Haud awa, bide awa,
Haud awa frae me, Donald;
What care I for a' your wealth,
And a' that ye can gie, Donald?
I wadna lea' my Lowland lad
For a' your gowd and gear, Donald;
Sae tak' your plaid, an' o'er the hill,
An' stay nae langer here, Donald.
Haud awa, &c.
My Jamie is a gallant youth,
I lo'e but him alane, Donald,
And in bonnie Scotland's isle,
Like him there is nane, Donald;
Haud awa, &c.
He wears nae plaid, or tartan hose,
Nor garters at his knee, Donald;
But oh, he wears a faithfu' heart,
And love blinks in his e'e, Donald.
Sae haud awa, bide awa,
Come nae mair at e'en, Donald;
I wadna break my Jamie's heart,
To be a Highland Queen, Donald.