La enskribo estas senpaga.
* * *
Sinjoro Cart skribis afablan leteron gratulante nin pri _The
Esperantist_ kaj petante ke ni enpresu nomaron de la libroj por la
blinduloj. Plezure ni anoncas ke la Angla lernolibro en la Brailla
skribo nun estas eldonita, kaj ke gxia kosto estas 4s. Ni ankaux
sciigos cxiujn blindajn amikojn de la nomaro de aliaj jam eldonitaj
verkoj, se ili skribos al ni.
* * *
Esperanto tre rapide antauxiradas inter niaj Maltaj kunverkantoj.
Dankoj al la sindonema propagando de Sinjoroj Agius kaj de Bono,
preskaux cxiuj la Universitatanoj jam eklernas la helpantan lingvon.
Eble la malgranda insulo baldaux farigxos "_Esperantujon_," kiu
scias!
Sinjoro Agius skribis bonegan leteron kiu estis presita en la _Daily
Malta Chronicle_, kaj ni skribis duan leteron pri Esperanto kiu
ankaux estis tie presita.
* * *
Du samideanoj en Jxaponujo, Sinjoroj Gauntlett kaj Doorn, ankaux
skribis pri Esperanto en la _Japan Times_. Ni ankaux sendis
respondon.
Post la ricevo de la dua letero, la Redaktoro de tiu cxi
malproksimega organo skribis kiel sekvas.--"The fact that our playful
rap at Esperanto should have inspired a disciple of that up-to-date
language in this far corner of the world to champion its cause is
certainly almost sufficient to make us reconsider our former verdict
(which was perhaps dictated by aesthetic rather than utilitarian
motives), and to admit that Esperanto may after all have a brighter
future than Volapuk. At least the acquisition of the new tongue can
do no harm and may possibly do some good. We thank our correspondent
for the trouble he has taken.--Ed., J.T."
* * *
Bone, bonege! kaj la tutmonda Esperantistaro devas gratuli Sinjoroj
Gauntlett kaj Doorn por la granda helpo kiun ili tiel donis al la
lingvo ne en Jxaponujo sole, sed _cxie_.
* * *
Ni bedauxras ke ni ne povas presi cxiujn la afablajn leterojn kiujn
alilandaj amikoj sendis. Eble, en la estonteco, kiam nia malgranda
organo estas bone logxigxita, ni povos pligrandigxi gxin kaj presi du
pagxojn de alilanda korespondado. Gxis tiu tempo venos, ni devas esti
kontentaj kun nur unu pagxo de tiaj interesajxoj.