it-bi-e-ma iluGilgamis su-na-tam i-pa-as-sar.
iz-za-kar-am [13] a-na um-mi-su
um-mi i-na sa-a-at mu-si-ti-ia
sa-am-ha-ku-ma at-ta-na-al-la-ak
i-na bi-ri-it id-da-tim
ib-ba-su-nim-ma ka-ka-'a [14] sa-ma-i
ki-?-?-rum [15] sa a-nim im-ku-ut a-na si-ri-ia
as-si-su-ma ik-ta-bi-it [16] e-li-ia
ilam [17] is-su-ma nu-us-sa-su [18] u-ul el-ti-'i
ad-ki ma-tum pa-hi-ir [19] e-li-su
id-lu-tum u-na-sa-ku si-pi-su
u-um-mi-id-ma pu-ti
i-mi- du ia-ti
as-si-a-su-ma at-ba-la-as-su a-na si-ri-ki
um-mi iluGilgamis mu-u-da-a-at ka-la-ma
iz-za-kar-am a-na iluGilgamis
mi-in-di iluGilgamish sa ki-ma ka-ti
i-na si-ri i-wa-li-id-ma
u-ra-ab-bi-su sa-du-u
ta-mar-su-ma [sa(?)]-ap-ha-ta at-ta
id-lu-tum u-na-sa-ku si-pi-su [20]
te-it-ti-ra-su(?) ... su-u-zu
ta-tar-ra-['a]-su a-na si-[ri-i]a
[is-(?)] ti-lam-ma [21] i-ta-mar sa-ni-tam
[su-na-]ta i-ta-wa-a-am a-na um-mi-su
[um-m]i a-ta-mar sa-ni-tam
[su-na-ta a-ta]mar e-mi-a i-na zu-ki-im
[i-na?] Unuk-(ki) ri-bi-tim [22]
ha-as-si-nu na-di-i-ma
e-li-su pa-ah- ru
ha-as-si-nu-um-ma sa-ni bu-nu-su
a-mur-su-ma ah-ta-ta a-na-ku
a-ra-am-su-ma ki-ma as-sa-tim
a-ha-ap-pu-up el-su
el-ki-su-ma as-ta-ka-an-su
a-na a-hi-ia
um-mi iluGilgamish mu-da-at ka-la-ma
[iz-za-kar-am a-na iluGilgamish]
...................................