CURTIUS: Mei sensus, Salomo, cum tuis sensibus congruunt, nec alia mihi
mens est, nisi quod Deum illum opificem ac moderatorem rerum omnium
humanam naturam induisse persuasum habeo, ut hominum scelera morte sua
expiaret. Caetera Deorum inania1 ac divorum numina nihil moror, ac2 ne
angelos quidem, qui proxime ad immortalis Dei numen accedunt, ullis
precibus aut3 veneratione coli volo.