pour auoir le nom du cheualier | mais plus nen peurent traire. et
messire gauuain craint quil ne ennuye a gallehault, si dist au roy.
“Or en laissez a tant le parler. certes le cheualier est preudhomme,
& pleust a dieu que ie luy ressemblasse.” Moult loe messire gauuain
le cheualier. Si en ont la parolle laissee | et gallehault la
recommence et dit. “Sire, veistes vous oncques meilleur cheuallier
que celluy au noir escu?” “certes,” fait le roy, “ie ne vy oncques
cheualier de qui ie aymasse mieulx laccointance po{u}r cheualerie;”
“Non,” | fait gallehault. “Or me dictes,” faict gallehault, “par la
foy que vous deuez a ma dame q{u}i cy est, combien vous vouldriez
auoir donne pour auoir son accointance a tousioursmais?”
[Sidenote: “Half of all I have, except my wife,” Says Arthur.]
“Si maist dieu,” faict il, “ie luy partiroye la moytie de tout ce
que ie po{u}rroye auoir, fors seullement de ceste dame.” “Certes,”
fait gallehault, “assez y mettriez.
[Sidenote: “And what would you give, Gawain?”]
Et vous, messire gauuain, se dieu vous doint sante que tant desirez,
quel meschief en feriez vous pour auoir compaignie a si preudhomme?”
Et qua{n}t messire gauuain lot, si pense vng petit comme celluy qui
ne cuyde iamais auoir sante.
[Sidenote: “I should like to turn woman if he would love me all his
life.”]
“Se dieu me donnoit la sante que ie desire | ie vouldroye
ore{n}droit estre vne des plus belles dames du monde, par conuenant
quil me aymast to{us} les iours de sa vie.” “par ma foy,” fait
gallehault, “assez y auez mis.” “Et vous, madame, quel meschef
feriez vous par conuena{n}t que vng tel cheualier fust tousiours en
vostre seruice?”
[Sidenote: “I can offer no more than Gawain,” says the Queen.]
“par dieu,” fait elle, “messire gauuain y a mis toutes les offres
que dame y peult mettre.” Et mo{n}seigneur gauuain & tous aultres se
commencerent a rire. “Gallehault,” fait messire gauuain, “qui tous
nous auez adiurez par le serment que ie vous co{n}iuray, ores qui
vouldriez vous y auoir mys?”
[Sidenote: “Well,” says Galiot, “I would turn all my honour into shame,
for his sake.”]
“Si maist dieu,” faict gallehault, “ie y vouldroye auoir tourne mon
honneur a honte, par tel si q{ue} ieusse a tousioursmais vng si bon
cheualier en ma compaignie.” “Sy maist dieu,” faict messire gauuain,
“plus y auez mys que nous.”
[Sidenote: So Gawain concludes that it was the Black Knight who brought
about the peace.]
et lors se pensa messire gauuain que cestoit le noir cheualier qui
le paix auoit faicte | car pour luy auoit tourne son honneur a
honte, quant il veit quil estoyt au dessus. Et le dist gauuain a la
royne, & se fut la cause do{n}t gallehault fut plus prise; Moult
tindrent longuement parolles du cheualier.
[Sidenote: The Queen walks away with Galiot, tells him she loves him
much, and prays him to let her see the Black Knight.]
et la royne sadressa, et dist quelle sen voulloit aller vers la
bretesche pour veoir les prez, et gallehault la conuoye: si le print
la royne par la main & luy dist. “Gallehault, ie vous ayme moult, &
il est vray que vous auez le cheualier en vostre baillie, & par
aduenture il est tel que ie le congnois bien; si vous prie si cher
que vous auez mamour, que vous faciez tant que ie le voye.” “Dame,”
fait gallehault, “ie nen ay encores nulle saisine | & ne le vy puis
que la paix fut faicte de moy & du roy.
[Sidenote: He promises to do all he can for her;]
Et se il estoit or en mon tref, si y conuiendroit il aultre voulente
q{ue} le vostre & que la mienne. Et bien saichez que tant me auez
coniure q{ue} ie mettray tout le pouoir que ie pourray. co{m}ment
vous pourrez parler a luy?”
