_To the Rev. Father Goldie, S. J._
Deficit inter tenebras cor triste:
Unde fulgebit mihi lux petita?
O cor infidum! Nonne dicis, Christe!
Ego sum Via, et Veritas, et Vita.
Via amara Tu, Veritas dura,
Vita difficilis, tremende Deus!
Deliciarum Via, Veritas pura,
Vita vitarum Tu, et amor meus!
Non Te relinquam, carae Dator crucis,
Rex caritatis, Domine dolorum!
Splendet longinqua mihi patria lucis,
Et diadema omnium amorum.
1893.