Lite mota..... inter Merlinum _Jolis_, barbitonsorem et varletum
nostrum camere, magistrum barbitonsorum ville nostre Par., Johannem _de
Chartres_, etc. barbitonsores et juratos in barbitonsorie officio...
in villa nostra pred. ex parte una et decanum et capitulum ecclesie
collegiate Sancti Marcelli prope Parisius et Guillelmum Prepositi,
barbitonsorem ex parte altera...... et Reginaldum Furnerii, servientem
nostrum Castelleti, dictis barbitonsoribus deffendendo et procuratorem
nostrum pro nobis dicto decano et capitulo, Guillelmo Prepositi agendo
adjunctos, super eo quod dicebant barbitonsores... quod barbitonsorum
officium quedam pars et porcio arcium medicine et cirurgie existebat
et pro conservacione humanorum corporum in quibus barbitonsores multas
curas exercebant introductum magnum requirebat experimentum et propter
inconveniencia et pericula que per barbitonsorum impericiem evenire
poterant..... certa examen barbitonsorum in d. villa et banleuca d.
officium excercere volencium erat neccessario providendum, quodque ab
antiquo...... d. barbitonsorum officium..... per barbitonsorem nostrum
et varletum camere conservari et gubernari consueverat, eratque et
fuerat retroactis temporibus barbitonsor noster... in possessione...
habendi cognicionem omnium causarum ad dictum barbitonsoris officium
spectantium virtute certorum privilegiorum jamdudum per unum ex
predecessoribus nostris... d. barbitonsoribus ville nostre Par...
concessorum et per incuriam certorum barbitonsorum, in quorum
custodia existebant, deperditorum, utendoque juridictione antedicta
deffunctus Andreas Poupardi, varletus et barbitonsor noster ac magister
barbitonsorum... Johannem dictum _Gamberon_, barbitonsorem... de
lenocinio et vita inhonesta coram eo delatum ab exercicio officii...
barbitonsorum..... privaverat..... que quidem sentencia... per
generales refformatores anno Domini Mº CCCº sexagesimo primo in
regno nostro ordinatos coram quibus idem _Gamberon_ eam anullari...
pecierat, partibus auditis, confirmata extiterat. . . . . . . . . . . .
. . . . . . . . . . . . . . . . . . . . . . . . . . . . . . . . . . . .
dicebant ulterius quod magister barbitonsorum..... in omnibus et
singulis juridicionibus in villa et banleuca pred. existentibus.....
usus et gavisus fuerant (sic), quodque..... barbitonsores qui in pred.
terra dictorum decani et capituli operatorium levaverant....., per
dictos magistrum et juratos probati et examinati extiterant et eisdem
obedienciam debitam prestiterant et in casu contradictionis per dictum
magistrum aut ejus locumtenentem per ablacionem... instrumentorum
suorum et alias impediti, puniti et correcti extiterant..... quod
anno... Mº CCCº septuagesimo tercio vel circa, quedam mulier de nacione
Flandrie que operatorium pro exercicio dicti officii barbitonsorum
in dicta villa Sancti Marcelli, absque eo quod per dictos magistrum
et juratos approbata fuisset, levaverat, per eosdem punita fuerat
et a dicto loco Sancti Marcelli recesserat, subsequenterque quedam
altera mulier Johanna _la Poignarde_ nuncupata, pro eo quod absque
approbacione, etc....., ab eodem loco expulsa fuerat per eos, et ob
id certus processus inter dictam _la Poignarde_ et episcopum Paris.,
racione ressorti quod se pretendebat habere in dicta terra Sancti
Marcelli ex una parte et dictos magistros et juratos ex altera coram
preposito nostro Par. inchoatus et ad requestam dicti episcopi in
curia nostra Parlamenti... remissus extiterat, in quoquidem processu
episcopus et Johanna _la Poignarde_... interrupcionem fecerant et
perinde expleta facta per... magistrum et juratos ad eorum utilitatem
in firma stabilitate permanserant... quod villa... Sancti Marcelli erat
de suburbiis et de banleuca ville Par., habitantesque in d. villa...
usibus, juribus... dicte ville Par. gaudebant et in subvencionum seu
subsidiorum indiccionibus cum habitantibus ejusdem ville contribuere
consueverant, quodque..... magister et jurati..... omnes barbitonsores
et barbitontrices operatorium in dictis villa et banleuca... tenentes,
sub quacunque existerent juridicione, visitaverant et temptaverant.....
dictis decano et capitulo, Guillelmo Prepositi et procuratore nostro in
contrarium dicentibus quod ipsi decanus et capitulum..... habebant in
dicta villa Sancti Marcelli omnimodam jurisdicionem..... visitacionem
et cognicionem in et super omnibus ministeriis..... pro vino, blado et
granis aliis quibuscunque ibidem venditis mensuras et ulnas pro pannis
et aliis rebus neccessariis mensurandis eorum signo signatas.....
quod villa... Sancti Marcelli semper a dicta villa Par..... divisa
extiterat, quodque jamdudum, racione contribucionis certe taillie
de summa centum mille francorum in dicta villa Par. impositi, inter
prepositum mercatorum et scabinos Par. ex una parte et dictos decanum
et capitulum et habitantes Sancti Marcelli ex altera questione suborta,
per arrestum curie... dictos de Sancto Marcello non esse..... de
suburbiis... ville pred. Par. nec cum habitantibus ejusdem contribuere
debere dictum... extiterat..... quod anno... millesimo CCCº sexagesimo
primo vel circa certa explecta facta in et super boulengeriis dicte
ville Sancti Marcelli..... per que dictos boulengerios Sancti Marcelli
ad et secundum usus boulengeriorum dicte ville Par. conformare et
regulare nittebantur et contraque dictus decanus et capitulum se
opposuerant per refformatores eo tunc in regno nostro ordinatos.....
adnullata fuerant et quod dicti boulengerii de Sancto Marcello more
suo solito panem suum facerent ordinatum fuerat..... dicta curia nostra
per suum judicium expleta pred. per dictum Merlinum _Jolis_ et alios
barbitonsores prenominatos in dicta terra dicti decani et capituli
torsonneria et injusta fore..... declarat.
(Reg. du Parlement, X{1a} 43, fº 251.)