(On a postcard.)
_Jan. 1881._
Et Fredericus de Cantebrigia essoniavit se de malo lecti, et essoniator
dixit quod habuit languorem. Set quia essonium non jacet in breui de
trampagio consideratum est quod summoneatur et quod sit in misericordia
pro falso essonio suo. Postea uenit et defendit omnem defaltam et
sursisam et dicit quod non debet ad hoc breve respondere quia non
tenetur ire in trampagio nisi tantum quando dominus capitalis suus
eat in persona sua propria nec vult nec debet ire cum ballivo vel
preposito, et ipse et omnes antecessores sui semper a conquestu Anglie
usque nunc habuerunt et habent talem libertatem, et de hoc ponit se
super patriam, etc.
Revera predictus F. seisitus fuit de uno frigore valde damnando.
Judicium--Recuperet se ipsum.