SALOMO1: Illud quidem constat ex abditis legum divinarum arcanis, Deum
perpetua mundorum creatione ac recreatione gaudere nec quicquam sub
sole novum esse2, quod antea non fuerit, nec fuisse, quod non sit
futurum, nec propterea Deum sui status ullam pati conversionem aut
mutationem, sed eundem humanae naturae copulatum et carneam massam
induisse, non ita pridem, i.e. paulo ante saecula quindecim3, non modo
contra Dei naturam et essentiam est, verum etiam contra suae majestatis
decus.