客问：想拜真神，唔知样边正可以拜得？
答话：拜真神唔使设立庙堂，唔使雕刻偶像，因为神係无所不在；唔用三牲果品元宝香烛样事，因为神係至富有嘅，因为神唔居住人手所造嘅屋，天做其座位，地做踏脚凳；唔用人所用嘅物，佢係畀万样嘅物件。吾等大家独係想人嘅心诚实来拜真神，每日临食饭嘅时，应当祈祷，多谢养育嘅恩，求神祝福所食壮健身体，晓行本分嘅事；或者自家在至静至密嘅屋诚心祈祷；或者与一家人每日早晚聚集，大小唱诗或读几节圣经书，一只人出声祈祷，众心默和，就係拜神。每逢礼拜日，入教堂与众人聚集，牧师讲圣书、教导、警醒、劝诫、安慰、唱诗、祈祷，这係拜神大略嘅形式啰。