SALOMO: Illud abs te, Sename, scire cupiam, num saepius in somniis sola
mente, oculis conclusis ac sensibus omnibus stupefactis, rerum imagines
videris1 perinde ac si oculos apertissimos haberes2? Quod quidem si
fateris, cur dubitas aciem mentis, quam oculorum, ad contuendum
acutiorem confiteri? Ac M. Tullius non minus eleganter quam vere
scripsit, mentes ipsas tum maxime sentire ac vigere, cum e corporibus
excessissent.