[Sidenote: and the Queen says, “I shall be sure to see him if you try,
for he is in your custody. Send and get him.”]
“se vous en faictes vostre pouoir,” fait elle, “ie le verray bien, &
ie men attens a vous, et faictes tant que ie soye vostre a
tousiours: car cest vng des hommes du monde que ie verroye plus
voulentiers.” “Dame,” fait il, “ie en feray mon pouoir.” “Grant
mercys,” fait elle. “Or gardez que ie le voye au plus tost que vous
pourrez | car il est en vostre baillie, ie le scay bien | et se il
est en vostre terre, enuoyez le querre.” Atant sen part gallehault &
sen vient au roy.
[Sidenote: Arthur wishes Galiot’s people and his own to be brought
nearer to one another.]
Et mo{n}seigneur gauuain & le roy lui dient. “gallehault, ie suis
deliure de mes gens, ores faictes approcher voz ge{n}s des nostres,
ou ie feray approcher les nostres des vostres | Car nous sommes a
priuee mesgnie.” “Sire,” faict gallehault, “ie feray approcher les
miens daultre part de cest riuiere si que mon tref sera endroit le
vostre, et sera vne nef appareillee en quoy nous passerons dicy la
et de la icy.” “Certes,” fait le roy, “moult auez bien dit.”
[Sidenote: Galiot returns to Lancelot, tells him what the King, Gawain,
and the Queen have said of him, and asks him what answer he shall give
the Queen.]
++LOrs sen va Gaillehault en sa tente, et trouue son compaignon
mo{u}lt pensif. Il luy demande co{m}ment il a puis fait; Et il dist,
“bien, se paour ne me mestriast.” et gallehault dist, “de quoy auez
vous telle paour?” “que ie ne soye co{n}gneu,” dist il. “or nen ayez
mie paour, car vous ny serez ia congneu, se vostre voulente ne y
est;” Lors luy compte les offres que le roy et messire gauuain ont
faict pour luy, et ce que la royne dit | et comment la royne la tenu
a grant parlement de le veoir | et comme il luy respondit. “et
saichez que elle na de nully si tres grant desir de veoir comme de
vous. Et mo{n}seigneur la Roy ma prye que ie face mes gens approcher
| car nous sommes trop loing lung de lautre. Or me dictes que vous
voulez que je face | car il est en vostre plaisir.” “Je loue que
vous facez ce que monseign{eu}r le roy vous prye;” “Et a ma dame que
respondray ie, beau doulx amy?” “Certes,” fait il, “ie ne scay.”
Lors commence a souspirer.
[Sidenote: Lancelot sighs, and says, “Whatever you advise.”]
Et gallehault luy deist. “Beau doulx amy, ne vous esmayez point |
mais dictes moy comment vous voulez quil soit | car bien saichez
quil sera ainsi comme vous vouldrez | et ie aymeroye mieulx estre
courrouce a la moytie du monde que a vous tout seul. ores me dictes
quil vous en plaist.” “Sire,” faict ledit cheualier, “ce que vous me
louerez | car ie suis en vostre garde desormais.”
[Sidenote: “There will be no harm in seeing her,” answers Galiot.]
“Certes,” fait gallehault, “il me semble que pour veoir ma dame la
royne il ne vous peult empyrer.”
[Sidenote: Lancelot says the matter must be managed secretly; and they
agree that Galiot shall tell the Queen he has sent to seek for
Lancelot.]
Lors apperceut galehault assez de son penser, & le tient si court
quil luy octroye ce quil demande | “mais il conuiendra,” faict il,
“que il soyt faict celeement, que nul ne le saiche | fors moy et
vous.” Et gallehault dit que il ne se soulcye point. “Or dictes,”
(fait le cheualier a gallehault,) “a ma dame que vous me auez enuoye
querre.” “Sur moy en laissez le surplus,” dit Gallehault. Lors sen
part a tant, et commanda ses trefz a tendre la ou il auoit en
conuenant au roy | et son seneschal fist son commandement.
