Tak venisoun wan yt ys newe and cuver it hastely wyth Fern that no
wynd may come thereto and wan thou hast ycuver yt wel led yt hom and
do yt in a soler that sonne ne wynd may come thereto and dimembre it
and do yt in a clene water and lef yt ther' half a day and after do
yt up on herdeles for to drie and wan yt ys drye tak salt and do
after thy venisoun axit [1] and do yt boyle in water that yt be other
[2] so salt als water of the see and moche more and after lat the
water be cold that it be thynne and thanne do thy Venisoun in the
water and lat yt be therein thre daies and thre nyzt [3] and after
tak yt owt of the water and salt it wyth drie salt ryzt wel in a
barel and wan thy barel ys ful cuver it hastely that sunne ne wynd
come thereto.
[1] as thy venison requires. See Gloss. to Chaucer for _axe_.
[2] Dele.
[3] A plural, as in No. 57.