P. valvis transversè costatis: scutis margine basali non recto, angulum
pæne rectum cum margine occludente formante; costâ, parietibus
obliquis, ab apice ad angulum basi-lateralem decurrente: tergis, costâ
curvatâ, parietibus obliquis, ad angulum basalem latum, rotundatum,
decurrente.
_Foss._--In Cretaceâ superiore Formatione, Angliâ, Scaniâ, Hanoveriâ.
26. _Pollicipes elegans_, Darwin. ('Lepad. Foss.' p. 76, Tab. 4, fig.
9.)
P. valvis longitudinaliter et transversè striatis: scutorum margine
basali recto, cum margine occludente angulum recto paulo majorem
formante; costâ parietali, latiore quam pro solitâ incrementorum
linearum latitudine, ab apice ad angulum basi-lateralem decurrente:
tergorum costâ parietali, rectâ, ad apicem basalem, acuminatum
decurrente.
_Foss._--In Cretaceâ superiore Formatione, Scaniâ, Daniâ.
[_Species aliquot quas, scutis incognitis, auctores a valvis insignibus
nominârunt, hìc pro tempore solummodo iterum describuntur._]
27. _Pollicipes Bronnii_, F. Roemer. (Darwin, 'Lepad. Foss.' p. 77,
Tab. 4, fig. 10.)
P. carinâ lævi, subcarinatâ, margine basali arcuato et turgido; totâ
valvâ vel extrorsùm arcuatâ vel pæne rectâ; internè, costis duabus
elevatis ad utrumque latus partis superioris liberè prominentis.
_Foss._--In 'Upper Greensand,' et 'Hils-conglomerat.'
28. _Pollicipes planulatus_, J. Morris. (Darwin, 'Lepad. Foss.' p. 27,
Tab. 4, fig. 11.)
P. tergis subrhombicis, latis, lævibus, apice basali latè truncato,
latitudine dimidium longitudinis marginis occludentis æquante; apice
basali truncato angulum rectum cum margine scutali formante; parte
superiori marginis scutalis cuspidem latam, rotundatam, leviter
prominentem formante.
_Foss._--In 'Oxford Clay.'