[Sidenote: How Guinevere and Lancelot meet and talk.]
¶ Comment gallehault fist tant que la royne veit Lancelot,
Et comment ilz se araisonnerent ensemble, et parlerent de plusieurs
choses.
[Sidenote: The Queen asks Galiot what he has done for her.]
++A Tant sen partit gallehault & sen vient au tref du roy, & si tost
comme la royne le voit, si luy courut a lencontre, & luy dema{n}de
comment il auoit exploycte la besongne. “dame,” faict il, “ie en ay
fait tant que ie craing que lamour de vostre pryere ne me tolle la
chose du monde que ie ayme plus.” “Sy maist dieu,” faict elle, “vous
ne perderez riens par moy que ie ne vous rende ou double | mais que
y pouez vo{us},” fait elle, “perdre?” “Celluy mesmes que vous
demandez,” fait gallehault | “Car ie doubte quil ne se courrouce, et
que ie ne le perde a tousiours.” “Certes,” faict elle, “ce ne
pourray ie pas rendre | mais ia par moy ne le perderez, se dieu
plaist. Et touteffoys dictes moy quant il viendra” |
[Sidenote: “Sent to seek for your knight,” says he.]
“dame,” fait il, “quant il pourra | car ie lay enuoye querre, et
croy que il ne demourra mye longuement.” De leur conseil entendit
ung peu la dame de mallehault qui sen prenoit garde et nen faisoit
mye semblant.
[Sidenote: Galiot returns to his men, and tells his Seneschal to bring
Lancelot when he sends for him.]
Lors sen partit gallehault et vient a ses gens qui estoyent logez la
ou il auoit commande.
++QVant il fut descendu, il parla a son Seneschal et luy deist |
“quant ie vous enuoyeray querir, venez a moy, vous & mon compaignon
en ce lieu la.” Et le roy des cent cheualiers, qui son seneschal
estoit, dist que mo{u}lt voulentiers feroit son commandement & son
plaisir.
[Sidenote: Galiot then goes back to the Queen, says he thinks she will
see her knight that evening, and appoints to meet her in an Orchard
below.]
Lors salua Gallehault son compaignon, et sen retourna a la court. Et
quant la royne veit gallehault qui estoit venu, elle luy dist que il
gardast bien et loyaulment ce quil luy auoit promis. Et il luy dist
| “dame, ie cuyde que vous verrez ennuyt ce que vous auez tant
desire.” Quant elle ouyt ce, si en fut moult ioyeuse, et moult luy
ennuya ce iour pour sa voulente acomplir du desir q{ue} elle auoit
de parler a celuy ou toutes ses pensees estoyent. Lors luy deist
Gallehault, “nous yrons apres soupper en ce vergier la aual” | et
elle luy octroye.
[Sidenote: After supper the Queen goes to the Orchard, and Galiot sends
for his Seneschal and the Knight, who come.]
Quant ce vint apres souper, si appelle la royne | la dame de
mallehault | et dame Lore de cardueil, une sienne pucelle, et sen
vont tout droit la ou gallehault auoyt dit | et gallehault prent ung
escuyer et luy dist. “Va et dy a mon seneschal que il viengne la ou
ie luy commanday.” Et celuy y va. Apres ne demoura guaires que le
seneschal y vint, luy et le cheualier. Ilz estoye{n}t tous deux de
grant beaulte; Quant ilz approchere{n}t, si congneut la dame de
mallehault le cheualier comme celluy que elle auoyt eu maint iour en
sa baillie. Et pource quelle ne vouloit mye que il la congneut, se
embroncha, et ilz passent oultre. le seneschal les salue. Et
gallehault dit a la royne. “Dame, lequel vous semble il que se
soit?” | et elle dit.
[Sidenote: The Queen at first cannot think that either is the black
knight, but one is so bashful that she fixes on him, seats him by her,
smiles on him, says she has so longed to see him, and now he must tell
her who he is. “I don’t know,” he answers.]
