My vyand haat ek nie omdat
Dit _hy_ is wat ek haat:
Ek haat, verafsku hom omdat
Dit _ek_ is wat hom haat.
Ek het my vriend nie lief omdat
Dit _hy_ is wat ek min:
Ek het hom lief ter wille van
Die grille van my sin.
Ek seën, vloek; ek dien, verdien,
Verderf, verdruk, verbly
My medereisigers hier op
Die paadjie langers my,
Waar elk van almal vir homself
Alleen geniet of ly:
Maar al die ander reis die pad,
Beskou ek, net vir my!