Take Hares and hewe hem to gobettes and seeþ hem with þe blode
unwaisshed in broth. and whan þey buth y nowh: cast hem in colde
water. pyke and waisshe hem clene. cole [3] the broth and drawe it
thurgh a straynour. take oþer blode and cast in boylyng water seeþ it
and drawe it thurgh a straynour. take Almaundes unblaunched. waisshe
hem and grynde hem and temper it up with the self broth. cast al in a
pot. tak oynouns and parboile hem smyte hem small and cast hem in to
þis Pot. cast þerinne Powdour fort. vynegur an salt.
[1] Haares, Contents. So again, No. 24.
[2] Talbotes. Ms. Ed. No. 9, _Talbotays_.
[3] Cole. Cool.