“Certes, ilz sont tous deux beaulx cheualliers | mais ie ne voy
corps ou il puisse auoir tant de prouesse que le noir cheualier
auoit.” “or saichez, dame, que cest lung de ces deux” | a tant sont
venuz auant, et le cheuallier tremble si que a peine peult saluer la
royne, & la royne sen esmerueille. lors se agenouillent eulx deux,
et le cheualier la salue | mais cest moult pourement | car moult
estoit honteux. Lors se pense la royne que cest il. Et gallehault
dit au seneschal. “allez, si faictes a ces dames compaignie.” Et
celluy fait ce que son sire luy comma{n}de. A doncq{ue}s la royne
prent le cheualier par la main & le assiet iouxte elle. Sy luy fait
moult beau semblant & dit en riant. “Sire, moult vo{us} auons
desire, tant que, dieu mercy et gallehault, vous voyons. et
nonpourtant encores ne croy ie mye que ce soit celluy que ie demande
| & gallehault ma dit que cestes vous | & encores vouldroye scauoir
qui vous estes par vostre bouche mesmes, se vostre plaisir y
estoit.” Et celuy dit que il ne scait | et oncques ne la regarda au
visaige. Et la royne ce esmerueille que il peult auoir, tant quelle
souspeconne une partie de ce quil a.
[Sidenote: Galiot leaves the two to themselves, and the Queen asks the
knight, “Are not you he who wore the black armour, and overcame
everyone?”]
Et gallehault, qui le voigt si honteux, pense quil veult dire a la
royne son penser seul a seul. lors sen vient messire gauuain celle
part, et fait rasseoir les damoyselles pour ce que leuees sestoient
encontre luy. Puis commence{n}t a parler de maintes choses. Et la
Royne dit au cheuallier, “Beau sire, pourquoy vous celez vous de
moy? Certes il ne y a cause pourquoy; nestes vo{us} mie celluy qui
porta les noires armes, et qui vainquist lassemblee?” “Dame, nenny”
| “et nestes vous pas celluy qui porta lendemain les armes a
gallehault?” “Dame, ouy;” “Do{n}c estes vous celluy qui vainquistes
lassemblee qui fut faicte le premier iour par deuer{s} nous et
par[A42] deuers Gallehault?”
[Sidenote: “No, I am not,” saith he, refusing to praise himself.]
“Dame, non suis.” Quant la royne ot ainsi parler le cheualier, a
donc appercoit elle bien quil ne veult mie congnoistre quil eust
vaincue lassemblee, si len prise mieulx la royne | car quant vng
homme se loe luy mesmes, il tourne son honneur a honte | et quant
aultruy le loe, adonc il est mieulx prise.
[Sidenote: “Then who made you a knight, and when?”]
“Or me dictes,” fait la royne a lancelot | “q{ui} vous fist
cheuallier?” “Dame,” fait il, “vous;” “Moy?” fait elle, “Et quant?”
[Sidenote: “You, at Kamalot, when the pieces of a spear were drawn out
of the wounded knight, and you girded on my sword, thus knighting me,
and I went away to help the Lady of Noehault, and sent you two damsels.]
“Dame,” fait il, “vous remembrez vous point quant vng cheuallier
vint a Kamalot, lequel estoyt naure de deux troncons de lance au
corps, et dune espee parmy la teste, et que vng varlet vi{n}t a
co{ur}t en vng vendredy, et fut cheualier le dymenche, et deffera le
cheuallier?” “De ce,” fait elle, “me souient il bien | et se dieu
vous aist, feustes vous ce q{ue} la dame du lac amena en court vestu
dune robe blanche?” “Dame, ouy.” “Et pourquoy dictes vous donc que
ie vous fis cheuallier?” “Dame,” fait il, “ie dys vray | Car la
coustume est telle que nul ne peut estre cheuallier sans ceindre
espee. Et celluy de qui il tient lespee, le faict cheuallier; de
vous la tiens ie. Car le roy ne la me donna onques. Pour ce dis ie
que vous me feistes cheualier.” De ce est la royne mo{u}lt ioyeuse |
“ou vous en allastes vous au partir de co{ur}t?” “Dame, ie men allay
pour secourir la dame de noehault;” “Et durant ce temps me mandastes
vous riens?” “Dame, ouy | ie vo{us} enuoyay peux pucelles.” “Il est
vray,” dist la royne. “Et quant vous partistes de noehault,
trouuastes vous nul cheuallier qui se reclamast de moy?”
