Amis Lecteurs, vous prendrez ceste table comme si elle estoit toute
parfaicte. Vous jugerez, s'il vous plaît, que le volume seroit trop
gros pour si petit livret. Je ne faisois pas mon compte d'adjouster
ceste table, parce que ce n'estoit mon intention de faire cognoistre
la langue, ains leur façon de faire, et aussi que le général de ceste
race m'avoit faict prier de ne la mettre en lumière; toutesfois, je
n'ay laissé, ne desirant gratifier ceste vermine. J'espère (messieurs
et amis), Dieu aydant, vous faire voir, dans peu de temps, une oeuvre
plus utile, qui sera un recueil de la chiromantie, avec plusieurs
belles practiques et pourtraicts du baston des boësmiens, par lesquels
on pourra se rendre capable soy-mesme de se rendre expert ingenieur.
J'ay envoyé à Paris pour faire les figures; cependant je suis vostre
serviteur perpetuel.