"Taceo fractas pondere arvinae _jacere mammas,_ quasque foedum esset
in pectore virili vel prominere."
—Sol. Apollinaris, III, 13.
MAMMAE PANNOSAE: Tritae, rugosae. A _panno_ usu confecto.
Aut tibi _pannosae_ pendent a pectore _mammae_,
Aut sulcos uteri prodere nuda times.
—Mart. III, LXXII, 3 sq.
MAMMAE STANTES: Ut sunt virginis intemeratae. Vide _Stat. Sylv._ I, 2.
MAMMEATA, MAMMOSA: Quae grandes _mammas_ habet.
"Hujus amica _mammeata,_ mea inimica et malevola."
—Plaut. _Poenul._ I, II, 181.
_Mammosam_ metuo: tenerae me trade puellae,
Ut possint niveo pectore lina frui.
—Mart. XIV, CXLVII, 1 sq.
MAMILLARE: Indumentum speciale _mamillis_ compescendis. Vid. _Martin.
Lexic._ Sic sub hoc titulo Martialis in mulierem _mammosam_:
Taurino poteras pectus constringere tergo;
Nam pellis _mammas_ non capit ista tuas.
—Mart. XIV, LXIV, 1 sq.