[Sidenote: Then I met a man, who said he was your knight, and I fought
him (for which I crave your pardon).]
“Dame, ouy; vng qui gardoit vng gue, et me dist que descendisse de
dessus mon cheual et le vouloit auoir, et ie luy demanday a qui il
estoit | et il dist a vous. Puis luy demanday apres, qui le
commandoyt. Et il me dist quil nauoyt nul commandement que le
sie{n}. Et adoncques remys le pied en lestrief et remontay |
Car ie estoye ia descendu | et luy dis que il ne lauoyt point, et me
combatis a luy. Et ie scay bien que ie vous fis oultraige, si vous
en crie mercy” | “Certes a moy ne en feistes vous point | Car il
nestoyt mye a moy | et luy sceuz mauluais gre de ce quil ce reclama
de moy. Mais or me dictes on vous en allastes la?”
[Sidenote: After that I took the Sorrowful Castle, and there I saw you
thrice, last when you thought you had lost Gawain and his companions,
and I helped to deliver him from prison.”]
“Dame, ie men allay a la douloureuse garde” | “& qui la conquist?”
“Dame, ie y entray” | “et ne vous y viz ie oncques.” “Ouy, plus de
troys foys.” “Et en quel temps?” fist elle. “Dame,” fist il, “vng
iour que ie vous demanday se vous vouliez leans entrer; Et vous
deistes ouy | et estiez moult esbahye par semblant.” “Et quel escu
portiez vo{us}?” “Dame, ie portay a la premiere foys vng escu blanc
a vne bande de belif vermeille. Et lautre foys vng ou il y auoyt
deux bendes” | “Et vous vys ie plus?” “Ouy, la nuyt que vous cuidiez
auoir perdu messire Gauuain et ses co{m}paignons, et que les gens
cryoyent que le{n} me prenist; Je vins hors a tout mon escu a troys
bendes.” “Certes,” faict elle, “ce poise moy | car se on vous eust
detenu, tous les enchantements feussent demourez | Mais or me
dictes, fustes vous ce qui iettastes messire Gauain de prison?”
“Dame, ie y ayday a mon pouoir.” “Certes,” faict elle, “en toutes
les choses q{ue} vous me dictes ie nay trouue si non verite.
[Sidenote: The Queen asks the knight who was in the turret above his
room there.]
Mais or me dictes qui estoit en vne tournelle dessus la chambre
monseigneur.”
[Sidenote: “A damsel whom I never dishonoured, but I asked her not to
leave till she saw my messenger or me, which I then forgot, and kept her
there a very long time.”]
“Dame, cestoyt vne pucelle que ie ne villennay oncques | Car ma dame
du lac la me auoyt enuoyee | si me trouua en ceste tournelle | il
fut assez qui la honnora pour moy. Quant ie ouy nouuelles de
monseigneur Gauuain, si en fut mo{u}lt angoisseux, et men party de
la Damoyselle qui auecques moy debuoit venir, et luy priay que elle
ne se remuast tant que elle eust mon messaige ou moy. Si fus si
surprins de tresgrant affaire que ie loubliay | et elle fut plus
loyalle uers moy que ie ne fus courtois vers elle | car oncques ne
se remua iusques a ce q{ue}lle eut mes enseignes, et ce fut grant
piece apres.”
[Footnote A42: The original has _pat_.]
[Sidenote: How the Queen knew Lancelot.]
