_e glace se relente;
Car deinz brief temps trestout oublist
Le bien q’ainçois ascuns luy fist,
Q’au guerdon_n_er ne se talente.
Fols est q’au tiel amy presente
Argent ou orr ou terre ou rente;
Car quant plus don_n_er ne suffist,
Lors le deguerpe et destalente, 6610
Et au busoign plus q_ue_ jumente
Irreson_n_able l’escondist.
A l’om_m_e ingrat, tu dois savoir,
Que trop p_er_est ce no_u_nsavoir,
Si tu tes biens trestous dorroies;
Car prest serra de recevoir,
Mais redon_n_er de son avoir
Ja n’ert ce temps q_ue_ tu le voies:
Et d’autre part, si toutes voies
Al hom_m_e ingrat servy avoies 6620
Mill auns a ton loyal pooir,
En un soul jour tout le p_er_droies;
Et qua_n_t meulx fait avoir quidoies,
Il te ferroit pis decevoir.
Ingratitude des seignours
Du povre gent prent les labours,
Mais point n’aguarde leur merite
A guerdon_n_er; car povre as courtz
Ne poet que faire ses clamours,
Mais ja pour tant denier ne myte 6630
N’en porte: auci la gent petite
Ingratitude leur excite
Au sire qui les fait honours,
Que sa bonté serra desdite;
Et moult sovent qui plus p_ro_fite
As tieus, meinz ad de leur amours.
Ingratitude est toutdis une
Q’au Covoitise se com_m_une;
C’est cil q’au soir les biens du jour
Oublist et tout son p_ro_pre adune, 6640
Car nulle chose en fait com_m_une:
C’est cil qui porte sanz amour
[Sidenote: =f. 40=]
Le cuer, car vers son creatour,
Qui l’ad don_n_é sen et vigour,
N’en rent mercys ne grace aucune:
C’est cil a qui si tout honour
Ussetz don_n_é, au chief de tour
Ne t’en redorroit une prune.
En l’om_m_e ingrat ja ne te fie;
Car s’il t’avoit sa foy plevie, 6650
Et dieu juret et tous les seintz
Q’il jam_m_ais jour de sa partie
Ne te faldroit, ainz sanz partie
Te volt amer malade et seins,
Pour ce ne serres plus certeins;
Car s’il te voit depuis constreins
Du poverte ou du maladie,
Ja plus ne luy serres p_ro_cheins:
L’en poet bien dire as tieus vileins,
Poverte parte compaignie. 6660
D’Ingratitude escript je truis
La cause dont serra perdus;
Car l’om_m_e ingrat est sanz pité,
En tant q_ue_ s’il trovast al huiss
Son piere et miere ensi confus,
Q’au pain begant fuissont alé,
Et par meschief desherbergé,
Ja pour ce d’ospitalité
Ne serroiont p_ar_ luy rescuz,
Ainçois serroiont refusé. 6670
Fils q’ensi laist son parentée,
C’est pecché qu’il doit vivre plus.
L’ingrat q’ensi se desnature
Est pis que chiens en sa nature:
Car chien son seigno_ur_ vif et mort
Aime et defent a sa mesure,
Mais l’om_m_e ingrat a toi nulle hure
Amour ne loialté ne port;
Pour ton baiser il te remort,
Fay droit a luy, il te fra tort, 6680
Pour t’onour il te deshonure:
C’est cil qui mal pour bien report,
Dont dieus po_ur_ son tresmalvois port
Le hiet, et toute creature.
Pour ce q_ue_ l’om_m_e ingrat est tiel,
Il est nom_m_é desnaturel,
Dont quanq_ue_ dieu fist et crea,
En terre, en l’air, en mer, en ciel,
Le dampnont, car pis q’amer fiel
Le trove qui le goustera: 6690
Pour ce dieus le despisera,
Nature auci l’abhomera,
Et l’angre q’est espiritiel
Ove toute beste le harra,
Fors soul ly deable, a qui plerra,
Car deable en soy sont autretiel.
Quant hors del arche el temps pieça
Noë le corbyn envoia
Sur tous les autres en message,
Desnaturel trop s’esprova, 6700
Q’a luy depuis ne reto_ur_na
Pour reconter de son rivage;
Dont la domeste et la salvage
De toute beste en celle nage
Le corbin de ce fait dampna:
Mais plus me semble en son corage
Que l’om_m_e ingrat se desparage,
Que l’oisel q’ensi s’en vola.
