OCTAVIUS: Sacris litteris, inquit Chrysostomus, potius quam angelis de
coelo vel resurgentibus hominibus credendum. Et quis tam stupidus aut
demens reperiatur, qui daemonibus arte magica pellectis et Manibus
necromantica impietate evocatis credendum putet, cum impietates illae
magicae non solum divinis, sed etiam humanis legibus prohibeantur
capitali poena. Et si ulla esset, quae esse nullo modo potest, in
Christo deitas, 284 talium sacrilegorum ac daemonum assertione penitus
everteretur. Illud autem1 pontificibus Romanis usitatum est, cum
aliquem in divorum numerum inscribi volunt, Manes ope νεκρομαντείας
evocare, unde mirabiles ἀποθεώσεις ac daemonum praestigia sequuntur,
quibus imperitis conceptam πολυθεότητος opinionem confirmant.