OCTAVIUS: Quaerenti mihi, cur spectra illa1 circa patibula ac sepulcra
vagarentur, nihil verius occurrit, quam daemones illos esse cadaverum
custodes, ut mihi persuasum sit, cadaveris furtum daemonem custodem
persecutum fuisse ac me ipsum procellis excitatis2 ulcisci voluisse.
Cujus rei argumentum nullum certius exstitit, quam quod ejecto e navi
cadavere, non aliter quam Jona demerso validissimae tempestates momento
conquieverunt, quae profecto vim daemonum ventos excitantium
apertissime testantur.