查考真武，湖广湘阳县人，姓刘名长生，自细归隐在武当山太和庵。有一日清早晨出门，天气黑暗，有危险地方，都看唔倒，失脚跌落深坑去，散发破肠来死。其嘅门徒假说师傅升天，欺骗众人。有等愚蠢嘅人，被佢诱惑，一傅百，百传千。到明朝永乐君封佢做镇天真武大将军，望佢保佑万代天下太平。殊不知，崇祯係永乐君王後代嘅子孙，忽然间被李闯害迫，在煤山自尽来死。真武当时，唔知去保护来救佢，可见世人容易受人欺骗，听人称佢係神，就去崇拜佢，自细到老都唔晓醒悟，真係令人可惜啰。吾等爱知认识造天地嘅主，诚心服事，就唔被世俗来诱惑，唔怕走落魔鬼黑暗嘅路途，行转正大光明嘅道就着啰。