TORALBA: In natura quidem universa quoties ex duabus naturis inter se
repugnantibus1 tertium quoddam ab utraque diversum conflatur, perit
utraque natura propter conflationem formarum. Si ergo in una Christi
natura coalescit simul humana ac divina forma, utramque perire oportet,
et ex utraque tertium quoddam et diversum ab utraque conflari, ut ex
aqua et melle videmus hydromel componi, corrupta utriusque natura.