Comment la royne congneut Lancelot apres q{u}il eut lo{n}guement
parle a elle, et q{u}il luy eut compte de ses adue{n}tures. Et
comment la premiere acointance fut faicte entre lancelot et la royne
genieure par le moyen de gallehault.
[Sidenote: When she heard of this damsel the Queen knew it must be
Lancelot, and asks him if he was the knight whom Daguenet took.]
++QVant la royne eut parle de la damoiselle, si scait bien q{ue}
cest La{n}celot. Si luy enquist de toutes les choses q{ue}lle auoit
ouy de luy, et de toutes le trouua vray disa{n}t; “Or me dictes,”
fait elle, “vous vy ie puis?”
[Sidenote: He answers “Yes;” and that two rascals killed his horse, and
Ywain gave him another.]
“Ouy, dame, telle heure que vo{us} me eustes bie{n} mestier | car
ieusse este noye a kamalot se ne eussiez vous este.” “Comment!
feustes vous celluy que daguenet le fol print?” “Dame, prins fus ie
sans faulte.” “Et ou alliez vous?” “Dame, ie alloye apres vng
cheuallier.” “Et vous combatistes vous a luy” | “dame, ouy.” “Et
dillec ou allastes vous?” “Dame, ie trouuay deux grans villains que
me occirent mo{n} cheual | mais messire yuain, qui bonne aduenture
ayt, men donna vng.”
[Sidenote: “Ah, then your name is Lancelot,” says she, “and for what
lady or damsel did you do such feats of arms the day before yesterday?”]
“Ha, ha,” fait elle, “ie scay bien qui vous estes; Vous auez nom
lancelot du lac.” Il se taist. “Par dieu,” faict elle, “pourneant le
celez | long temps a que messire Gauuain apporta nouuelles de vostre
nom a co{ur}t;” Lors luy compta comment messire yuain auoit compte
que la damoyselle auoit dit | cest la tierce. “Et anten quelles
armes portastes vous?” “Vnes vermeilles.” “Par mo{n} chef cest
verite. Et auant hier pourquoy feistes vo{u}s tant darmes comme vous
feistes?” Et il commenca a souspirer. “Dictes moy seurement | Car ie
scay bien que pour aulcune dame ou damoyselle le feistes vous, et me
dictes qui elle est, par la foy que vous me deuez.”
[Sidenote: “For you, Lady; and for you I broke the three lances that
your maiden brought me for you had made me your _friend_, and said I was
your knight in all lands, and bid me adieu as your own sweet friend.]
“Haa, dame, ie voy bien quil le me conuient dire, cestes vo{us}.”
“Moy?” faict elle. “Voire, dame.” “Pour moy ne ro{m}pistes vous pas
les troys lances que ma pucelle vous porta?” “Car ie me mis bien
hors du mandement, dame; ie fis pour elle ce q{ue} ie deuz, et pour
vous ce que ie peux.” “Et combien a il que vous me aymez tant?” “Des
le iour que ie fus tenu pour cheuallier, et ie ne lestoye mye” |
“Par la foy que vous me deuez, dont vindrent ces amours que vous
auez en moy mises?” “dame,” fait il, “vous le me feistes faire qui
de moy feistes vostre amy, se vostre bouche ne me a me{n}ty.” “Mon
amy!” faict elle, “comment?” “Dame,” fait il, “ie vins deuant vous
quant ie eu prins congie monseigneur le roy | si vous commanday a
dieu, et dis que ie estoye vostre cheuallier en tous lieux. Et vous
me dictes que vostre amy et vostre cheuallier voulliez vous que ie
feusse. Et ie dys, “a dieu! dame.” Et vous distes “a dieu! mon beau
doulx amy!”
[Sidenote: That word has never left me, but always been my strength and
wealth.”]
Ce fut le mot qui preudhomme me fera, se ie le suis, ne oncques puis
ne fus a si grant meschef que il ne men remembrast. Ce mot ma
conforte en to{us} mes ennuys. Cest mot ma de tous maulx guary. Cest
mot ma fait riche en mes pouretez;” “Par ma foy,” fait la royne, “ce
mot fut en bo{n}ne heure dict | et dieu en soyt aoure | ne ie ne le
prenoye pas acertes comme vous feistes, et a maint preudhomme ay ie
ce dict ou ie ne pensay oncques riens que le dire.
