SENAMUS: Haec quidem utiliter et ad impiorum terrorem.
CURTIUS: Ego quidem nihil utilius ac melius fieri posse puto, quam
sempiternos improborum flagitiis cruciatus proponere, vel quod ita
futurum sit, ut quidem confido, vel ad terrorem sceleratis incutiendum,
vel ad utrumque. Qui aliter sentiunt, nae1 illi magno rerum publicarum
ac religionum detrimento peccandi licentiae indulgere videntur.