天后係福建，兴化府，蒲田县，林氏女，名甜。其爸与其哥，打鱼为业艺，佢十八岁当时，在屋家纺织，有一日吹好大风，这只甜在眠床睡开。
在梦中讲狂话，其在侧边喊醒佢。这只甜就话，吾梦中在海面救我哥与老娣，吾用喙啣我哥，用手捉紧我老娣，因为母亲喊吾，吾下开喙，我哥就浸死开。係咁样与佢共围村住嘅人，就造谣言话，这只甜女，得倒道，有能为救海面风浪所害嘅人。到宋朝当时，封佢做灵应夫人，又至明朝永乐君封佢做天后圣母行水面。该等人，欢喜立倒天后像，在船望佢保佑，水路平安，各处也做天后庙来拜佢。谁不知每年海面沉船丧命，唔知几多，天后做乜嘅唔去救佢呢？竟係听倒死生有命，上帝主宰，能管风雨祸福；唔曾听倒敬天后，得倒保佑。可惜世间唔晓醒悟。