CORONAEUS: Demus igitur operam, ut qui amore ac necessitate studiorum
unum et idem esse videmur, unum et idem de rebus divinis sentiamus, ut
tandem praepotenti optimoque rerum omnium conditori similes fiamus. Nam
in eo videtur Plato summum hominis extremumque bonum posuisse.
CURTIUS: Eadem est Christi et acutissimi cujusdam theologi1 sententia:
Ei, inquit, cum apparuerit, similes ei erimus.