A ce corbin pres toute gent
Sont resemblable au jour p_re_sent; 6710
Car chascun prent de son veisin
Quanq’il poet prendre aucunement
Du bien, d’onour, d’avancement;
Mais puis s’om le demande au fin
Guerdo_u_n, lors sicom_m_e le corbin
S’esloigne, et de son malengin
S’escuse du guerdon_n_ement;
Et ensi le pom_m_e enterin
Prent cil qui puis le soul pepin
A redon_n_er se fait dolent. 6720
Je croy, quant Antecrist vendra,
Plus des desciples ne merra,
Q’Ingratitude atant ou plus
Ove soy ne meyne; et de cela
Verrai tesmoign me portera
L’exp_er_ience en trestous lieus.
L’amour com_m_un ore est p_er_dus,
Si est l’amour novel conçuz,
Du Covoitise qui naistra:
Ne say queu part hucher les huiss, 6730
Ingratitude u je ne truis
Tout prest qui me respondera.
Dame Covoitise en sa meson
Est la norrice du treson,
Que de sa mamelle allaiter
Le fait, et puis met enviro_u_n
Des vices une legio_u_n,
Que le devont acompaigner:
Peril y vient son escuier,
Qui toutdis fait ove soy mener 6740
Soudeigne chance et Mal reno_u_n:
U tieux serront a consailer
Le prince, trop se poet doubter
La gent de celle regio_u_n.
La Covoitise n’ert soulaine,
Q’as tantes vices s’acompaine,
Que luy servont com_m_e soldier;
Par leur emprise ensi bargaine,
Qe l’alme pert qant le corps gaine:
Pour ce dist dieus, q_ue_ plus legier 6750
L’oill de l’aguile outrepasser
Poet ly chameals, q’en ciel entrer
La Covoitise q’est mondaine.
Que valt pour ce de covoiter
Le halt honour q’est seculer,
Dont puis en bass enfern l’en baigne?
Du Covoitise ensi diffine
L’apostre, et dist q’elle est racine
De trestous mals plus nyce et veine.
Senec auci de sa doctrine 6760
Du pestilence et du morine
Dist la plus fiere et plus grieveine[169]
C’est Covoitise, qui se peine
En labour, en dolour, en peine,
Fin quiert de ce q_ue_ ja ne fine;
Car jam_m_ais jour de la semeine
Ne dist asses de son demeine,
Ainz com_m_e plus ad, pl_us_ enfamine.
Ly sages dist que saouler
Ne se pourront en covoiter 6770
Les oils, mais tout cela q’ils voiont
Voldront avoir par souhaider;
Dont molt sovent maint fol penser
Au cuer du covoitous envoiont.
Achab et Jesabel quidoiont,
Quant ils la vyne covoitoiont,
Par ce leur pourpos achiever
Que l’innocent Naboth tuoiont;
Mais as tous autres essamploiont
Com_m_e tiel pourchas fait a doubter. 6780
Auci Joram filz Josapha
Des mals essamples essampla,
Quant il du fole Covoitise
Ses p_ro_pres freres sept tua
Pour les Cités queux leur don_n_a
Leur piere, dont la manantise
Voloit avoir; mais sa juise
Par l_ett_re Helie le devise,
Disant q’a male mort morra.
Si morust puis du tiele assisse, 6790
Que sa boële en orde guise
Parmy le ventre se cola.
La noctua de nuyt oscure
Voit clierement de sa nature
Quiconq_ue_ chose que ce soit,
Mais au clier jour sa regardure
N’est pas si cliere ne si pure:
Dont saint Ambrose resembloit
Le Covoitous au tiel endroit;
Car clierement du siecle voit 6800
Les temporals en chascune hure,
Mais dieu, q’est la lumere au droit,
Dont l’alme d’om_m_e enrichir doit,
L’oill fault a regarder dessure.
Crisostomus ce vait disant,
Qe l’oill qui sont deinz soy pesant
Voiont le meulx en tenebrour.
Senec auci s’en vait parlant,
Si dist q_ue_ l’oill acustum_m_ant
A les tenebres, du clier jour 6810
Mirer ne pourront la luour.
Tieux sont ly oill du Covoitour,
Q’es biens oscurs vont regardant
De la richesse et vain honour,
Mais poy sont qui du fin amour
Les biens verrais sont covoitant.
Par tieus enseignes dois savoir
Que Covoitise soul d’avoir
Tous mals apporte en son office;
Car sens p_er_verte en no_u_nsavoir, 6820
Et verité verte en no_u_nvoir,
Et d’equité fait injustice,
Si rent malgré pour benefice,
Et la bonté tourne en malice
Et bienvuillance en malvoloir;
Trestous vertus desto_ur_ne en vice
En luy qui covoitise entice;
C’est le parfit de son devoir.
=La seconde file d’Avarice, la quele ad a no_u_n Ravyne.=