»Her sejjer a, en betle Haar« --
_haa_ -- haah!
og smumrer gued Turnipsblaad
_haa_ -- haah!
Æ Suel skjarer i mi Yw,
a er saa glaad, som Haar ka blyw,
haa -- _haah!_
Haa_haa_haa -- _haa_haa -- _haah!_
Her vil a sætt mæ te imaar --
haa -- haah!
for her er Fred og ingen Faar
haa -- haah!
Ih hwa, nu klør mi venster Ør;
ih, skuld en faa nø ild aa spør!
aa -- haah --
aahaahaa -- haahaa -- haah!
Dér lister Lâs saa laangs æ Laad --
haa -- _haah!_
og paa hans Nakk han haar en Spaad
aa -- haah!
-- -- -- Der skydes? Her! Aae Jess og Jøss!
saa war den Spaad en rædle Bøss!
aa -- haah!
aa_haa_haa -- haahaa -- haah!
Og laangs den vejstest Turnipsraad --
aa -- haah --
nøj springer paa en Mynd si Maad
aa -- haah!
Aae, bette Bjen, nu op og rend,
som om det gjaldt jer Verdens End --
aa -- haa --
aa_haa_haa -- _haa_haa -- haah!
Saa spænd, og sprang den usle Haar
aa -- haah!
saa beggi Ører laa sæ flaad
aa -- haah!
For hwer en Spring, en Drip der drap,
for hwem ka løf med Hawl omkap?
Aahaah!
aa_haa_haa -- _haa_haa -- haah!
Det war i'æ Sid en haaj si Skaad
aa -- haah!
og det kund ingen Renden klaar,
aa -- haah!
Med jet saa fild en om og død,
saa holdt æ endle op aa blød
aahaah --
aa_haa_haa -- _haa_haa -- haah!
Æ Fowl bløw ved aa syng saa glaad
haa -- haah!
æ Vind den spøjt mell Turnipsblaad
haa -- haah!
og men æ Haar laa dér og død
æ Suel den strøg si laange Ør:
»aa -- haah!
aa_haa_ -- aahaa -- aah -- haah!«
[Anm.:
_betle Haar_, Smule Hare; _smumrer_, fraadser i; _skjarer_,
skinner;
_imaar_, i Morgen;
_Lâs_, Lars; _Spaad_, Spade; _rædle_, hæslig;
_-raad_, Række;
_Skaad_, Skade.]
19/4 1912.