Take Almaundes and grynde hem. take the tweydel [1] of wyne oþer the
þriddell of vynegur. drawe up the Almaundes þerwith. take anys sugur
& branches of fenel grene a fewe. & drawe hem up togyder with þer
mylke take poudour of canell. of gyngur. clowes. & maces hoole. take
kydde oþer chikenns oþer flessh. & choppe hem small and seeþ hem.
take all þis flessh whan it is sodenn & lay it in a clene vessel &
boile þer sewe & cast þerto salt. þenne cast al þis in þe pot with
flesh. &ter. [2]
[1] Tweydel. Two parts.
[2] &ter. i. e. serue forth.