FRIDERICUS: Vulgo quidem colloquia de religione suscepta ac probata
disputationis in modum serere, non minus periculosum, quam perniciosum,
nisi quis divina potestate, ut Moses, aut armis, ut Muhammedes, plebem
renitentem cogere vi possit. Sed inter eruditos privatim res divinas
ingerere et explicare, fructuosissimum semper judicavi, quomodo
Salomonem nostrum in eam disputationem saepe ante pertrahere sum
conatus, nec potui 127 tamen, nisi forsitan metuit, ut de suscepta
religione discedere1 cogatur. Sic enim aspides ajunt utramque aurem
obturare, quo minus magorum illecebris capiantur.