[Sidenote: “Oh, but that was only an ordinary compliment,” says
Guinevere, to tease him.]
Mais la coustume est telle des cheualliers que font a mainte dame
semblant de telles choses dont a gueres ne leur est au cueur.” Et ce
disoit elle po{ur} veoir de combien elle le pourroit mettre en
malaise;
[Sidenote: This grieves Lancelot so that he nearly faints, at which
Galiot is greatly grieved, tells the Queen that Lancelot is the
gallantest and truest of men, and prays her to have mercy on him.]
Car elle veoit bien quil ne pretendoit a autre amour que a la sienne
| mais elle se delectoyt a sa malaisete veoir, et il eut si grant
angoisse que par vng pou q{u}il ne se pasma | & la royne eut paour
quil ne cheist, si appella gallehault, et il y vint acourant. Quant
il voyt q{ue} son compaigno{n} est si courrouce, si en a si gra{n}t
angoisse q{ue} plus ne peut. “Haa, dame,” fait gallehault, “vous le
nous pourrez bien tollir, et ce seroit trop grand do{m}maige.”
“Certes, sire, se seroit mo{n};” “Et ne scauez vous pour qui il a
tant fait darmes?” faict gallehault. “Certes, nenny,” faict elle |
“mais, se il est veoir ce qui ma este dict, cest pour moy;” “Dame,
se maist dieu, bien len pouez croire | car aussi comme il est le
plus preudho{m}me de tous les hommes | aussi est son cueur plus vray
que tous aultres.” “Voireme{n}t,” fait elle, “diriez vous quil
seroit preudhomme se vous scauiez quil a fait darmes puis quil fut
cheuallier.” Lors luy compte tout ainsi co{m}ment vous auez ouy |
“et saichez quil a ce faict seullement pour moy,” fait elle. Lors
luy prie gallehault, & dist. “Pour dieu, dame, ayez de luy mercy, et
faictes pour moy ainsi comme ie fis pour vous quant vous men
priastes.”
[Sidenote: “What mercy?” says she;]
“Quelle mercy voulez vous que ien aye?” “Dame, vous scauez que ie
vous ayme sur toutes, et il a fait po{u}r vous plus que oncques
cheualier ne fist po{u}r dame, et sachez que la paix de moy et de
monseign{eu}r neust ia este faicte se neust il este.”
[Sidenote: “there is nothing he can ask of me that I will not do; but he
will not ask.”]
“Certes,” faict elle, “il a plus faict pour moy que ne pourroye
desseruir, ne il ne me pourroyt chose requerre dont ie le peuisse
esconduyre | mais il ne me requiert de riens | ains est tant
melencolieux que merueilles.” “Dame,” fait gallehault, “auez en
mercy; il est celluy qui vo{us} ayme plus que soy mesmes. Si maist
dieu, ie ne scauoye riens de sa voulente quant il vint, fors quil
doubtoit de estre congneu, ne oncques plus ne men descouurit.” “Je
en auray,” fait elle, “telle mercy comme vous vouldrez.” “Dame, vous
auez fait ce que ie vous ay requis; aussi doy ie bien faire ce q{ue}
vous me requerez.” Se dit la royne, “il ne me requiert de riens.”
[Sidenote: “He does not dare,” answers Galiot, “but I will ask for
him.”]
“Certes, dame,” fait gallehault, “il ne ose | car le{n} ne aymera ia
riens par amo{ur}s que len ne craigne | mais ie vous en prie pour
luy, & se ie ne vous en priasse, si le deussiez vo{us} pourchasser.
Car plus riche tresor ne pourriez vous conquester.”
[Sidenote: “Then I will grant it,” says Queen Guinevere. Galiot prays
her to give Lancelot her love, and become his loyal lady all her life.]