[p.41]
Neen, neen, sy eyst haer vyant uyt,
En maeckt daer toe een hel geluyt;
En eer sy haer tot vechten set,
20 Soo steeckt het beesje sijn trompet;
Het doet gelijck een dapper helt,
Het geeft hem open in het velt
Het steeckt den leeuw niet in de steert,
Dat is niet eens de pijne 1) weert;
25 Het steeckt hem daer hy 't klaerste siet,
Daer is 't dat het hem d' oorlogh biet;
Het komt hem onder sijn gesicht,
En vlieght hem in dat vyerigh 2) licht;
En schoon hy dan geweldigh tiert,
30 En al de leden omme-swiert,
En schoon hij dan gansch byster raest,
En dampen uyt syn keele blaest,
En schoon hy springht dan wonder hoogh,
Het steeckt hem in dat vinnigh oogh;
35 Soo dat hy in het gansche dal
Niet weet, waer hy hem keeren sal.
Ick wou, dat alle trotsche liên
Hier op met oordeel wouden sien,
En leeren uyt der leeuwen pijn
40 Niet al te fier en moedigh sijn;
Want siet, niet een soo grooten beest,
Dat oock sijn minder 3) niet en vreest!