Sub-classis CIRRIPEDIA.
Crustacea ex anteriore capitis parte defixa, cæmento in hunc usum ex
ovariorum portione ad id specialiter modificatâ emisso. Archetypus è
segmentis 17 compositus, quorum 3 priora magna, in carapacem sæpissimè
conformata, quæ non omnino exuitur et varios motus efficit: antennæ
nullæ: oculi rudimentarii: os prominens, formatum è labro, palpis,
mandibulis, et duobus maxillarum paribus, quæ omnia partim confluunt:
thorax ad superficiem internam sternalem carapacis affixus, plerumque
cum membrorum captantium biramorum, multiarticulorum paribus 6:
abdomen plerumque rudimentarium: branchiæ, si quæ adsunt, ad inferiora
carapacis latera affixæ: plerumque bisexualia; in unisexualibus, mares
fœminis parasitice inserti: penis unicus, plerumque probosciformis,
ad posteriorem abdominis extremitatem situs: oviductus nulli:
metamorphoses multiplices.